ಕುವೆಂಪು ಉವಾಚ..

ಸುಳ್ಳಿನ ಮಾಲೆಯ ಕೊರಳಿಗೆ ಸೂಡಿ
ಕಳ್ಳನೊಬ್ಬನನು ಗುರುವನು ಮಾಡಿ
ಬಡವರ ಹೊನ್ನನು ಕಾಣಿಕೆ ನೀಡಿ
ಧರ್ಮವ ಮೆರೆವರ ನೋಡಯ್ಯ!

(ಬಿ ಆರ್ ಸತ್ಯನಾರಾಯಣರ ಬ್ಲಾಗ್ ನಿಂದ)

ಯಾವ ಕಾಲದ ಶಾಸ್ತ್ರವೇನು ಹೇಳಿದರೇನು ?

ಎದೆಯ ದನಿಗೂ ಮಿಗಿಲು ಶಾಸ್ತ್ರವಿಹುದೇನು?

(ವಿವೇಕ ರೈ ಅವರ ಬ್ಲಾಗ್ ನಿಂದ)

 

ಹತ್ತಾರು ಹುಚ್ಚರಿರೆ ಹುಚ್ಚನಲ್ಲದ ನರನು ಹುಚ್ಚಾಗಿ ತೋರುವನು

(ಪುರುಷೋತ್ತಮ ಬಿಳಿಮಲೆ ಅವರು ನೀಡಿದ್ದು)

ರಂಗ ವಿಮರ್ಶೆ ಎನ್ನುವುದರ ಬೆನ್ನು ಹತ್ತಿ

ಇಂದು ಆ ಮಹಾನ್ ಸಾಹಿತಿ ಕುವೆಂಪು ಜನ್ಮ ದಿನ. ಆ ಸಂದರ್ಭಕ್ಕಾಗಿ ಕೆ ಎಸ್ ಮುದ್ದಪ್ಪ ಸ್ಮಾರಕ ಟ್ರಸ್ಟ್ ಇಂದು ಸಂಜೆ ರವೀಂದ್ರ ಕಲಾಕ್ಷೇತ್ರದಲ್ಲಿ ಭಿನ್ನ ಕಾರ್ಯಕ್ರಮವನ್ನು ಆಯೋಜಿಸಿದ್ದಾರೆ. ಅಲ್ಲಿ ಬಸವಲಿಂಗಯ್ಯ ನಿರ್ದೇಶಿಸಿದ ಇಡೀ ರಾತ್ರಿ ನಾಟಕ ಮಲೆಗಳಲ್ಲಿ ಮದುಮಗಳು ನಾಟಕದ ಬಗೆಗಿನ ಪುಸ್ತಕವೂ ಬಿಡುಗಡೆಯಾಗುತ್ತಿದೆ. ‘ಯಾರೂ ಮುಖ್ಯರಲ್ಲ..’ ಎನ್ನುವ ಅರ್ಥಪೂರ್ಣ ಹೆಸರಿನ ಈ ಪುಸ್ತಕದಲ್ಲಿ ನಾನು ಬರೆದಿರುವ ಸಾಲುಗಳು ಇಲ್ಲಿವೆ

-ಜಿ ಎನ್ ಮೋಹನ್

‘ಮಲೆಗಳಲ್ಲಿ ಮದುಮಗಳು’ ಒಂದು ಕಾದಂಬರಿ. ಕನ್ನಡದ ಮನಸ್ಸನ್ನು ದಶಕಗಳಿಂದ ಆಳಿರುವ, ಆಳುತ್ತಿರುವ ಕಾದಂಬರಿ. ಕಿನ್ನರಿ ಜೋಗಿಗಳ ಬಗಲ ಜೋಳಿಗೆಯಿಂದ ಹಿಡಿದು ಮನೆ ಮನೆಯ ಕಪಾಟಿನಲ್ಲೂ, ಹಲವು ಕೈಗಳಲ್ಲೂ ಕಾಣಿಸಿಕೊಳ್ಳುವ ಕಾದಂಬರಿ. ಈ ಕಾದಂಬರಿ ಈಗ ಪ್ರಶ್ನೆ ಎತ್ತುತ್ತಿರುವುದು ಕಾದಂಬರಿ ಲೋಕದ ಬಗ್ಗೆ ಅಲ್ಲ, ರಂಗಭೂಮಿಯ ಬಗ್ಗೆ. ಸಿ ಬಸವಲಿಂಗಯ್ಯ ರಂಗಾಯಣಕ್ಕಾಗಿ ಒಂದು ದೊಡ್ಡ ಸವಾಲು ಮುಂದಿಟ್ಟುಕೊಂಡಿದ್ದೇ ತಡ ಈ ಸವಾಲು ಹಲವು ಪ್ರಮುಖ ಪ್ರಶ್ನೆಗಳನ್ನು ಎತ್ತುತ್ತಿದೆ. ಇದರಲ್ಲಿ ರಂಗಭೂಮಿಯನ್ನು ನೋಡುವ ಬಗೆ ಹೇಗೆ ಎಂಬ ಪ್ರಶ್ನೆಯೂ ಒಂದು.

ಭೈರೇಗೌಡರ ಕಾರಣದಿಂದಾಗಿ ‘ಮಲೆಗಳಲ್ಲಿ ಮದುಮಗಳು’ ಕುರಿತ ಹತ್ತು ಹಲವು ವಿಮರ್ಶೆಯನ್ನು ಓದಬೇಕಾದ ಪ್ರಸಂಗ ಎದುರಾಯಿತು. ರಂಗಭೂಮಿಯ ಬಗ್ಗೆ ಏನನ್ನು ಓದುವುದೂ ಖುಷಿಯ ವಿಚಾರವಾದ ನನಗೆ ಇದು ಅಂತಹ ಮತ್ತೊಂದು ಸಂತಸದ ಕೆಲಸವಾಗಿತ್ತು. ನಾನು ರಂಗಭೂಮಿಯನ್ನು ಒಂದು ಕುತೂಹಲದ ಕಣ್ಣಿನಿಂದ ನೋಡುತ್ತಲೇ ಬಂದಿದ್ದೇನೆ. ಜೊತೆಗೆ ಮಾಧ್ಯಮದ ವಿದ್ಯಾರ್ಥಿಯಾಗಿ ನನಗೆ ರಂಗಭೂಮಿ ಮತ್ತು ಮಾಧ್ಯಮದ ಸಂಬಂಧ ಸಹಾ ಕಾಡುವ ವಸ್ತು.

ಭೈರೇಗೌಡರು ಕೈಗಿತ್ತ ಮದುಮಗಳು ವಿಮರ್ಶೆಯ ಕಟ್ಟನ್ನು (..ಅಥವಾ ಕೆ ವಿ ನಾರಾಯಣ್ ಪರಿಭಾಷೆಯಲ್ಲಿ ಹೇಳುವುದಾದರೆ ‘ಕಂತೆ’ಯನ್ನು) ಓದಿದಾಗ ನನಗೆ ಮೊದಲು ಎದ್ದು ಕಂಡಿದ್ದು ಸಾಹಿತ್ಯ ವಿಮರ್ಶೆ ಎನ್ನುವುದು ಇನ್ನೂ ಜೀವಂತವಿದೆ ಎನ್ನುವುದು. ಈ ಸಂತೋಷದ ಬೆನ್ನಲ್ಲೇ ಅರಿವಾದದ್ದು ರಂಗ ವಿಮರ್ಶೆ ಎನ್ನುವುದು ನಾಪತ್ತೆಯಾಗಿದೆ ಎನ್ನುವುದು. ಅಸಲಿಗೆ ರಂಗ ವಿಮರ್ಶೆ ಎನ್ನುವುದು ಎಂದಾದರೂ ಇತ್ತೇ? ಎನ್ನುವ ಪ್ರಶ್ನೆಯೂ ನನ್ನ ಮುಂದಿದೆ. ನಾನು ಹಲವು ವರ್ಷಗಳ ಕಾಲ ರಂಗ ವಿಮರ್ಶೆಯೆಂಬ ಖುಷಿಯಲ್ಲಿ ಮಿಂದವನು. ನನಗೆ ರಂಗಭೂಮಿಯ ಮೂರು ವರ್ಷದ ಪದವಿ ತೆಕ್ಕೆಯಲ್ಲಿತ್ತು. ವರ್ಷಾನುಗಟ್ಟಲೆ ರಂಗ ವಿಮರ್ಶೆ ಬರೆದರೂ ನನಗೆ ಈ ಅತೃಪ್ತಿ ಒಡಲ ಹಸಿವಿನಂತೆ ಉಳಿದೆ ಬಿಟ್ಟಿದೆ.

ವಿಮರ್ಶೆ ಎನ್ನುವುದು ಏನು? ಅದರ ತಯಾರಿ ಹೇಗೆ?

ಅಥವಾ ಶಾಸ್ತ್ರೋಕ್ತ ತಯಾರಿ ಎನ್ನುವುದು ಬೇಕೇ?

ಎನ್ನುವ ಪ್ರಶ್ನೆಯನ್ನೂ ನಾನು ಮೇಲಿಂದ ಮೇಲೆ ಕೇಳಿಕೊಂಡಿದ್ದೇನೆ. ನನಗೆ ರಂಗ ವಿಮರ್ಶೆ ಮಾಡುವಾಗ ಇದ್ದ ದೊಡ್ಡ ವಿಶ್ವಾಸವೆಂದರೆ ಹವ್ಯಾಸಿ ರಂಗಭೂಮಿಯ ಬೆಳವಣಿಗೆಯ ಎಲ್ಲಾ ಹಂತಗಳಿಗೂ ನಾನು ನೋಡುಗನಾಗಿ ಸಾಕ್ಷಿಯಾಗಿದ್ದೆ ಎಂಬುದು. ಬಾಲಭವನದಲ್ಲಿ ಭಿನ್ನ ರಂಗಭೂಮಿಗೆ ಬೀಜ ಇತ್ತ ಪ್ರಸನ್ನರ ‘ಗರೀಬಿ ಹಠಾವೋ’ ಅಥವಾ ಎನ್ ಎಸ್ ವೆಂಕಟರಾಮ್ ಅವರ ‘ಆನೆಮರಿ’ ನಾಟಕಗಳನ್ನು ನಾನು ನೋಡಿಲ್ಲವಾದರೂ ಈಗ ಸಂಸ ಕಲಾಕ್ಷೇತ್ರವಾಗಿ ಎದ್ದು ನಿಂತಿರುವ ಕಲಾಕ್ಷೇತ್ರದ ಹಿಂದಿನ ಬಯಲಿನಲ್ಲಿ ಆಗ ಎದ್ದು ನಿಂತಿದ್ದ ತಾತ್ಕಾಲಿಕ ರಂಗ ಮಂದಿರದಲ್ಲಿ, ಬಿ ವಿ ಕಾರಂತರ ನೇತೃತ್ವದಲ್ಲಿ ರಂಗಭೂಮಿ ಹಿಡಿಸಿಕೊಂಡ ಹುಚ್ಚಿನಿಂದ ಆರಂಭಿಸಿ ಇಲ್ಲಿಯವರೆಗೆ ಬಹುತೇಕ ನಾಟಕಗಳನ್ನು ನೋಡಿದ್ದೇನೆ. ಹಾಗಾಗಿ ಇಷ್ಟಂತೂ ಸತ್ಯ. ಹವ್ಯಾಸಿ ನಾಟಕಗಳ ಪೈಕಿಯೇ ಹೋಲಿಸಿ ನೋಡುವ, ರಂಗದ ಸಾಧ್ಯತೆಗಳನ್ನು ಬೆಳಕಿನಲ್ಲಿಟ್ಟು ನೋಡುವ, ಪ್ರಸಾಧನ, ಬೆಳಕು ಇತ್ಯಾದಿ ರಂಗ ನೇಪಥ್ಯದ ಸಂಗತಿಗಳಲ್ಲಿ ಯಾವುದು ಮುನ್ನೆಲೆಯಲ್ಲಿದೆ ಎಂಬುದನ್ನು ಹತ್ತು ಹಲವು ನಾಟಕಗಳ ಅನುಭವದಲ್ಲಿ ತೂಗಿ ನೋಡುವ ನೋಟವಂತೂ ದಕ್ಕಿದೆ. ಬಹುಷಃ ನಾನು ಮಾತ್ರವಲ್ಲ, ನನ್ನ ಜೊತೆಯೇ ನಾಟಕ ವಿಮರ್ಶೆ ಮಾಡುತ್ತಿದ್ದ ಸಮಕಾಲೀನರ ಅನುಭವವೂ ಇದಕ್ಕಿಂತ ಭಿನ್ನವಾಗಿರುವ ಸಾಧ್ಯತೆಗಳಿಲ್ಲ. ರಂಗ ಚಟುವಟಿಕೆಯಲ್ಲೇ ತೊಡಗಿಸಿಕೊಂಡವರು ವಿಮರ್ಶೆ ಬರೆದಾಗ ನೋಡುವ ಅನುಭವದ ಬದಲಿಗೆ ಒಂದು ಅಕ್ಕಿ ಕಾಳು ತೂಕ ಆಡುವ ಅನುಭವ ಅಲ್ಲಿ ಕಂಡಿದೆ ಎನ್ನುವಷ್ಟು ಮಾತ್ರ ವ್ಯತ್ಯಾಸ ಕಂಡಿದ್ದೇನೆ.

ಮಲೆಗಳಲ್ಲಿ ಮದುಮಗಳು : ಬಿಳುಮನೆ ರಾಮದಾಸ್ ಎಂಟ್ರಿ…

ಬಾ ಹುಲಿಕಲ್ ನೆತ್ತಿಗೆ-8

-ಪ್ರೊ. ಶಿವರಾಮಯ್ಯ

ಕುವೆಂಪು ಮಲೆನಾಡಿನ ಜಮೀನ್ದಾರಗೌಡರ ಪರ, ಬ್ರಾಹ್ಮಣ ವಿರೋಧಿ, ದಲಿತರ ಬಗ್ಗೆ, ಮುಸ್ಲಿಮರ ಬಗ್ಗೆ ಅವರಿಗೆ ಪೂರ್ವಗ್ರಹಿಕೆ, ಕರ್ಮಸಿದ್ಧಾಂತ ಹಾಗೂ ಜನ್ಮಾಂತರದ ಬಗ್ಗೆ ಅವರಿಗೆ ನಂಬಿಕೆ ಇತ್ತು. ಹೀಗೆಲ್ಲಾ ಬರೆಯುತ್ತ ಹೋಗುವ ವಿಮರ್ಶನಾ ದಕ್ಷರು ಇನ್ನು ಮುಂದಾದರೂ ಸಹನೆಯಿಂದ ನಾರಾಯಣ ಅಂಥವರ ಮಾತಿನ ಬೆಳಕಿನಲ್ಲಿ ಕುವೆಂಪು ಕೃತಿಗಳನ್ನು ತಾಳ್ಮೆಯಿಂದ ಮರು ಓದು ಮಾಡಬಹುದು. ಯಾಕೆಂದರೆ ಕುವೆಂಪು ಎಂದರೆ, ಅದೊಂದು ಜಾತಿಮತ ಪಂಥ ಸಿದ್ಧಾಂತಗಳ ಕೊಟ್ಟಿಗೆಯಲ್ಲಿ ಕಟ್ಟಲಾರದ ಆನೆ. ನಿಜವಾದ ಮಾನವತಾ ಧರ್ಮವನ್ನು ಕಂಡು ಕಂಡರಿಸಿ ಆ ಪ್ರಕಾರ ಬಾಳಿ ಬದುಕಿ ಹೋದ ಜೀವ, ಅದು ಕನ್ನಡದ ವಿದ್ಯಮಾನ ಮಾನಸ್ತಂಭ!

ಬಿಳುಮನೆ ರಾಮದಾಸ್

ನಮ್ಮ ಇನ್ನೊಬ್ಬ ಸಂದರ್ಶಕರು ಬಿಳುಮನೆ ರಾಮದಾಸ್ ಇವರು ವಾಣಿಜ್ಯ ಇಲಾಖೆಯಲ್ಲಿ ತಮ್ಮ ಸವರ್ಿಸ್ ಮುಗಿಸಿ ಈಗ ಬೆಂಗಳೂರಿನಲ್ಲಿ ನೆಲಸಿದ್ದಾರೆ. ಕುವೆಂಪು ತೇಜಸ್ವಿ ಇವರ ನಂತರ ಮಲೆನಾಡಿನ ಬದುಕನ್ನು ತಮ್ಮ ಕೈಲಾದಷ್ಟು ಕಥೆ, ಕಾದಂಬರಿ ಪ್ರಬಂಧಗಳ ಮೂಲಕ ಕಟ್ಟಿಕೊಡುವವರಲ್ಲಿ ಇವರು ಮುಂಚೂಣಿಯಲ್ಲಿದ್ದಾರೆ. ತೀರ್ಥಹಳ್ಳಿ ಮೇಗರವಳ್ಳಿ ಕುಪ್ಪಳ್ಳಿ ಪರಿಸರವನ್ನು ಚೆನ್ನಾಗಿ ಬಲ್ಲ ರಾಮದಾಸ್ ಕುವೆಂಪು ಅವರ ನೆಂಟರು ಇಷ್ಟರು ಸಂಬಂಧಿಕರನ್ನು ತಮ್ಮ ಬಾಲ್ಯದಲ್ಲಿ ಹತ್ತಿರದಿಂದ ನೋಡಿಬಲ್ಲವರು.

ಇಂಥವರನ್ನು ಕರೆತಂದು ರಂಗಾಯಣದ ಕಲಾವಿದರ ಎದುರು ನಿಲ್ಲಿಸಿದಾಗ ಅವರು ಸಹಜವಾಗಿಯೇ ತಮ್ಮ ಬಾಲ್ಯಕ್ಕೆ ಜಾರಿಕೊಂಡು ಮಾತಾಡಲು ತೊಡಗಿದರು. ಮಾತಿಗಿಂತ ಹೆಚ್ಚಾಗಿ ತಮ್ಮ ಹಾವಭಾವ ವಿಲಾಸ ವಿಭ್ರಮಗಳಿಂದ ಮಲೆನಾಡಿನ ರಸ್ಟಿಕ್ಲೈಫ್ನ್ನು ಪರಿಚಯಿಸುತ್ತ ಹೋದರು. ಶತಮಾನದ ಹಿಂದಿನ ಬದುಕು ಮದುಮಗಳು ಕಾದಂಬರಿಯಲ್ಲಿದೆ. ಆ ಒಟ್ಟು ಚೆಲುವನ್ನು ಹೇಗೆ ಸೆರೆಹಿಡಿಯಬೇಕೆಂಬ ಹಂಬಲದಲ್ಲಿದ್ದ ನಮ್ಮ ಕಲಾವಿದರು ರಾಮದಾಸ್ರವರ ಮಾತು ಕತೆಯನ್ನು ಆಲಿಸುತ್ತಿದ್ದರು.

STAND UP FOR JAFAR PANAHI

SUCHITRA-CFD FOR PANAHI:

SUNDAY 2 JAN 2011, 11 AM

ಸಮಯ

02 ಜನವರಿ 2011 · 11:00 – 16:00

ಸ್ಥಳ: SUCHITRA AUDITORIUM

STAND UP FOR JAFAR PANAHI

Don’t Shoot the Messenger

(Article Cortesty: Suchitra Film Society)

Iranian auteur filmmaker Jafar Panahi – The White Balloon (1995), The Mirror (1997), The Circle (2000), Offside (2006) – now sentenced by an Iranian court to six years in prison for “colluding in gathering and making propaganda against the regime,” has also been banned for 20 years from making films, writing scripts, travelling abroad and giving interviews to the domestic or foreign media. Organizations around the world are protesting against the verdict.

It is important at this moment to remember that intolerance and suppression of critical voices are not peculiar to Iran. We have our shameful examples in India, the latest being the life sentence on doctor-activist Dr Binayak Sen on charges of sedition. Panahi, 50, is no stranger to such action in Iran, where he was arrested once in July 2009 for taking part in the mourning for protesters killed after the disputed presidential elections and again in February 2010, along with his family and colleagues. It is sobering to recall that he was also detained by US immigration authorities 10 years ago in New York.

Newsmaker of 2010….

-ಯತೀಶ್ ಸಿದ್ದಕಟ್ಟೆ

ಜಯಶ್ರೀ ಕಾಲಂ : ಏನೆ ಹೇಳಿ ಪ್ರಣಯ ರಾಜ ಇಂದಿಗೂ ವೆರಿ ಸ್ಮಾರ್ಟ್ ಲುಕಿಂಗ್

 

@@ ಈ ಟೀವಿ ಕನ್ನಡ ವಾಹಿನಿಯಲ್ಲಿ ನಟ ಶ್ರೀನಾಥ್ ಅವರ ಆಟೋಗ್ರಾಫ್  ಪ್ಲೀಸ್ ಕಾರ್ಯಕ್ರಮ ಪ್ರಸಾರ ಆಯಿತು.ತುಂಬಾ ಚೆನ್ನಾಗಿತ್ತು ರಿ.  ಅಯ್ಯೋ ಹೊರಗಡೆ ಹೀಗೆ ಮನೆಯಲ್ಲಿ ಯಾವ ರೀತಿ ಇರ್ತಾರೋ ಎನ್ನುವ ಮಾತು ಸ್ವಲ್ಪ ಹೆಚ್ಚೇ ಆಡ್ತೀವಿ ನಾವು . ಅದು ಮನುಷ್ಯನ ಸಹಜ ಸ್ವಭಾವ. ಆದ್ರೆ ಶ್ರೀನಾಥ್ ಅವರ ವೃದ್ಧ ತಂದೆ, ಅವರಿಗೆ ನೈಂಟಿ ಪ್ಲಸ್ ಆಗಿತ್ತು, ಎಷ್ಟು ಚೆನ್ನಾಗಿ ಕಾರ್ಯಕ್ರಮದಲ್ಲಿ ಇನ್ವಾಲ್ವ್ ಆದ್ರು ಗೊತ್ತೇ . ಅದ್ಭುತ  .  ಮಕ್ಕಳು ನೋಡಿಕೊಳ್ಳುವುದು ವಿಶೇಷ ಸಂಗತಿಯಲ್ಲ ಆದರೆ ಸೊಸೆ ಗೀತ ಸಹ ಮಾವನವರ ಬಗ್ಗೆಇಟ್ಟ ಕಾಳಜಿ  ನಾಟಕ ಎಂದು ಅನ್ನಿಸಲಿಲ್ಲ ಬಿಡಿ.

ನಾನು ಕೇಳಿದಂತೆ ಶ್ರೀನಾಥ್ ಸ್ವಲ ಹೆಚ್ಚೇ ಸ್ನೇಹ ಜೀವಿ ಪ್ರಾಯಶ:  ಆ ಒಂದು ಗುಣ ಅವರನ್ನು ಹೆಚ್ಚು ಜನಪ್ರಿಯ ಮಾಡಿದೆ ಎಂದು ಕಾಣುತ್ತದೆ. ಶ್ರೀನಾಥ್  ಅವರ ಮಗಳು ಅಮೇರಿಕಾದಲ್ಲಿ ಇದ್ದಾರೆ, ಅವರು ಮಾಡಿದ ಮುದ್ರಿತ ದೃಶ್ಯ ಪ್ರಸಾರ ಮಾಡಿದರು, ಆ ಹೆಣ್ಣುಮಗಳು ಹೇಳಿದ್ದಿಷ್ಟೇ, ಏನೆ ಹೇಳಿ ಅಪ್ಪ ನೀವು ಕಳಿಸಿಕೊಟ್ಟ ಪ್ರೀತಿ , ವಿಶ್ವಾಸ , ಸಹನೆ  ಯಾವುದೇ ಉತ್ತಮ ಗುಣ ಆಗಿರಲಿ ನಾನು ಅದನ್ನು ಅನುಸರಿಸುತ್ತಿದ್ದೇನೆ. …! ಹೀಗೆ ತಂದೆಯ ಮೇಲಿನ ಪ್ರೀತಿಯನ್ನು ವ್ಯಕ್ತ ಪಡಿಸಿದರು. ತಂದೆ ಕಂಡ್ರೆ ಮಕ್ಕಳಿಗೆ ಇಷ್ಟ ಇದ್ದೆ ಇರುತ್ತದೆ, ಆದರೆ ಕೆಲವು ಅಪ್ಪಗಳು ತುಂಬಾ ಸ್ಪೆಷಲ್  ಇರ್ತಾರೆ, ಶ್ರೀ ಆ ರೀತಿಯ ಅಪ್ಪ  ಎನ್ನುವುದು ಕಾರ್ಯಕ್ರಮದಲ್ಲಿ ಅವರ ಮಕ್ಕಳು ತಿಳಿಸಿದ ಪ್ರಸಂಗಗಳಿಂದ ತಿಳಿಯಿತು. ಏನೆ ಹೇಳಿ ಪ್ರಣಯ ರಾಜ ಇಂದಿಗೂ ವೆರಿ ಸ್ಮಾರ್ಟ್  ಲುಕಿಂಗ್.

ಪೂರ್ಣ ಓದಿಗೆ :ಮೀಡಿಯಾ ಮೈಂಡ್

ಜಾಲಲೋಕದ ಬೀದಿಜಗಳ…

–ಇ ಜ್ಞಾನ

ಈಚಿನ ಕೆಲದಿನಗಳಲ್ಲಿ ಎಲ್ಲಿಲ್ಲಿ ನೋಡಿದರೂ ವಿಕಿಲೀಕ್ಸ್‌ನದೇ ಸುದ್ದಿ. ಈವರೆಗೂ ರಹಸ್ಯವಾಗಿಡಲಾಗಿದ್ದ ಸಾವಿರಾರು ಸಂಗತಿಗಳನ್ನು ಸಾರ್ವಜನಿಕವಾಗಿ ತಂದು ಸುರಿದಿರುವ ಈ ಜಾಲತಾಣ ಅತ್ಯಲ್ಪ ಸಮಯದಲ್ಲೇ ವಿಶ್ವದೆಲ್ಲೆಡೆ ಹೆಸರುಮಾಡಿಬಿಟ್ಟಿದೆ.

ಹೀಗೆ ಬಹಿರಂಗವಾಗಿರುವ ಸಂಗತಿಗಳು ಅದೆಷ್ಟು ಸುದ್ದಿಮಾಡಿವೆಯೋ ಅಷ್ಟೇ ಅಥವಾ ಅದಕ್ಕಿಂತ ಹೆಚ್ಚು ಪ್ರಮಾಣದಲ್ಲಿ ವಿಕಿಲೀಕ್ಸ್ ತಾಣ ಕೂಡ ಸುದ್ದಿಯಲ್ಲಿದೆ. ವಿಶ್ವದೆಲ್ಲೆಡೆಯಿಂದ ವ್ಯಕ್ತವಾಗುತ್ತಿರುವ ಪರ-ವಿರೋಧವಾದ ಪ್ರತಿಕ್ರಿಯೆಗಳ ಜೊತೆಜೊತೆಯಲ್ಲೇ ಅಂತರಜಾಲ ಲೋಕದಲ್ಲೂ ವಿಕಿಲೀಕ್ಸ್ ಕುರಿತು ಸಾಕಷ್ಟು ಗಲಾಟೆಯಾಗುತ್ತಿದೆ.

ಇದೆಲ್ಲ ಪ್ರಾರಂಭವಾದದ್ದು ವಿಕಿಲೀಕ್ಸ್ ಜಾಲತಾಣಕ್ಕೆ ಹೋಸ್ಟಿಂಗ್ ಸೇವೆ ಒದಗಿಸಿದ್ದ ಅಮೆಜಾನ್ ಡಾಟ್ ಕಾಂ ಸಂಸ್ಥೆ ತನ್ನ ಸೇವೆಯನ್ನು ಹಿಂತೆಗೆದುಕೊಂಡಾಗ. ತಾನು ವಿಧಿಸಿರುವ ನಿಬಂಧನೆಗಳನ್ನು ವಿಕಿಲೀಕ್ಸ್ ಪಾಲಿಸುತ್ತಿಲ್ಲ ಎನ್ನುವುದು ಅಮೆಜಾನ್‌ನ ಆರೋಪ.

ಇದರ ನಂತರ ವಿಕಿಲೀಕ್ಸ್‌ಗೆ ಡೊಮೈನ್ ನೇಮ್ ಸರ್ವಿಸ್ ಒದಗಿಸುತ್ತಿದ್ದ ಸಂಸ್ಥೆ ಕೂಡ ತನ್ನ ಸೇವೆಯನ್ನು ನಿಲ್ಲಿಸಿಬಿಟ್ಟಿತು (ಯಾವುದೇ ತಾಣದ ಯುಆರ್‌ಎಲ್ ಅನ್ನು ಅದರ ಐ.ಪಿ. ವಿಳಾಸದೊಂದಿಗೆ ಹೊಂದಿಸಿಕೊಡುವ ಈ ವ್ಯವಸ್ಥೆ ಇಲ್ಲದಿದ್ದರೆ ಆ ತಾಣವನ್ನು ಯಾರೂ ನೋಡುವುದೇ ಸಾಧ್ಯವಿಲ್ಲ). ವಿಕಿಲೀಕ್ಸ್ ತಾಣದ ಮೇಲೆ ತೀವ್ರಪ್ರಮಾಣದ ಡಿಡಿಒಎಸ್ ದಾಳಿ ನಡೆಯುತ್ತಿದೆ ಹಾಗೂ ಇದರಿಂದ ತನ್ನ ವ್ಯವಸ್ಥೆಯೇ ಅಭದ್ರವಾಗುವ ಸಾಧ್ಯತೆಯಿದೆ; ಹೀಗಾಗಿ ಆ ತಾಣಕ್ಕೆ ನೀಡುತ್ತಿದ್ದ ಡೊಮೈನ್ ನೇಮ್ ಸರ್ವಿಸ್ ಅನ್ನು ನಿಲ್ಲಿಸುತ್ತಿದ್ದೇವೆ ಎನ್ನುವುದು ಆ ಸಂಸ್ಥೆ ನೀಡಿದ ಕಾರಣ.

The real reason behind ISRO’s satellite explosion!

–ಸತೀಶ್ ಆಚಾರ್ಯ