ತಂಗಿ ಬರೆದಿದ್ದಾಳೆ..

ಗೆಳೆಯರೇ, ನಾನು ಮುಂಬಯಿಯಲ್ಲಿ ಎಂ.ಎ. ಮಾಡುತ್ತಿದ್ದ ಸಂದರ್ಭದಲ್ಲಿ ಬರೆದ ಕವಿತೆ ಇದು. ಬಳಿಕ ನನ್ನ ಮೊದಲ ಕವನ ಸಂಕಲನ ‘ಪ್ರವಾದಿಯ ಕನಸು’ ಕೃತಿಯಲ್ಲಿ ಈ ಕವನ ಪ್ರಕಟಗೊಂಡಿತು. 1996ರಲ್ಲಿ ಈ ಕೃತಿಗೆ ‘ಮುದ್ದಣ ಕಾವ್ಯ ಪ್ರಶಸ್ತಿ’ಯೂ ದೊರಕಿತ್ತು.

ನನ್ನ ತೀರಾ ಹಳೆಯ ಈ ಕವಿತೆಯನ್ನು ನಿಮ್ಮೊಂದಿಗೆ ಹಂಚಿಕೊಳ್ಳಬೇಕು ಅನ್ನಿಸಿತು. ಹಂಚಿಕೊಂಡಿದ್ದೇನೆ.

-ಬಿ ಎಂ ಬಷೀರ್

ಗುಜರಿ ಅಂಗಡಿ

ನನ್ನ ಪುಟ್ಟ ತಂಗಿಗೀಗ ತಿಳಿದು ಹೋಗಿದೆ

ನಾ ಕೊಟ್ಟ ನವಿಲು ಗರಿಗೆ ಎಂದೂ

ಜೀವ ಬರುವುದಿಲ್ಲ ಎಂದು

ಪತ್ರದಲ್ಲಿ ತಿಳಿಸಿದ್ದಾಳೆ

ನಾನೀಗ ಬೆಳೆದಿದ್ದೇನೆ!

ಹಾರಿ ಬಿಟ್ಟ ಗಾಳಿಪಟ

ದೈತ್ಯ ವೃಕ್ಷದ ಎದೆಗೂಡೊಳಗೆ ಸಿಕ್ಕಿ

ಹರಿದು ಚೆಲ್ಲಾಪಿಲ್ಲಿಯಾದ ಬಗೆ;

ನಿನ್ನೆಯ ಮುಂಗಾರು ಮಳೆ ತಿಳಿಸಿ ಹೋಗಿದೆ…

ನೀ ಕೊಟ್ಟ ಕಾಗದದ ದೋಣಿ

ಅದರೊಳಗೇ ಕರಗಿ ಕಡಲ ಸೇರಿದೆ!

ತಿಳಿಸಿದ್ದಾಳೆ-

ಏಳು ಕೋಟೆಯ ಒಳಗಿರುವ

ಮಲ್ಲಿಗೆ ತೂಕದ ರಾಜಕುಮಾರಿ

ಕುದುರೆಯೇರಿ ಬರುವ ರಾಜಕುವರನ

ಕಾದು-ಸೋತು

ತಾನೇ ಕೋಟೆಯೇರುವ ಹುನ್ನಾರ ನಡೆಸಿದ

ಹೊಸ ಕಥೆ!

ಪಶ್ಚಿಮದ ಗಾಳಿ ಅವಳ ಕೆನ್ನೆ ಸವರಿ

ಉಸುರಿದ ಬಗೆ

ತಿಳಿಸಿದ್ದಾಳೆ ಪತ್ರದಲ್ಲಿ….

ನೀ ಮುತ್ತಿಕ್ಕಿದ ಹಾಲ್ಗೆನ್ನೆಯಲ್ಲೀಗ

ಮೊಡವೆಯೆದ್ದು ಕೀವು ತುಂಬಿದೆ

ಅದೀಗ ಒಡೆಯುವುದಕ್ಕೆ ಕಾದು ನಿಂತಿದೆ!

3 ಟಿಪ್ಪಣಿಗಳು (+add yours?)

  1. BALU
    ಜನ 24, 2011 @ 15:23:40

    nice one

    ಉತ್ತರ

  2. guruve
    ಜನ 24, 2011 @ 12:13:31

    ಬಹಳ ಮುದ್ದಾಗಿದೆ ಕವನ..

    ಉತ್ತರ

  3. ಈಶ್ವರ ಭಟ್
    ಜನ 24, 2011 @ 09:22:43

    ಬೆಳದಾಗ ಬಂದ ಹಿಂದಿನ ನೆನಪು.,ಚೆನ್ನಾಗಿದೆ

    ಉತ್ತರ

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  ಬದಲಿಸಿ )

Google photo

You are commenting using your Google account. Log Out /  ಬದಲಿಸಿ )

Twitter picture

You are commenting using your Twitter account. Log Out /  ಬದಲಿಸಿ )

Facebook photo

You are commenting using your Facebook account. Log Out /  ಬದಲಿಸಿ )

Connecting to %s

%d bloggers like this: