ರಾಮಯ್ಯ ಮತ್ತು ಕಾವ್ಯ

ಹಸಿದ ಕಂದನ ಒಡಲ ತುಡಿತ

ಹುಲಿಕುಂಟೆ ಮೂರ್ತಿ
ರಾಮಯ್ಯನವರು ಬಂದರು.. ತಮ್ಮ ಪದ್ಯಗಳನ್ನು ಓದಿದರು. ಕಳೆದ ಮೂವತ್ತು ಮೂವತ್ತೈದು ವರ್ಷಗಳಿಂದ ತಮ್ಮೆದೆಯಲ್ಲಿ ಕಾಪಿಟ್ಟುಕೊಂಡಿದ್ದ ಕಾವ್ಯದ ಜಲಧಾರೆ ಹರಿಸಿದರು. ಅವರ ಕಾವ್ಯ ದಲಿತ ಸಂಘರ್ಷ ಸಮಿತಿಯ ಹುಟ್ಟು, ಬೆಳವಣಿಗೆ, ಮೂರ್ನಾಲ್ಕು ದಶಕಗಳ ಕನ್ನಡ ಜನತೆಯ ಪ್ರತಿಸ್ಪಂಧನ, ಸಮಕಾಲೀನ ತಲ್ಲಣಗಳು, ಅದರೆದುರಿಗೆ ನಾವು ಕಂಡುಕೊಳ್ಳಬೇಕಾದ ಜಾಡು.. ಹೀಗೆ.. ಸಿಟ್ಟಾಗಿ, ಬೆಂಕಿಯಾಗಿ, ನೀರಾಗಿ, ಹಸಿದ ಕಂದನ ಒಡಲ ತುಡಿತವಾಗಿ.. ಕಂದನಿಂದ ದೂರವಾದ ತಾಯಿಯ ಎದೆಜಿನುಗಾಗಿ.. ಅವರ ಕಾವ್ಯ ರೂಪು ಪಡೆಯುತ್ತಿದ್ದರೆ, ಇದಕ್ಕೆ ಸಾಕ್ಷಿಯಾಗಿದ್ದ ಅರವತ್ತೈದು-ಎಪ್ಪತ್ತು ಎದೆಗಳಲ್ಲಿ.. ತಾವು ಉಂಡ ಅನ್ನದ ಹಿಂದಿನ ಬೆವರಿನ, ಆ ಬೆವರ ನೆತ್ತರ- ಅತ್ತರಿನ ಲೆಕ್ಕಾಚಾರ..

‘ಎಲ್ಲಿದ್ದಾರೆ ಬೇಂದ್ರೆ..?’ ಎಂಬ ಪದ್ಯದಿಂದ ಆರಂಭವಾದ ಈ ಕಾವ್ಯಧಾರೆ, ಕೂಡಲ ಸಂಗಮ, ಸಮಕಾಲೀನ ಅಕ್ಷರ ರಾಜಕಾರಣ, ಅನ್ನದ ರಾಜಕಾರಣ, ಯೂನಿವರ್ಸಿಟಿ, ಅಕ್ಯಾಡೆಮಿಕ್ ಅತಂತ್ರತೆ, ದಲಿತ ಸಂಸ್ಕೃತಿಯ ವಿಸ್ಮೃತಿಯ ನೆಲೆ, ಆಂದ್ರದ ನಕ್ಸಲೀಯ ಚಳವಳಿಯ ಮುಗ್ಗುರಿಕೆ, ಉತ್ತರ ಕರ್ನಾಟಕದ ದಲಿತ ಹೆಣ್ಣುಮಕ್ಕಳ ಬಾಳ ಬೆಳೆಕಿನ ಕಗ್ಗೊಲೆ.. ಎಲ್ಲವೂ, ಎಲ್ಲವು… ಪದ್ಯದ ವಸ್ತುಗಳೇ.. ಪದ್ಯ ಕೇಳಿ ಗಂಟಲು ಒಣಗಿದ್ದ ಕಾವ್ಯಾಸಕ್ತರಿಗೆ ಈಗ ಸಮಕಾಲೀನ ಭೀಕರ ತಲ್ಲಣಗಳನ್ನು ಎದುರಿಸಲು ಯಾರು ಏನು ಮಾಡುತ್ತಿದ್ದೀರಿ..? ಎಂಬ ಚಾಟಿ ಬೀಸು… More

ಜೋಗಿ: ಫಸ್ಟ್ ಜ್ಹಲಕ್

ಜೋಗಿಯ ಮೂರು ಕೃತಿಗಳ ಬಿಡುಗಡೆ ಇಂದು ಬೆಂಗಳೂರಿನಲ್ಲಿ ನೆರವೇರಿತು. ಅಂಕಿತ ಪುಸ್ತಕ ಪ್ರಕಟಿಸಿರುವ ಈ ಮೂರೂ ಕೃತಿಗಳನ್ನು ರವಿ ಬೆಳಗೆರೆ, ಲಕ್ಷ್ಮೀಶ ತೋಳ್ಪಾಡಿ, ಉಪೇಂದ್ರ ಬಿಡುಗಡೆ ಮಾಡಿದರು.

ಆತ್ಮೀಯ ಸಮಾರಂಭದ ಮೊದಲ ಫೋಟೋಗಳನ್ನು ಇಲ್ಲಿ ನೀಡುತ್ತಿದ್ದೇವೆ. ದೊಡ್ಡ ಸೈಜ್ ನಲ್ಲಿ ನೋಡಲು ಪ್ರತೀ ಫೋಟೋದ ಮೇಲೆ ಕ್ಲಿಕ್ಕಿಸಿ. ಡಿ ಸಿ ನಾಗೇಶ್ ತೆಗೆದ ಫೋಟೋಗಳು ಇನ್ನಷ್ಟು ‘ಅವಧಿ’ಯಲ್ಲಿ ಕಾಣಿಸಿಕೊಳ್ಳಲಿದೆ. ಕಾದು ನೋಡಿ-

ಜಯಶ್ರೀ ಕಿಕ್ಕಿಂಗ್ ಕಾಲಂ: ಹಾಸ್ಯದ ಹೆಸರಲ್ಲಿ ಡಬ್ಬಲ್ ಮೀನಿಂಗ್

ಈ ಶ್ರೀಕ೦ಠ ಅವರ ಹಾಸ್ಯ ಕಾರ್ಯಕ್ರಮ ಕಾಮಿಡಿ ಖಾನಾವಳಿ ನಿನ್ನೆ ವೀಕ್ಷಿಸಿದೆ . ತುಂಬಾ ಖುಷಿ ಕೊಡ್ತು. ಈ ಕಾರ್ಯಕ್ರಮದಲ್ಲಿ ನಾಲ್ಕು ಮುಖ್ಯ ಪಾತ್ರಧಾರಿಗಳು. ಶ್ರೀ ಖಾನಾವಳಿಯ ಮಾಲೀಕ , ಅಲ್ಲಿಗೆ ಒಬ್ಬ ಪುಡಿ ರೌಡಿ ತನ್ನ ಹಿಂಬಾಲಕನ ಜೊತೆ ಬರ್ತಾನೆ. ರೌಡಿ ಪಾತ್ರಧಾರಿ ಕಲಾವಿದ ನಮ್ಮ ಲೂಸ್ ಮಾದನ ಬ್ರದರ್ ರೀತಿ ಇರೋದು, ಅದೇ ಸಣ್ಣ, ಅದೇ ಬಳುಕಾಡೋದು . ಅಣ್ಣ..! ಅಂತ ಅವಾಜ್ ಹಾಕೋದು, ಆದ್ರೆ ಆತ ಭಯಂಕರ ಹೆದರು ಪುಕ್ಲ. ಅಲ್ಲಿಗೆ ಬಂದ ಕ್ರೈಂ ರಿಪೋರ್ಟರ್ ಆತನನ್ನು ಸಂದರ್ಶಿಸ್ತಾನೆ. ಅಣ್ಣ ಗೊತ್ತಾ ! ಎನ್ನುತ್ತಾ ಮಾತಾಡುವ ರೀತಿ-ಆ ರೀತಿ ಕಾರ್ಯಕ್ರಮಕ್ಕೆ ಮಜ ಕೊಡ್ತು.

ಮಧ್ಯ ಮಧ್ಯ ಸಾಧು ಕೋಕಿಲ ಅವರ ಸಿನಿಮಾಗಳ ತುಣುಕುಗಳು. ತುಂಬಾ ಚೆನ್ನಾಗಿ ಮಿಕ್ಸ್ ಏನ್ ಮ್ಯಾಚ್ ಮಾಡಿದ್ದರು . ಸಾಧು ಕೋಕಿಲ ಸಖತ್ ಇಷ್ಟ ಆಗ್ತಾರ, ಅದರಲ್ಲೂ ಹಾಸ್ಯದ ಸನ್ನಿವೇಶಗಳಲ್ಲಿ ಅವರು ಗಂಭೀರವಾಗಿ ಇರುವ೦ತೆ ಇರುವ ಪಾತ್ರಗಳು ಹೆಚ್ಚು ಮಜ ನೀಡುತ್ತದೆ. ಒಟ್ಟಾರೆ ಖಾನಾವಳಿ ಅರ್ಧಗಂಟೆಯಲ್ಲಿ ರುಚಿಯಾದ ರೊಟ್ಟಿ ಊಟ ಕೊಡ್ತು. ಕಾರ್ಯಕ್ರಮ ಸಿದ್ಧ ಮಾಡೋದು ಅಂದ್ರೆ ಹೀಗೆ ಕಣ್ರೀ!

ಪೂರ್ಣ ಓದಿಗೆ- ಮೀಡಿಯಾ ಮೈಂಡ್

ಇಂದು ‘ಬನದ ನೆರಳು’ ಪ್ರದರ್ಶನ

‘ಚಿತ್ರವರ್ಷ’ದ ಪ್ರಶಸ್ತಿ ವಿಜೇತ ಕನ್ನಡ ಚಿತ್ರಗಳ ಪ್ರದರ್ಶನದಲ್ಲಿ ವಾರಾಂತ್ಯದ ಚಿತ್ರ

ಬನದ ನೆರಳು


ನಿರ್ದೇಶಕರು      : ಉಮಾಶಂಕರ ಸ್ವಾಮಿ
ನಿರ್ಮಾಪಕರು     : ‘ಭಾವಮಾಧ್ಯಮ’
ಕಲಾವಿದರು        : ಬಿ.ಜಯಶ್ರೀ, ಹರೀಶ್‌ರಾಜ್ ಮುಂತಾದವರು…

ದಿನಾಂಕ           :Jan 8th and 9th 2011
ಸಮಯ            : ಶನಿವಾರ 5:00pm ಹಾಗೂ ಭಾನುವಾರ ಸಂಜೆ 3.30pm
ಸ್ಥಳ                 : K V Subbanna Aptha Rangamandira

#151, 7th cross,  Teachers colony  I Stage, Opposite Vasudha Bhavan,

near Dayananda Sagar Engg College (on the way to Kumara Swamy Layout )

Bangalore – 560078

(ಹೆಚ್ಚಿನ ವಿವರಗಳಿಗೆ ಸಂಪರ್ಕ – 9242523523 )

ಪ್ರಶಸ್ತಿ/ಗೌರವ

  • ವಿಶೇಷ ಸಾಮಾಜಿಕ ಪರಿಣಾಮ ಬೀರುವ ಚಿತ್ರ – ಕರ್ನಾಟಕ ರಾಜ್ಯ ಪ್ರಶಸ್ತಿ – ೨೦೦೮
  • ಭಾರತದ ಅಂತರಾಷ್ಟ್ರೀಯ ಚಲನ ಚಿತ್ರೋತ್ಸವ-ಗೋವಾ-೨೦೦೮

 

‘ಶೂದ್ರ’ ಕಂಡ ಕಮಲಾದಾಸ್

ಕನಸಿಗೊಂದು ಕಣ್ಣು

ಅಲೆಮಾರಿಯ ಮಾತು – 147

ಕಮಲಾದಾಸ್: ಜೀವನಪ್ರೀತಿಯ ಲೇಖಕಿ

-ಶೂದ್ರ ಶ್ರೀನಿವಾಸ್

ನಾನು ವರ್ಣರಂಜಿತ ಯೌವನವನ್ನು ಕಳೆದಿದ್ದೇನೆ. ಪ್ರಾಯಶಃ ನನ್ನ ಮಧ್ಯವನ್ನು ಬೆರೆಸಿಕೊಂಡಂತೆ, ನನ್ನ ಸುಖಗಳನ್ನು ಎಚ್ಚರವಿಲ್ಲದೆ ಬೆರೆಸಿದೆ.

ಬಹುಶಃ ನಾನು ಸಾಯಬಹುದು. ವಧುವಿನಂತೆ ಕಾಣಲು ದೇಹವನ್ನು ಅಲಂಕರಿಸುತ್ತಿದ್ದ ನನ್ನ ಆಭರಣಗಳು ನಾನು ಸತ್ತ ನಂತರವೂ ಇರುತ್ತವೆ. ನಾನು ಸಂಗ್ರಹಿಸಿದ ಪುಸ್ತಕಗಳು, ಹೂಗಳಿಂದ ನಾನು ಪೂಜಿಸಿದ ಕಂಚಿನ ವಿಗ್ರಹಗಳು, ನಾನು ಅಳಿದ ಮೇಲೂ ಇರುತ್ತವೆ. ಆದರೆ ನಾನು ಇರೆನು. ನನ್ನ ಚಿತೆಯಿಂದ ನನ್ನ ಶೋಕಿತ ಮಕ್ಕಳು ಎಲುಬು ಮತ್ತು ಬೂದಿಯನ್ನು ತೆಗೆಯುವರು. ಆದರೂ ಪ್ರಪಂಚ ಮುಂದುವರಿಯುತ್ತದೆ. ನನ್ನ ಮಕ್ಕಳ ಕೆನ್ನೆಯ ಮೇಲಿನ ನೀರು ಬತ್ತುತ್ತದೆ. ಇವರ ಹೆಂಡಂದಿರು ಈ ಲೋಕಕ್ಕೆ ಪ್ರತಿಭಾವಂತ ಮಕ್ಕಳನ್ನು ನೀಡುವರು. ನನ್ನ ವಂಶೀಯರು ಭೂಮಿಯಲ್ಲಿ ತುಂಬುವರು. ನನಗಿಷ್ಟೇ ಸಾಕು. ಈ ಸಾಲುಗಳು ಕಮಲಾದಾಸ್ ರವರ ನನ್ನ ಕಥೆ ಎಂಬ ಅವರ ಜೀವನಗಾಥೆಯಿಂದ ತೆಗೆದುಕೊಂಡಿರುತವಂಥದ್ದು. ಇದೇ ನನ್ನ ಕಥೆಯು ‘ನೀರ್ಮಾದಳ ಹೂ ಬಿಟ್ಟ ಕಾಲ’ ಎಂಬ ಶೀರ್ಷಿಕೆಯಲ್ಲಿಯೂ ಬಂದಿದೆ.

1994ರಲ್ಲಿ ಅಂದರೆ ಇಪ್ಪತ್ತನೆಯ ಶತಮಾನದ ಕೊನೆಯ ಭಾಗ. ಕೇರಳದ ಪೆರಿಯಾರ್ ನದಿಯ ದಡದಲ್ಲಿ ಉದ್ದಕ್ಕೂ ಎರಡೂ ಕಡೆ ಹರಡಿಕೊಂಡಿದ್ದ ಬೆಳ್ಳನೆಯ ಮರಳು. ಎಷ್ಟು ದೂರ ನೋಡಿದರೂ ರೇಷ್ಮೆಯ ಸೆರಗನ್ನು ಬೀಸಿ ಎಸೆದಂತೆ ಕಂಗೊಳಿಸುವ ಮರಳು. ಅದರ ಪಕ್ಕದಲ್ಲಿಯೇ ನೂರಾರು ಮಂದಿ ತಂಗುವಷ್ಟು ಅದ್ಭುತ ಅರಮನೆ ರೀತಿಯ ಬಂಗಲೆಗಳು. ಒಂದಂತೂ ಅರಮನೆಯೇ ಆಗಿತ್ತೇನೋ ಗೊತ್ತಿಲ್ಲ. ಅಷ್ಟು ಮನಮೋಹಕವಾಗಿತ್ತು. ಇಂಥ ಕಡೆ ಬಯಲಿನಲ್ಲಿ ವಿವಿಧ ಬಣ್ಣಗಳ ಷಾಮಿಯಾನ. ಅಲ್ಲಿಯೇ ಬೃಹತ್ತಾದ ವೇದಿಕೆ. ವೇದಿಕೆಯ ಮಧ್ಯಭಾಗದಲ್ಲಿ ಒಂದು ಪಂಜರ. ಅದರೊಳಗೊಂದು ಗಿಳಿ. ಅದು ಒಂದೇ ಸಮನೆ ಒದ್ದಾಡುತ್ತಿತ್ತು. ಇದು ಕೇರಳದ ಮಂದಿಗೆ ಸ್ವಾಭಾವಿಕವಿರಬಹುದು. ಯಾಕೆಂದರೆ ಈ ಮೊದಲೇ ನಾನು ಕೇರಳದ ಬಹಳಷ್ಟು ಮನೆಗಳಲ್ಲಿ ಪಂಜರದಲ್ಲಿ ಗಿಳಿಯನ್ನು ಸಾಕಿರುವುದು ಕಂಡಿದ್ದೇನೆ. ಆದರೆ ಒಂದು ವಿಚಾರ ಸಂಕಿರಣದ ವೇದಿಕೆಯ ಮೇಲೆ ಈ ಪಂಜರವೇಕೆ? ಎಂದು ನಾವು ತುಂಬ ಗುಸುಗುಸು ಮಾತಾಡಿಕೊಂಡಿದ್ದೆವು.

ವೇದಿಕೆಯಲ್ಲಿ ವಾಸುದೇವನ್ ನಾಯರ್ ರವರು ಇದ್ದರು. ಮಲಯಾಳದ ಅಪೂರ್ವ ಲೇಖಕ. ಅವರು ತಮ್ಮ ಸಾಹಿತ್ಯಕ ಒಲವುಗಳನ್ನು ಕುರಿತು ಮಾತಾಡಲು ಪ್ರಾರಂಭಿಸಿದ್ದರು. ಅಷ್ಟರಲ್ಲಿ ಗಿಳಿಯ ಹಿಂಸೆಯನ್ನು ತಾಳಲಾರದೆ ಅಥವಾ ಅದು ನನ್ನ ಮನಸ್ಸಿನಲ್ಲಿ ಹಿಂಸೆಯನ್ನು ಕೆದಕುತ್ತಿತ್ತೇನೋ ಕಾಣೆ. ಪಕ್ಕದಲ್ಲಿ ಕೂತಿದ್ದ ಕೇರಳದ ಮಹಾನ್ ಸಾಹಿತಿಗಳಾದ ತಕಳಿ ಶಿವಶಂಕರ ಪಿಳ್ಳೆ ಮತ್ತು ಕಮಲಾದಾಸ್ರವರ ಬಳಿ ಇಟ್ ಈಸ್ ವೆರಿ ಡಿಫಿಕಲ್ಟ್ ಟು ಟಾಲರೇಟ್ ಎಂದೆ.

ಅದಕ್ಕೆ ಕಮಲಾದಾಸ್ ನಗುತ್ತ ನಾವು ಕೇರಳದಲ್ಲಿ ಸಹಿಸಿಕೊಳ್ಳುವುದಿಲ್ಲ. ಅದನ್ನು ಮತ್ತಷ್ಟು ಕಲ್ಟಿವೇಟ್ ಮಾಡುತ್ತಲೇ ಹೋಗುತ್ತಿದ್ದೇವೆ. ಇನ್ನೊಂದು ಅರ್ಥದಲ್ಲಿ ನಾವು ಹೆಣ್ಣುಮಕ್ಕಳು ಪಂಜರದ ಗಿಳಿಗಳೇ ಎಂದಾಗ ಅತ್ಯಂತ ವಯೋವೃದ್ಧರಾಗಿದ್ದ ತಕಳಿಯವರು ಇದು ನಿಜವೆನ್ನುವಂತೆ ತಲೆದೂಗಿದರು. ಸಾಮಾನ್ಯವಾದ ಬಿಳಿಯ ಪಂಚೆಯನ್ನು ಧರಿಸಿದ್ದ ತಕಳಿಯವರು ಅಷ್ಟೇ ಸಾಮಾನ್ಯವಾದ ವಸ್ತ್ರವನ್ನು ತಮ್ಮ ಬೆತ್ತಲೆಯ ಮೈಮೇಲೆ ಹಾಕಿಕೊಂಡಿದ್ದರು. ಕಮಲಾದಾಸ್ ರವರಂತೂ ಅತ್ಯಂತ ಸರಳವಾದ ಕಾಟನ್ ಸೀರೆ. ವಿಷಾದ ತುಂಬಿದ ಬಟ್ಟಲುಗಣ್ಣಿನ ನಿರಾಡಂಬರ ಕಪ್ಪು ಸುಂದರಿ. ಅವರ ಪಕ್ಕದಲ್ಲಿ ಒರಿಯಾದ ಖ್ಯಾತ ಲೇಖಕಿ ಪ್ರತಿಭಾ ರಾಯ್ರವರು ಟ್ರಿಮ್ಮಾಗಿ ಡ್ರೆಸ್ ಮಾಡಿಕೊಂಡು ತುಟಿಗೆ ಲಿಪ್ ಸ್ಟಿಕ್ ಹಚ್ಚಿಕೊಂಡಿದ್ದರು. ಅತ್ಯಂತ ಲವಲವಿಕೆಯ ಲೇಖಕಿ. ಪಂಜರದ ವಿಷಯದಲ್ಲಿ ಸಹಮತವನ್ನು ವ್ಯಕ್ತಪಡಿಸಿದರು. ಕೊನೆಗೆ ಸ್ವಲ್ಪ ದೂರದಲ್ಲಿ ನಮ್ಮ ಜಿ.ಎಸ್. ಶಿವರುದ್ರಪ್ಪನವರು ಕೂತಿದ್ದರು. ಹಿಂದಿರುಗಿ ಅವರಿಗೆ ವಿಷಯ ತಿಳಿಸಿದೆ. ಹಿಂದಿಯ ಅರ್ಥಪೂರ್ಣ ಲೇಖಕ ಮತ್ತು ಚಿಂತಕ ನಿರ್ಮಲವಮರ್ಾರವರ ಬಳಿ ಏನೋ ಮಾತಾಡುತ್ತಿದ್ದ ಅವರು ಪಂಜರವನ್ನು ತೆಗೆಸಲು ಚೀಟಿ ಕಳಿಸಿ ಎಂದರು. ನಾನು ಧೈರ್ಯ ಮಾಡಿ ಚೀಟಿಯನ್ನು ವಾಸುದೇವನ್ ನಾಯರ್ರವರ ಕೈಗೆ ತಲುಪಿಸಿದೆ. ಅವರು ಅದನ್ನು ನೋಡಿ ಸಾರಿ, ನಾನು ಗಂಭೀರವಾಗಿ ಪಂಜರವನ್ನು ಗಮನಿಸಲಿಲ್ಲ ಎಂದು ತುಂಬ ಚೂಟಿಯಿಂದ ಓಡಾಡಿಕೊಂಡಿದ್ದ ಯುವ ಕವಿ ಬಾಲಚಂದ್ರ ಚೂಡಿಕಾಡ್ರವರನ್ನು ಕರೆಸಿ ತೆಗೆಸಿದರು. ಬಾಲಚಂದ್ರರವರಿಗೆ ಕಮಲಾದಾಸ್ರವರನ್ನು ಕಂಡರೆ ತುಂಬ ಸಲಿಗೆ. ಅದಕ್ಕೇ ಸಿಕ್ಕಿದಾಗಲೆಲ್ಲ ತುಂಬಾ ತಮಾಷೆ ಮಾಡುತ್ತಿದ್ದ. ಯಾಕೆಂದರೆ ಹೊಸ ಪೀಳಿಗೆಯ ಲೇಖಕರ ಜೊತೆ ಕಮಲಾದಾಸ್ ತುಂಬ ಆಪ್ತವಾದ ಸಂಪರ್ಕವನ್ನಿಟ್ಟುಕೊಂಡಿದ್ದರು.ಕಾಲು ಗಂಟೆ ವೇದಿಕೆ ಸ್ತಬ್ಧಗೊಂಡಿತು. ಅದೇ ಸಮಯಕ್ಕೆ ಎಲ್ಲರೂ ಫೈನ್ ಎಂದು ಚಪ್ಪಾಳೆ ತಟ್ಟಿದರು.

More

ಜಿ ಎನ್ ಆರ್ ಪತ್ರ: ಕನ್ನ ಹಾಕಿದ್ದಕ್ಕೆ ಶಿಕ್ಷೆ ಆಗಬೇಕಲ್ಲವೇ?

-ಜಿ.ಎನ್.ರಂಗನಾಥರಾವ್

ಪ್ರಿಯ ಎಚ್ಚೆಸ್ವಿ

ವಿಸ್ಮಯ, ಬೆರಗು, ವಿಚಲತೆಯಿಂದ ನಮ್ಮನ್ನು ಆವರಿಸುವ “ಎಚ್ಚೆಸ್ವಿ ಅನಾತ್ಮಕಥನ” ಓದಿ ಮುಗಿಸಿದಾಗ ನನ್ನ ಹೈಸ್ಕೂಲ್ ವರೆಗಿನ ಬಾಲ್ಯದ ದಿನಗಳನ್ನು ಮತ್ತೆ ಬದುಕಿದಂತಾಯಿತು. ಒಂದು ಕಾಡುವ ಅನುಭವವಾಯಿತು. ಒಂದು ರೀತಿಯಲ್ಲಿ ಇಟ್ ವಾಸ್ ಎ ಸಾರ್ಟ್ ಆಫ್ ರೀ-ಲೀವಿಂಗ್ ಮೈ ಪಾಸ್ಟ್ ಅಂಡ್ ಮೈ ರೂರಲ್ ಸರೌಂಡಿಂಗ್ಸ್.

ಶುದ್ಧ ಅಂತಃಕರಣದಲ್ಲಿ ಅದ್ದಿ ಬರೆದ ನಿಮ್ಮ ಅನಾತ್ಮಕಥನ ಮನುಷ್ಯ ಪ್ರೀತಿಯ ನಿರ್ಮಲ ರೂಪಕ. ಮಾನವೀಯ ಮಿಡಿತಗಳ ನಿರಂತರ ಅನ್ವೇಷಿಯಾದ ನಿಮ್ಮ ಇಲ್ಲಿನ ಬರಹಗಳು ನಿಮ್ಮದೇ ಆದ ಮಾನದಂಡದಿಂದ ನೋಡಿದಾಗ, ನಮಗೆ ಕಾಡುವ ಅನುಭವವಾಗಿ ಲಭಿಸುವ ನೋಟ ’ಮನುಷ್ಯನ ಅಖಂಡ ಪ್ರತಿಮೆಯ’ಜಗತ್ತು. ಈ ಜಗತ್ತಿನೊಂದಿಗೆ ನೀವು ನಡೆಸಿರುವ ಅನುಸಂಧಾನ ನಮ್ಮೆಲ್ಲರ ಬದುಕಿನ ಅನನ್ಯ ಪುನರ್ ಸೃಷ್ಟಿ.

ಮನುಷ್ಯ ಸಂಬಂಧಗಳನ್ನು ಕರಸ್ಥಳಕ್ಕೆ ಆವಾಹಿಸಿ, ಅವರವರ ದ್ರವ್ಯ, ಅವರವರ ಹತಾರಗಳ ಮುಖೇನವೇ ಆಪ್ತನೆಲೆಯಲ್ಲಿ ಅನಾವರಣಗೊಳಿಸುತ್ತಾ ಮುಖಾಬಿಲೆಮಾಡಿಸುವ ನಿಮ್ಮ ಪರಿ ಡಿ.ವಿ.ಜಿಯವರ ಜ್ಞಾಪಕಚಿತ್ರಶಾಲೆಯನ್ನು ನೆನಪಿಗೆ ತರುವ ರೀತಿಯದು.

ನಿಮ್ಮ ಭೀಮಜ್ಜಿ, ತಿಪ್ಪಂಭಟ್ಟರು, ಪುಟ್ಟಜ್ಜ, ಪಿಳ್ಳೆ ಪಂಡಿತರು ಮೊದಲಾದವರು ವಿಸ್ಮಯ, ಬೆರಗುಗಳಲ್ಲಿ ನಮ್ಮನ್ನು ತೇಲಿಸಿ ಮುಳುಗಿಸಿದರೆ, ನೀನೆಲ್ಲಿ ಈಗ?, ಮೂರ್ತಿಗೆ ಕೊನೆಯ ಪತ್ರ ಕರುಳ ಹಿಂಡಿದವು. ಲಿವರ್ನಲ್ಲಿ ಉತ್ಪತ್ತಿಯಾಗುವ ರಾಸಾಯನಿಕದಿಂದ ಬುದ್ಧಿಭ್ರಮಣೆಯಾಗುವುದೆಂಬಂಥ ಸಂಗತಿಗಳು, ನಿಮ್ಮ ದೊಡ್ಡಜ್ಜಿಯಿಂದ ಲೇಖನಿ ಪೆನ್ನು ಹಿಡಿಯದಂತೆ ದೇವರ ಮುಂದೆ ಪ್ರತಿಜ್ಞೆ ಮಾಡಿಸಿದ ನಿಮ್ಮ ಅಜ್ಜನ ಆ ಕಾಲ ಇವೆಲ್ಲವೂ ಕ್ವೈಟ್ ಡಿಸ್ಟರ್ಬಿಂಗ್.

ಮೈಸೂರು ಅನಂತಸ್ವಾಮಿಯವರನ್ನು ಕುರಿತ ಮಧ್ಯರಾತ್ರಿಯ ಫೋನು, ಹೊನ್ನೆ ಸೊಪ್ಪು-ಅಣ್ಣೆಸೊಪ್ಪು-ತಂಗಡಿ ಹೂವಿನ ಟೀ ನನ್ನ ಕಳೆದುಹೋದ ಬದುಕನ್ನು ಮತ್ತೆ ಬದುಕುವಂತೆ ಮಾಡಿದ ಬರಹಗಳು. ಸೊಪ್ಪಿನ ಬಸ್ಸಾರು, ರಾಗಿ ಮುದ್ದೆ, ಸೊಪ್ಪಿನ ಪಲ್ಯಗಳು, ಹೊಟ್ಟೆ ತುಂಬಿಸುತ್ತಿದ್ದ ಸೊಪ್ಪುಗಳು, ಕಾಫಿ ಪುಡಿ-ಟೀಪುಡಿಗೆ ಕಾಸಿಲ್ಲದ ಬಡತನವನ್ನು ಮರೆಸುತ್ತಿದ್ದ ತಂಗಡಿ ಹೂವಿನ ಟೀಯ ಪರಿಮಳ, ಅನ್ನ ನಾಳಕ್ಕೆ ಸುಖೋಷ್ಣ ಮುದ ನೀಡುತ್ತಿದ್ದ ರಾಗಿ ಮುದ್ದೆ, ಮೇಲೊಂದು ಸಾರೋ, ನೆಲಗಡಲೆ ಚಟ್ನಿಯೋ(ನೀವು ಅದೃಷ್ಟವಂತರು, ಹೆಬ್ಬೆರಳೂರಿ ಮಾಡಿದ ಗುಂಡಿಯ ತುಂಬ ಕಾಸಿದ ತುಪ್ಪದ ಸವಿ ಕಂಡವರು)-ಇವೆಲ್ಲಾ ನಿಮ್ಮ ಅನಾತ್ಮಕಥನದಲ್ಲಿ ನಾನು ಓದಿಕೊಂಡ ನನ್ನ ಬದುಕಿನ ಕೆಲವು ಪುಟಗಳು…

ಆಟೋಬಯಾಗ್ರಫಿ ಈಜ್ ಸಮ್ತಿಂಗ್ ಹಿಡನ್ ಅನ್ನೋನ್ ವಿದಿನ್ ಅವರ್ ಸೆಲ್ವ್ಸ್ ಅಂತಾರಲ್ಲ ಅದೇ ಈ ಅನಾತ್ಮಕಥನ. ಈ ನಿಮ್ಮ-ನಮ್ಮೊಳಗಣ ಮುಚ್ಚುಳ ಹಾಕಿದ ಅನ್ನೋನ್ ಗಳಿಗೆ ಕನ್ನ ಹಾಕಿದ ನಿಮ್ಮ ಧೈರ್ಯ ಮೆಚ್ಚಲೇಬೇಕು. ಅಭಿನಂದನೆಗಳು.

ಕನ್ನ ಹಾಕಿದ್ದಕ್ಕೆ ಶಿಕ್ಷೆ ಆಗಬೇಕಲ್ಲವೇ?

ಶಿಕ್ಷೆ ಏನಂದಿರಾ?

ಈ ಕನ್ನಗಾರಿಕೆ ಮುಂದುವರೆಸಿ.

 

ಇಂತು ನಿಮ್ಮ ವಿಶ್ವಾಸಿ

ಜಿ.ಎನ್.ರಂಗನಾಥರಾವ್

 

 

ಡೈಲಿ ಪಿಂಚ್

%d bloggers like this: