ಜೋಗಿ ಬರೆಯುತ್ತಾರೆ: ಓದುಗ ಎಂಬ ಭಕ್ತವತ್ಸಲ

ಓದುಗ ಎಂಬ ಭಕ್ತ ವತ್ಸಲನನ್ನು ಮತ್ತೆ ಇಲ್ಲಿ ನೆನೆಸಿಕೊಂಡಿದ್ದೇವೆ

ಸಾಹಿತಿಯ ಕಷ್ಟ ಮತ್ತು ಓದುಗರ ಕಷ್ಟ ಆಳದಲ್ಲಿ ಒಂದೇ ಸ್ವರೂಪದ್ದು. ಪ್ರತಿಯೊಬ್ಬ ಓದುಗ ಕೂಡ ತನಗೊಪ್ಪುವ, ತನ್ನ ಮನೋಧರ್ಮ, ಅಭಿರುಚಿ ಮತ್ತು ಅಗತ್ಯಗಳನ್ನು ಪೂರೈಸುವ ಕತೆಗಾರನನ್ನೋ ಕಾದಂಬರಿಕಾರನನ್ನೋ ಕವಿಯನ್ನೋ ಹುಡುಕುತ್ತಿರುತ್ತಾನೆ. ಹಾಗೇ, ತನ್ನ ಆಶಯಗಳನ್ನು ಸಮರ್ಥವಾಗಿ ಅರ್ಥ ಮಾಡಿಕೊಳ್ಳಬಲ್ಲ, ತನಗೆ ಸ್ಪಂದಿಸಬಲ್ಲ ಓದುಗನಿಗ ಹುಡುಕಾಟದಲ್ಲಿ ಸಾಹಿತಿಯ ಬಾಳೂ ಸವೆಯುತ್ತದೆ. ಇವೆರಡೂ ಯಾವ ಬಿಂದುವಿನಲ್ಲಿ ಸಂಧಿಸುತ್ತದೆ ಎಂದು ಹೇಳುವುದು ಕಷ್ಟ.

ಸಾಹಿತಿಯ ಮುಂದೆ ಆಯ್ಕೆಗಳಿಲ್ಲ. ಯಾವ ಲೇಖಕನೂ ತನ್ನದೇ ಆದ ಮತ್ತು ತನಗೇ ನಿಷ್ಠರಾಗಿರುವ ಓದುಗರ ಬಳಗವೊಂದನ್ನು ಕಟ್ಟಿಕೊಂಡು ಬಹಳ ದಿನ ಬರೆಯಲಾರ. ಓದುಗನಿಗೆ ಹೆಚ್ಚು ಆಸಕ್ತಿ ಹುಟ್ಟಿಸುವ ಮತ್ತೊಬ್ಬ ಬರಹಗಾರ ಕಾಣಿಸಬಹುದು. ತುಂಬಾ ಪುಸ್ತಕಗಳನ್ನು ಓದುವವನು ಬಹಳ ಬೇಗ, ಲೇಖಕನನ್ನು ಮೀರಿ ನಡೆದುಬಿಡಬಹುದು. ಅಂಥ ಹೊತ್ತಲ್ಲಿ ಲೇಖಕ ಬಹಳ ಬೇಗ ಹಳಬನೂ ಅಪ್ರಸ್ತುತನೂ ಆಗುತ್ತಾನೆ.

ಅದಕ್ಕೆ ಒಳ್ಳೆಯ ಉದಾಹರಣೆಯೆಂದರೆ ಇವತ್ತಿನ ಇಂಗ್ಲಿಷ್ ಸಾಹಿತ್ಯದ ಓದುಗರು. ಅವರ ಮುಂದೆ ಅಸಂಖ್ಯ ಆಯ್ಕೆಗಳಿವೆ. ಚೇತನ್ ಭಗತ್ನಿಂದ ಖಾಲೆದ್ ಹೊಸೇನಿಯ ತನಕ ಎಲ್ಲರೂ ಅವನ ಕೈಗೆ ಸಿಗುವವರೇ. ಅವರೆಲ್ಲ ಬೋರಾಗುತ್ತಿದ್ದಂತೆ ರಾಬಿನ್ ಶರ್ಮ ಎದುರಾಗುತ್ತಾನೆ. ಮತ್ತೊಬ್ಬ ್ಚಮೈ ಲಾಸ್ಟ್ ಲೆಕ್ಚರ್’ ಬರೆಯುತ್ತಾನೆ. ಅಷ್ಟು ಹೊತ್ತಿಗೆ ಮೂರು ಕಪ್ ಚಹಾ ಸಿದ್ಧವಾಗಿರುತ್ತದೆ. ಅದೆಲ್ಲ ಸಾಕೆನ್ನಿಸುವ ಹೊತ್ತಿಗೆ ಅರವಿಂದ ಅಡಿಗ ಮತ್ತೊಂದು ಪುಸ್ತಕ ಮಾರುಕಟ್ಟೆಗೆ ಬರುತ್ತದೆ.

ಹಾಗೆ ನೋಡಿದರೆ ಹೊಸ ಓದುಗರನ್ನು ಕೊಂಚವಾದರೂ ಹಿಡಿದಿಟ್ಟಿರುವವನು ಚೇತನ್ ಭಗತ್. ಅವನಿಗೆ ನಿಷ್ಠಾವಂತ ಓದುಗರಿದ್ದಾರೆ. ಚೇತನ್ ಭಗತ್ನನ್ನು ಮಾತ್ರ ಓದುವವರಿದ್ದಾರೆ. ಅವರನ್ನು ಉಳಿದವರು ಓದುಗರೆಂದು ಪರಿಗಣಿಸುವ ಹಾಗಿಲ್ಲ. ಕಮಲ್ಹಾಸನ್ ಸಿನಿಮಾಗಳನ್ನು ಮಾತ್ರ ನೋಡುವ ಪ್ರೇಕ್ಷಕರ ಹಾಗೆ ಅವರದು ಏಕನಿಷ್ಠೆ. ಅಂಥ ಏಕನಿಷ್ಠೆ ಕನ್ನಡದಲ್ಲಿ ಬೈರಪ್ಪನವರ ಕುರಿತು ವ್ಯಕ್ತವಾಗುತ್ತದೆ. ಎಸ್ ಎಲ್ ಬೈರಪ್ಪನವರ ಹೊಸ ಪುಸ್ತಕ ಮಾರುಕಟ್ಟೆಗೆ ಬರುತ್ತಿದ್ದಂತೆ ಕೊಳ್ಳಲು ಕಾದಿರುವವರ ಸಂಖ್ಯೆ ದೊಡ್ಡದಿದೆ. ಆ ಓದುಗರು ಕೂಡ ಕೇವಲ ಬೈರಪ್ಪನವರನ್ನು ಮಾತ್ರ ಓದುತ್ತಾರೆ. ಅವರ ಎಲ್ಲಾ ಕಾದಂಬರಿಗಳನ್ನು ಓದಿರುವ, ಅದರ ಕುರಿತು ಚಚರ್ಿಸುವ, ಹೊಸ ಕಾದಂಬರಿಗಾಗಿ ಕಾಯುವ ಅಂಥ ಒಂದು ಓದುಗರ ಬಳಗವನ್ನು ಹೊಂದಿದ ಲೇಖಕ ನಿಜಕ್ಕೂ ಪುಣ್ಯವಂತ. ಪೂರ್ಣಚಂದ್ರ ತೇಜಸ್ವಿಯವರಿಗೂ ಅಂಥ ಓದುಗರ ಬಳಗ ಇತ್ತು.

More

ಪರಿವರ್ತನೆಯ ಗಡಿಯಾರದ ಮುಳ್ಳೊಂದು ಮೇಲೆ ಕೆಳಗೆ

ಪ್ರೊ ಬಿ ಎ ವಿವೇಕ ರೈ ಅವರು ಹೀಗೆ ಹಾರೈಸಿದ್ದಾರೆ. ಅವರ ಹಾರೈಕೆ ‘ಅವಧಿ’ಯದ್ದೂ. ಎಲ್ಲರಿಗೂ ಹೊಸ ವರ್ಷದ ಶುಭಾಶಯಗಳು-

೨೦೧೧-ಪರಿವರ್ತನೆಯ ನಿಜದ ಹೊಸ ವರ್ಷವಾಗಲಿ.

‘ಪರಿವರ್ತನೆಯ ಗಡಿಯಾರದ ಮುಳ್ಳೊಂದು ಮೇಲೆ ಕೆಳಗೆ ,ಬೆಳಕಿನಲ್ಲಿ ಕತ್ತಲೆಯಲ್ಲಿ ,ನ್ಯಾಯ ಅನ್ಯಾಯಗಳ ನಡುವೆ ,ಒಳಿತು ಕೆಡುಕುಗಳ ಸುತ್ತ ತೊನೆದಾಡುತ್ತ ,ಕೊನೆಗೂ ಒಂದು ಕಡೆ ತನ್ನ ಸ್ಥಾನವನ್ನು ಕಂಡುಕೊಳ್ಳುತ್ತದೆ.’

‘ಸಾಮಾಜಿಕ ಆಂದೋಲನ’ ಎಲ್ಲರ ಬದುಕಿಗೆ ಹೊಸ ವರ್ಷ ಆಗಬಲ್ಲುದು,ಹೊಸ ಹರ್ಷ ತರಬಲ್ಲುದು.ಎಲ್ಲರ ಬದುಕಿಗೆ ಅರ್ಥವನ್ನು ಸ್ವಾಭಿಮಾನವನ್ನು ,ಎಲ್ಲರಿಗೆ ಜವಾಬ್ದಾರಿಯನ್ನು ತರುವ ನಿಜವಾದ ‘ಹೊಸ ವರ್ಷ’ ಹಾರೈಕೆಯಾಗಿ ಮಾತ್ರ ಉಳಿಯದೆ ,ನಿಜದ ನೆಲೆಯಾಗಲಿ.ದಿನನಿತ್ಯದ ಕಾಮನ ಬಿಲ್ಲಾಗಲಿ

 

ಮಲೆಗಳಲ್ಲಿ ಮದುಮಗಳು : ಕೆಲವು ಪರೀಷಹಗಳು

ಬಾ ಹುಲಿಕಲ್ ನೆತ್ತಿಗೆ-10

-ಪ್ರೊ. ಶಿವರಾಮಯ್ಯ

ತನ್ನ ಮುದ್ದಿನ ಹೆಂಡತಿ ಪೀಂಚಲು ಮುಕುಂದಯ್ಯನ ಜೊತೆ ಸಂಬಂಧ ಇಟ್ಟುಕೊಂಡಿರಬಹುದೆ ಎಂಬ ಅನುಮಾನ ಐತನ ತಲೆಹೊಕ್ಕಾಗ:

ಅನುಮಾನವೆಂಬ ವಿಷದ ಬಿಂದು..

ಹಾಲಂತ ಐತನ ಹೃದಯ ಕಡಲಿಗೇ….

ಬಿತ್ತೋ ಅಯ್ಯೊ ಬಿತ್ತೋ……

‘ಕಾಳಗಾತ್ರದ ಹುಳು, ಮುಷ್ಟಿಗಾತ್ರದ ಉಂಡೆ

ಉರುಳಿಸುತ್ತೈತೋ ಜೀವ ಬಂತೇನೋ’

(ತಿಮ್ಮಿಗಾಗಿ ಪರಿತಪಿಸುತ್ತಿದ್ದ ಗುತ್ತಿ ಚಿತ್ತಸ್ಥಿತಿ)

‘ಅತ್ತ ಮುಳ್ಳಿನ ಪೊದೆಯು

ಇತ್ತ ಕೇದಿಗೆ ವನವು’

‘ಲೋಕವೇ ಹೊತ್ತಿಕೊಂಡು ಉರಿವಾಗ ಧಗಧಗ’

‘ಬಂತು ಬಂತು ಬಂತು ಬೀಸೇಕಲ್ಲು

ಪರದೇಶಿ ಮಾಲು’……. (ದೇವಯ್ಯನ ಸೈಕಲ್ ಸವಾರಿ)

‘ಬರುವೆನೆಂದ ನಲ್ಲ,

ಬರದೇ ಹೋದ ನಲ್ಲ…..(ತೀರ್ಥಯಾತ್ರೆ ಹೋಗಿ ಬಾರದ ಗಂಡನ ನೆನೆದು ರಂಗಮ್ಮ)

‘ಕರೀಮ್ಸಾಬರ ಕುದುರೆ ಬಂದಿತ್ತ’

‘ಯಾರಿವನು ಯಾರಿವನು ಮೋಹನಾಂಗನು

ಬ್ರಹ್ಮದೇವನು ತೂಕಡಿಸಿ ಕೆತ್ತಿದವನು’ (ತಿಮ್ಮಪ್ಪಹೆಗ್ಗಡೆ)

‘ಸಾಬರು ನಾವು ಸಾಬರು ಹೊನ್ನಾಳಿ ಹೊಡ್ತದ ಸಾಬರು’

***

(ಚಿತ್ರ :ಶ್ರೀರಾಮ್ .ಕೆ ಎ .ಜಮದಗ್ನಿ)

ಅತ್ತ ಬೆಂಗಳೂರಿನಲ್ಲಿ ಹಂಸಲೇಖರು ವೆಬ್ಸೈಟ್ ಮೇಲೆ ಬಂದ ಈ ಕೆಲವು ಹಾಡುಗಳಿಗೆ ಸ್ವರ ಪ್ರಸ್ತಾರ ಹಾಕಿ ಸಂಗೀತಕ್ಕೆ ಅಳವಡಿಸುತ್ತಿದ್ದರು. ಬಸವೇಶ್ವರನಗರದ ಅವರ ಸಂಗೀತ ಶಾಲೆಗೆ ಹೋಗಿ ಕೆಲವು ಹಾಡುಗಳನ್ನು ಕೇಳಿಬಂದೆವು. ನಮ್ಮ ತಂಡದಲ್ಲಿದ್ದ ಡಾ.ಬೈರೇಗೌಡ ಕೂಡ ಜಾನಪದ ಹಾಡುಗಾರ ಹಾಗೆ ಕೃಷ್ಣಪ್ರಸಾದ್ ಒಬ್ಬ ನಾಟಕಕಾರರಾಗಿದ್ದರು. ಬೈರೇಗೌಡರು ಹಾಡು ಹಾಡುತ್ತಲೇ ಲ್ಯಾಪ್ಟ್ಯಾಪ್ನಲ್ಲಿ ಸೀನ್ ಕಟ್ಟುತ್ತ ಹೋಗುವರು, ಕೆಲವೊಮ್ಮೆ ಆ ಗುಂಗಿನಲ್ಲಿ ಒಂದೊಂದು ಸೀನ್ ಹಿಂದುಮುಂದಾಗಿ ಬೈಸಿಕೊಂಡದ್ದೂ ಉಂಟು.

More

%d bloggers like this: