ಮೇಷ್ಟ್ರ ನೆನಪಿನಲ್ಲಿ …

-ಛಾಯಾ ಭಗವತಿ

ರಾಜು ಮೇಷ್ಟ್ರು ನಮ್ಮನ್ನೆಲ್ಲ ಬಿಟ್ಟು ಹೋಗಿ 3 ವರ್ಷಗಳೇ ಕಳೆದು ಹೋದವು, ಅವರ ನೆನಪಿನಲ್ಲಿ ಈ ಪುಟ್ಟ ಬರಹ.

ಪ್ರೀತಿಯ ರಾಜು ಮೇಷ್ಟ್ರಿಗೆ, ‘ಭೇಟಿ ಆಕಸ್ಮಿಕ ಅಗಲಿಕೆ ಅನಿವಾರ್ಯ ನೆನಪು ಚಿರಂತನ’

ನಾನು ತುಂಬ ಗೌರವಿಸುವ ಪ್ರೊ. ಚೆನ್ನಣ್ಣ ವಾಲಿಕಾರ್ ಸರ್ ನಾನು ಕಲ್ಬುರ್ಗಿಯಲ್ಲಿ ಎಂ.ಎ. ಓದುತ್ತಿರುವಾಗ ಕರೆದು, ನೋಡ್ರೀ, ಹಿಂಗ್ ಹಿಂಗೆ, ಬೆಂಗ್ಳೂರಲ್ಲಿ ಕ್ರೈಸ್ಟ್ ಕಾಲೇಜಿನೌರು ದರಾ ವರ್ಷ ಕವನ ಸ್ಪರ್ಧಾ ಇಡ್ತಾರ, ನೀವೂ ಕಳಿಸ್ರಿ ಅಂದಿದ್ರು. ಅವರು ಹೇಳಿದ್ದು, ನಾನು ಕಳಿಸಿ ಬಹುಮಾನ ಪಡೆದದ್ದು ಎಲ್ಲಾ ಆಕಸ್ಮಿಕವಾಗಿದ್ರೂ, ನಿಮ್ಮನ್ನು ಭೇಟಿಯಾದ ಆ ಕ್ಷಣ ಮಾತ್ರ ಮೊದಲೇ ನೀವು ನನಗೆ ಗೊತ್ತಿದ್ರೇನೋ ಅನ್ನುವಷ್ಟು ಆಪ್ತವಾಗಿತ್ತು.

 

ಆ ಬಳಿಕ ಕೆಲಸವೆಂಬ ಮಾಯಮೃಗದ ಬೆನ್ನು ಹತ್ತಿ ಹೊರಟವಳಿಗೆ, ಬೆಂಗಳೂರಿಗೆ ಹೋಗಿ ಹಾಳಾಗುತ್ತಾಳೆ ಅನ್ನುವ ಕಾರಣಕ್ಕೆ ಮನೆಯಲ್ಲಿ ಯಾರಿಂದಲೂ ಉತ್ತೇಜನ ದೊರೆತಿರದಿದ್ದಾಗ, ಥೇಟು ಅಪ್ಪನ ವಾತ್ಸಲ್ಯ, ಆಪ್ತತೆಯ, ಸುರಕ್ಷಿತ ಅನುಭವ ಕೊಟ್ಟು, ನಾನು ಗಟ್ಟಿಯಾಗಿ ಕಾಲೂರಲು ಕಾರಣರಾದ ಅಪರೂಪದ ಆದರೆ ಕಲಿಸದೆಯೂ ಮೇಷ್ಟ್ರಾದವರು ಸರ್ ನೀವು. ನಾನು ಬಂದ ಹೊಸತರಲ್ಲಿ ಮಲ್ಲೇಶ್ವರಮ್ನ ನಿಮ್ಮ ಮನೆಗೆ ಹತ್ತಿರದಲ್ಲಿಯೇ ನನ್ನ ಹಾಸ್ಟೆಲ್ ವಾಸ ಗೊತ್ತು ಮಾಡಿ ಕೊಟ್ಟ ಸುರೇಖಕ್ಕನಿಗೆ ನಾನು ಋಣಿಯಾಗಿರಲೇಬೇಕು.

ಅವತ್ತೊಮ್ಮೆ ಮಗನನ್ನು ಕರೆದುಕೊಂಡು ಚಿತ್ರಕಲಾ ಪರಿಷತ್ತಿನ ಅಂಗಳಕ್ಕೆ ಕಾಲಿಟ್ಟರೆ, ಕಾಣಿಸಿದ್ದೆಲ್ಲವೂ ಮಸುಕು ಮಸುಕು. ಹೆಗಲಿಗೆ ಚೀಲ, ಕೈಲೊಂದಿಷ್ಟು ಪುಸ್ತಕಗಳು, ಮುಖದ ಮೇಲೊಂದು ನಸು ನಗು ಧರಿಸಿ, ಅಲ್ಲೆಲ್ಲಾದರೂ ಇದಿರಾದೀರೇನೋ ಎನ್ನುವ ಕ್ಷೀಣ, ಈಡೇರದ ಆಸೆ.

More

ಈ ಗುಲಾಬಿಯು ನಿನಗಾಗಿ…

ಪ್ರಿಯರೆ,

ನಮಸ್ಕಾರ.

ನಾಲ್ಕು ವರ್ಷಗಳ ಹಿಂದೆ ಬಿಡುಗಡೆಯಾದ ನನ್ನ ಪುಸ್ತಕದ   ಹೆಸರು ‘ಈ ಗುಲಾಬಿಯು ನಿನಗಾಗಿ’.

ಪ್ರೇಮ ಪತ್ರಗಳ ಈ ಸಂಕಲನ ನಮ್ಮ ಯೌವನವನ್ನು, ಆ ದಿನಗಳ ಆಸೆಯನ್ನು,ಪ್ರೀತಿಯನ್ನು,ರೋಮಾಂಚನವನ್ನು, ಪ್ರೀತಿಸಿದ ಮನಸುಗಳನ್ನು,ಕಾಡಿದ ಕಣ್ಣುಗಳನ್ನು ನೆನಪು ಮಾಡಿಕೊಡುತ್ತದೆ. ಈ ಪುಸ್ತಕ ಈಗ 3 ನೆಯ ಮುದ್ರಣ ಕಂಡಿದೆ…ಹೊಸ ಮುಖಪುಟ ಈ ಬಾರಿಯ ಆಕರ್ಷಣೆ…

ಆ ಮುಖಪುಟ ಇಲ್ಲಿದೆ.ಈ ಚಿತ್ರ ನಿಮ್ಮನ್ನು ಕಾಡಲಿ ಎಂಬ ಆಶಯ ನನ್ನದು.

ಪ್ರೀತಿಯಿಂದ…

ಮಣಿಕಾಂತ್.

 

ಬೋನಸ್ ಶೇರು ಮತ್ತು ಶೇರು ವಿಭಜನೆ

-ಜಯದೇವ ಪ್ರಸಾದ ಮೊಳೆಯಾರ

-ಕಾಸು ಕುಡಿಕೆ 38

The superior man understands what is right; the inferior man understands what will sell.
. . . . . . Confucius

ಶ್ರೇಷ್ಠನಿಗೆ ಯಾವುದು ಸರಿ ಎಂಬುದು ಗೊತ್ತಾಗುತ್ತದೆ; ಅಧಮನಿಗೆ ಯಾವುದು ನಡೆಯುತ್ತದೆ ಎಂಬುದು ಗೊತ್ತಾಗುತ್ತದೆ. . . . . ಕನ್ಫ್ಯೂಶಿಯಸ್.

ಒಂದು ಉದ್ಯಮ ಆರಂಭಿಸಲು ಕಾಪಿಟಲ್ ಅಥವ ಮೂಲಧನ ಬೇಕು ತಾನೆ? ಅದನ್ನು ಶೇರು ಕಾಪಿಟಲ್ ಎಂದು ಕರೆಯುತ್ತಾರೆ. ಉದಾಹರಣೆಗೆ, ಡಿ.ಪಿ. ರಂಗ್ ಎಂಬ ಒಬ್ಬ ಮುಂಬೈ ಕಾ ಸೇಟ್ 100 ಕೋಟಿ ರೂಪಾಯಿಗಳ ಶೇರು ಕಾಪಿಟಲ್ ಅನ್ನು ಹಾಕಿ ದೋಂಡುರಂಗ್ ಪಾಂಡುರಂಗ್ ಐನ್ಡ್ ಸನ್ಸ್ ಎಂಬ ಒಂದು ಕಂಪೆನಿಯನ್ನುಹುಟ್ಟುಹಾಕುತ್ತಾನೆ.  ಅವಾಗ ಆತನ ಬ್ಯಾಲನ್ಸ್ ಶೀಟಿನಲ್ಲಿ ಶೇರು ಕಾಪಿಟಲ್ = 100 ಕೋಟಿ ಎಂದು ನಮೂದಿಸಲಾಗುತ್ತದೆ.

ಡಿ.ಪಿ.ರಂಗ್ ಎಂಬ ಈ ಹೊಲಿಗೆ ಉದ್ಯಮದ ಕಿಂಗ್ ಜನರಿಗೆ ಥರ ಥರವಾದ ಧಿರಿಸುಗಳನ್ನು ಹೊಲಿಯುತ್ತಾನೆ- ಅಂಗಿ,ಚಡ್ಡಿ ಪ್ಯಾಂಟ್, ಶಟರ್್, ಸಲ್ವಾರ್, ಚೂಡಿದಾರ್, ಟೋಪಿ ಇತ್ಯಾದಿ. ಆತನಿಗೆ ಟೋಪಿ ಉದ್ಯಮದಲ್ಲಿ ಭಾರೀ ಲಾಭ ಬಂದ ಕಾರಣ ವಷರ್ಾಂತ್ಯಕ್ಕೆ ಆತನ ಕಂಪೆನಿಯು 30 ಕೋಟಿ ಲಾಭ ಗಳಿಸುತ್ತದೆ ಎಂದಿಟ್ಟುಕೊಳ್ಳಿ. ಅದರಲ್ಲಿ 5 ಕೋಟಿ ರೂಗಳನ್ನು ಡಿವಿಡೆಂಡ್ ಆಗಿ ಹಂಚಿ ಉಳಿದ 25 ಕೋಟಿಗಳನ್ನು ಬಿಸಿನೆಸ್ ವಿಸ್ತರಿಸುವ ಉದ್ಧೇಶದಿಂದ ಹೊಸದಾದ ಒಂದು ಮಕ್ಮಲ್ ಟೋಪಿ ಹೊಲಿಯುವ ಉದ್ಯಮದಲ್ಲಿ ತೊಡಗಿಸುತ್ತಾನೆ. ಈ ರೀತಿ 25 ಕೋಟಿಯನ್ನು ಬಿಸಿನೆಸ್ನಲ್ಲಿಯೇ ಮರುಹೂಡಿದಾಗ ಆತನ ಬ್ಯಾಲನ್ಸ್ ಶೀಟ್ ಈ ರೀತಿ ಕಾಣಿಸುತ್ತದೆ:

ಶೇರ್ ಕಾಪಿಟಲ್ 100 ಕೋಟಿ

ರಿಸವ್ಸರ್್ 25 ಕೋಟಿ

ಒಟ್ಟು ಇಕ್ವಿಟಿ 125 ಕೋಟಿ

More

ರಾಜ ರಾಣಿ ಮಂತ್ರಿ ತಂತ್ರಿ…

ಚಿತ್ರಗಳು : ಎಚ್ ವಿ ವೇಣುಗೋಪಾಲ್

ಸಮುದಾಯ ರಂಗ ತಂಡದ ಕಲಾವಿದರು ಅಭಿನಯಿಸಲಿರುವ ರಾಜ ರಾಣಿ ಮಂತ್ರಿ ತಂತ್ರಿ ನಾಟಕದ ರಿಹರ್ಸಲ್ ನ ಒಂದು ನೋಟ .

ವಿಷಪೂರಿತ ಲಸಿಕೆಗಳ ಪರೀಕ್ಷೆಯೂ, ಬಿಲ್ ಗೇಟ್ಸ್ ನ ಜನಸಂಖ್ಯಾ ನಿಯಂತ್ರಣ ಯೋಜನೆಯೂ

ಡಾ. ಶ್ರೀನಿವಾಸ ಕಕ್ಕಿಲ್ಲಾಯ

ಆರೋಗ್ಯ ಸಂಪದ

ಇತ್ತೀಚಿನ ವರ್ಷಗಳಲ್ಲಿ ಜಗತ್ತಿನ ಅತಿದೊಡ್ಡ ದಾನಿಯೆಂದು ಬಿಂಬಿಸಲ್ಪಡುತ್ತಿರುವ ಬಿಲ್ ಗೇಟ್ಸ್ ಮಹಾಶಯನ ಬಗ್ಗೆ ಈ ಹಿಂದೆಯೂ ಬರೆದಿದ್ದೆ. [ಇಲ್ಲಿದೆ] ಇಂದಿನ ಹಿಂದೂ ಪತ್ರಿಕೆಯ ವರದಿಯನ್ನು ನೋಡಿದ ಬಳಿಕ ಇನ್ನೊಮ್ಮೆ ಅವನ ಬಗ್ಗೆ ಬರೆಯಬೇಕಾಯಿತು. ಬಿಲ್ ಗೇಟ್ಸ್ ದತ್ತಿನಿಧಿಯ ‘ನೆರವಿನಿಂದ’ ಬಹುರಾಷ್ಟ್ರೀಯ ದೈತ್ಯ ಕಂಪೆನಿಗಳು ಹಲವು ಹೊಸಬಗೆಯ ಲಸಿಕೆಗಳನ್ನು ತಯಾರಿಸಿ ಅಭಿವೃದ್ಧಿಶೀಲ ದೇಶಗಳ ಜನರ ಮೇಲೆ, ಅದರಲ್ಲೂ ಮಕ್ಕಳ ಮೇಲೆ, ಪ್ರಯೋಗಿಸುತ್ತಿರುವ ಬಗ್ಗೆ ಈಗಾಗಲೇ ಸಾಕಷ್ಟು ವಿವಾದಗಳೆದ್ದಿವೆ.

ನಮ್ಮ ಆಂಧ್ರಪ್ರದೇಶ, ಗುಜರಾತ್, ಮಹಾರಾಷ್ಟ್ರ, ಮಧ್ಯಪ್ರದೇಶ, ಚತ್ತೀಸಘಡ ಮುಂತಾದ ರಾಜ್ಯಗಳ ಹಿಂದುಳಿದ ಒಳಭಾಗಗಳಲ್ಲಿ, ಯಾರ ಗೊಡವೆಗೂ ಇಲ್ಲದೆ ಜೀವಿಸುತ್ತಿರುವ ಬಡಪಾಯಿ ಬುಡಕಟ್ಟು ಜನಾಂಗಗಳ ಮಕ್ಕಳನ್ನು ಲಸಿಕೆಗಳು ಹಾಗೂ ಔಷಧಗಳ ಪರೀಕ್ಷೆಗಳಿಗಾಗಿ ಬಳಸಿಕೊಳ್ಳಲಾಗುತ್ತಿರುವುದು ಹೊಸತೇನಲ್ಲ. ಗರ್ಭನಾಳದ ಕ್ಯಾನ್ಸರನ್ನು ತಡೆಗಟ್ಟುತ್ತದೆನ್ನಲಾದ ಲಸಿಕೆಯ ಪರೀಕ್ಷೆಗಳಲ್ಲಿ ಪ್ರಯೋಗಪಶುಗಳಾಗಿದ್ದ ಕೆಲವು ಮಕ್ಕಳು ಸಾವನ್ನಪ್ಪಿದ ಬಳಿಕ ಒತ್ತಡಕ್ಕೊಳಗಾಗಿ ಈ ಲಸಿಕೆಯ ಪ್ರಯೋಗಗಳನ್ನು ನಿಲ್ಲಿಸಲಾಗಿತ್ತು.

ಆದರೆ ನಮ್ಮ ದೇಶದಲ್ಲಿ ಇಂತಾಹಾ ಪರೀಕ್ಷಗಳನ್ನು ನಿಯಂತ್ರಿಸುವ ಕಾನೂನುಗಳು ಸಡಿಲವಾಗಿರುವುದು ಹಾಗೂ ನೀತಿಬಾಹಿರವಾದ ಕೆಲಸಗಳಲ್ಲಿ ಕಂಪೆನಿಗಳೊಂದಿಗೆ ಕೈ ಜೋಡಿಸಲು ಸಿದ್ಧರಿರುವ ವೈದ್ಯರುಗಳು ಸಾಕಷ್ಟು ಸಂಖ್ಯೆಯಲ್ಲಿ ಲಭ್ಯರಿರುವುದು ಈ ಕಂಪೆನಿಗಳ ಪಾಲಿಗೆ ವರದಾನವಾಗಿ ಬಿಟ್ಟಿವೆ. ಹೀಗಾಗಿ ಇಂತಹಾ ಲಸಿಕೆಗಳ ಪ್ರಯೋಗಗಳು ಇನ್ನೂ ಎಗ್ಗಿಲ್ಲದೆ ಸಾಗುತ್ತಿವೆ. ಇಂದೋರಿನ ಚಾಚಾ ನೆಹರು ಬಾಲ ಚಿಕಿತ್ಸಾಲಯದಲ್ಲಿ ನಡೆಯುತ್ತಿದ್ದ ಇಂತಹಾ ಪರೀಕ್ಷೆಗಳ ವಿವರಗಳನ್ನು ಆನಂದ್ ರಾಯ್ ಎಂಬವರು ಮಾಹಿತಿ ಹಕ್ಕು ಕಾನೂನಿನ ನೆರವಿನಿಂದ ಹೊರತೆಗೆದಿದ್ದು, ಇಂದಿನ ಹಿಂದೂ ಪತ್ರಿಕೆಯಲ್ಲಿ ಅದು ವರದಿಯಾಗಿದೆ. ಇಂದೋರಿನ 836 ಮಕ್ಕಳಿಗೆ ಗರ್ಭನಾಳದ ಕ್ಯಾನ್ಸರಿನ ಲಸಿಕೆ, H1N1 ಫ್ಲೂ ಲಸಿಕೆ, ಹೆಪಟೈಟಿಸ್ ಲಸಿಕೆ ಮುಂತಾದುವುಗಳನ್ನು ಕಾನೂನುಬದ್ಧವಾದ ಯಾವ ಪರವಾನಿಗೆಯನ್ನೂ ಪಡೆಯದೆಯೇ ಚುಚ್ಚಲಾಗಿದ್ದು, ಈ ಪೈಕಿ ಕೆಲವು ಮಕ್ಕಳಲ್ಲಿ ದುಷ್ಪರಿಣಾಮಗಳಾಗಿವೆ.

More

ಜಯಶ್ರೀ ಕಾಲಂ : ಕೇವಲ ಐದು ನಿಮಿಷಗಳಲ್ಲಿ ಸಾಕಷ್ಟು ಸಂಗತಿಗಳು

ರೇಡಿಯೋ ಸದ್ದು…

104 ಎಫೆಮ್ ನಲ್ಲಿ ಮಧ್ಯಾನದ ವೇಳೆ ಪ್ರಸಾರ ಆಗುವ ಕಾರ್ಯಕ್ರಮವನ್ನು ಆರ್ಜೆ ಅರ್ಜುನ ನಡೆಸಿ ಕೊಡುತ್ತಾರೆ. ಕೇಳುಗರನ್ನು ಏಯ್ ಶಭಾಶ್ ರಿ, ಗುಡ್ ರಿ ಎಂದು ಕರೆಯುತ್ತಾ , ಗಂಡು ಮಕ್ಕಳನ್ನು ಮಾಮ ಮಾಮ ಎಂದು ಕೂಗುತ್ತಾ ಒಟ್ಟಾರೆ ಉಲ್ಲಸವಾಗಿ ಇಟ್ಟಿರುತ್ತಾರೆ ಕಾರ್ಯಕ್ರಮ. ಈ ಶೋನಲ್ಲಿ ಮೊದಲಿನಿಂದಲೂ ಕೆಲವು ವಿಷಯಗಳ ಬಗ್ಗೆ ತಿಳಿಸಿಕೊಡ್ತಾ ಬಂದಿದ್ದಾರೆ ಎಫೆಮ್ ನವರು . ಅದು ತುಂಬಾ ಆಸಕ್ತಿದಾಯಕ ವಿಷಯ.

ಇತ್ತೀಚೆಗೆ ರಷ್ಯ ನಟಿ-ನಿರ್ದೇಶಕಿ ಸ್ವೆಟ್ಲಾನ ಬಗ್ಗೆ ಹೇಳ್ತಾ ಇದ್ರು . ಆಕೆ ನಟನ ಬದುಕಿನಿಂದ ನಿರ್ದೇಶಕರಾಗಿ ಬದಲಾದದ್ದು, ಇನ್ನು ಹತ್ತು ಹಲವಾರು ಸಂಗತಿಗಳು. ಕೇವಲ ಐದು ನಿಮಿಷಗಳಲ್ಲಿ ಸಾಕಷ್ಟು ಸಂಗತಿಗಳು. ಮಧ್ಯಾನ ನಿದ್ದೆ ಬರುವ ಸಂದರ್ಭದಲ್ಲಿ ಹೀಗೆ ಕೇಳುಗರಿಗೆ ಆಸಕ್ತಿ ಬರುವ ಸಂಗತಿಗಳನ್ನು ತಿಳಿಸುವ ರೀತಿ ಯಾವಾಗಲು ವಿಶೇಷವಾಗಿರ ಬೇಕು! ಒಟ್ಟಾರೆ ನನಗೆ ತುಂಬಾ ಇಷ್ಟ ಆಯ್ತು!

ಪೂರ್ಣ ಓದಿಗೆ : ಮೀಡಿಯಾ ಮೈಂಡ್

ಮಂಜುನಾಥ್ ಚಾಂದ್ ಬರೆವ ‘ಇವರು ಮೂರ್ತಿ’

-ಮಂಜುನಾಥ್ ಚಾಂದ್

ಇವರು ಮೂರ್ತಿ 10

ಪಾಲ್ಕೆ ಪ್ರಶಸ್ತಿ ಬಗ್ಗೆ...
ದಾದಾ ಸಾಹೇಬ್ ಪಾಲ್ಕೆ ಪ್ರಶಸ್ತಿಗೆ ಮೊದಲ ಬಾರಿಗೆ ಒಬ್ಬ ಟೆಕ್ನಿಶಿಯನ್ ಗೆ ಕೊಟ್ಟಿದ್ದಾರೆ. ಅದನ್ನು ಇಷ್ಟು ವರ್ಷದ ನಂತರ ಹೇಗೆ ನಿರ್ಧಾರ ಮಾಡಿದರು ಎಂಬುದು ನನಗೂ ಅಚ್ಚರಿ. ಇದ್ದಕ್ಕಿದ್ದಂತೆ ಒಂದು ದಿನ ಮಿನಿಸ್ಟ್ರಿ ಆಫ್ ಇನ್ಫರ್ಮೇಶನ್ ಮತ್ತು ಬ್ರಾಡ್ಕಾಸ್ಟ್ ದೆಹಲಿಯಿಂದ ಫೋನ್ ಬಂತು. ಆರ್ ಯು ವಿ.ಕೆ.ಮೂರ್ತಿ? ಅಂತ ಕೇಳಿದರು. “Are you same V.K.Murthy who photographed with Gurudutt?” ಹೌದು ಅಂತಂದೆ. ಏನಾಗಬೇಕು ಹೇಳಿ ಅಂದೆ? ಇಲ್ಲ, ನಮಗೇನೂ ಆಗಬೇಕಿಲ್ಲ, ನಿಮಗೇ ಒಂದು ವಿಷಯ ತಿಳಿಸಬೇಕಿತ್ತು, ದಾದಾ ಸಾಹೇಬ್ ಪಾಲ್ಕೆ ಪ್ರಶಸ್ತಿಗೆ ನೀವು ಆಯ್ಕೆ ಆಗಿದ್ದೀರಿ, ಕಂಗ್ರಾಟ್ಸ್ ಅಂದರು. ನನಗೆ ನಂಬಲಿಕ್ಕೆ ಆಗಲಿಲ್ಲ, ಯಾರೋ ಫೂಲ್ ಮಾಡ್ತಿದ್ದಾರೆ ಅನಿಸಿ, ಏನು, ಏನು, ಇನ್ನೊಮ್ಮೆ ಹೇಳಿ ಅಂತ ಕನ್ಫರ್ಮ್ ಮಾಡಿಕೊಂಡೆ. ಇದಾದ ಕೆಲ ದಿನಗಳಲ್ಲೇ ಗುಲ್ಬರ್ಗಾ ವಿ.ವಿ.ಯವರು ಡಾಕ್ಟರೇಟ್ ಕೊಡಬೇಕೆಂದು ಮುಂದೆ ಬಂದರು.

(ಬಳಿಕ ನಮ್ಮ ಮಾತು ಅವರ ಪತ್ನಿ ಸಂಧ್ಯಾ ಅವರ ಬಗ್ಗೆ ಹೊರಳಿತು. ಅವರ ಬಗ್ಗೆ ಕೊಂಚ ಮಾತಾಡಿ ಅಂದ್ವಿ ಅದಕ್ಕೆ ಅವರು ಅಂದಿದ್ದು ಇಷ್ಟು…) best kind of woman any man can have…in all respects. She was highly educated woman, her father is much more famous than me, ಎಲ್ಲಕ್ಕಿಂತ ಹೆಚ್ಚಾಗಿ ಎಲ್ಲರನ್ನೂ ಪ್ರೀತಿ ಮಾಡ್ತಾ ಇದ್ರು. ಯಾವತ್ತೂ ಒಂಚೂರೂ ಅಹಂಕಾರ ಮಾಡಿದವರಲ್ಲ. ಯಾರನ್ನೂ ತಾರತಮ್ಯದಿಂದ ನೋಡಿದವರಲ್ಲ…… ಹೀಗೆ ಹೇಳುತ್ತಾ ಮೂರ್ತಿ ಅವರು ತಮ್ಮ ಹಿಂದಿನ ಬದುಕಿನ ಕ್ಷಣಗಳನ್ನು ನೆನೆಸಿಕೊಳ್ಳುತ್ತಾ ಕೆಲಕ್ಷಣ ಮೌನಕ್ಕೆ ಜಾರಿದರು…

(ಹಿಂದಿ ಚಿತ್ರರಂಗದ ಅದ್ಭುತ ಕ್ಷಣಗಳನ್ನು, ಸನ್ನಿವೇಶಗಳನ್ನು ಸೆರೆ ಹಿಡಿದ ವಿ.ಕೆ.ಮೂರ್ತಿ ಅವರೊಂದಿಗೆ ನಾವು ಕಳೆದ ಸುಮಾರು ಎರಡು ತಾಸು ನಿಜಕ್ಕೂ ಅನನ್ಯ ಕ್ಷಣಗಳು. ಯಾವ ಭಿಡೆಯೂ ಇಲ್ಲದೆ, ನಮ್ಮೊಂದಿಗೆ ಚಿಕ್ಕ ಮಗುವಿನಂತೆ ತಮ್ಮ ಅನುಭವಗಳನ್ನು ಹಂಚಿಕೊಂಡರು. ಅವರಿಗೆ ನಮ್ ಟೀಮ್ನಿಂದ ಧನ್ಯವಾದ ಸಲ್ಲಿಸಲೇಬೇಕು)

ಮಲೆಗಳಲ್ಲಿ ಮದುಮಗಳು : ಪ್ರೊ. ಕೆ.ವಿ.ನಾರಾಯಣ ಮಾತಿಗೆ ನಿಂತರು

ಬಾ ಹುಲಿಕಲ್ ನೆತ್ತಿಗೆ-8

-ಪ್ರೊ. ಶಿವರಾಮಯ್ಯ

 

ನಾವು ಸ್ಕ್ರೀಪ್ಟ್ ಬರೆಯುತ್ತಿದ್ದ ಅವಧಿಯಲ್ಲಿ ಭಾಷಾತಜ್ಞರಾದ ಪ್ರೊ. ಕೆ.ವಿ.ನಾರಾಯಣ ಮತ್ತು ಮಲೆನಾಡಿನ ಪರಿಸರದಿಂದ ಬಂದು ಕಥೆ ಕಾದಂಬರಿ ಬರೆಯುತ್ತಿರುವ ಬಿಳುಮಲೆ ರಾಮದಾಸ್, ಇವರು ರಂಗಾಯಣಕ್ಕೆ ಬಂದು ಕಲಾವಿದರೊಂದಿಗೆ ಸಂವಾದ ನಡೆಸಿದ್ದು ತುಂಬ ಉಪಯುಕ್ತವೆನಿಸಿತು. ಕುವೆಂಪು ಸಾಹಿತ್ಯ ಕುರಿತು ಅದೂ ಅವರ ಮಲೆಗಳಲ್ಲಿ ಮದುಮಗಳು ಕೃತಿಯ ಭಾಷಾವಿನ್ಯಾಸದ ಬಗ್ಗೆ ವಿಶೇಷ ಆಸಕ್ತಿ ಕೆರಳಿಸುವಂತೆ ಮಾತನಾಡಿದ ಕೆ.ವಿ.ಎನ್. ಅನೇಕ ಸಂದೇಹಗಳಿಗೆ ಪ್ರಶ್ನೆಗಳಿಗೆ ಚುಟುಕದಲ್ಲಿ ಉತ್ತರಿಸಿ ಕಲಾವಿದರ ಅನುಭವ ವಿಸ್ತರಿಸುವಲ್ಲಿ ನೆರವಾದರು.

ಹೀಗೆ ಅವರು ಮಾತನಾಡುತ್ತ, ನನ್ನ ಅನುಭವದ ಮಿತಿಯಲ್ಲಿ ಹೇಳುವುದಾದರೆ, ಜಗತ್ಸಾಹಿತ್ಯದಲ್ಲಿ ಇನ್ಯಾವ ಭಾಷೆಯಲ್ಲೂ ಮದುಮಗಳು ಕೃತಿ ಕನ್ನಡ ಭಾಷಾ ಬಹುತ್ವವನ್ನು ಬಳಸಿ ಬನಿಗೊಂಡು ಬೆಳೆದಿರುವಂತೆ ಬೆಳೆದಿರುವ ಕೃತಿ ಇನ್ನೊಂದಿರಲಾರದು ಎಂದರು. ಕಾದಂಬರಿಯೊಂದನ್ನು ರಂಗರೂಪವಾಗಿ ಕಟ್ಟಿಕೊಳ್ಳುವಾಗ ಮೂಲ ಕೃತಿಗೆ ನಿಷ್ಠರಾಗಿರಬೇಕೆ? ಎಂಬ ಪ್ರಶ್ನೆಗೆ ಉತ್ತರಿಸುತ್ತ ಅವರು ‘ಅಂಥ ನಾಟಕರೂಪ ಮೂಲಕಥೆಯ ಲೋಕಕ್ಕೆ ಅಥೆಂಟಿಕ್ ಆಗಿರಬೇಕಿಲ್ಲ, ಆದರೆ ಸಿನ್ಸಿಯರ್’ ಆಗಿರಬೇಕು ಎಂದು ಸೂಚಿಸಿದರು.

ಮದುಮಗಳು ಕೃತಿಯಲ್ಲಿ ವೆಂಕಟಣ್ಣ, ನಾಗತ್ತೆ, ನಾಗಕ್ಕ ಪ್ರಕರಣ: ಕಾಡಿಯ ಕಳ್ಳಬಸುರಿನ ಪ್ರಕರಣ; ಚೀಂಕ್ರ ಸೇರೆಗಾರ ತನ್ನ ಬಸುರಿ ಹೆಂಡತಿ ಮೇಲೆ ಎತ್ತಿನಂತೆ ಹಾರಿ ಅವಳ ಸಾವಿಗೆ ಕಾರಣನಾದ ಪ್ರಕರಣ; ಹೊನ್ನಾಳಿ ಹೊಡ್ತ ಪ್ರಸಂಗ! ಅತ್ಯಾಚಾರಕ್ಕೊಳಗಾದ ಕಾವೇರಿ ಅತ್ಮಹತ್ಯೆ-ಇಂಥ ಅನುಭವಗಳ ಚಿತ್ರಣದಲ್ಲಿ ಲೇಖಕರ ಅಥೆಂಟಿಸಿಟಿ ಹೇಗೆ? ಎಂಬ ಪ್ರಶ್ನೆಗೆ ಕೆವಿಎನ್ ಕುವೆಂಪು ಅವರನ್ನು ನೀವು ‘ಖಜಜಡಿಜಜಛಿಠತಿ’ (ಪವಿತ್ರ ಗೋವು) ಎಂದು ಯಾಕೆ ಭಾವಿಸುತ್ತೀರಿ? ಎಂದು ಮರುಪ್ರಶ್ನೆ ಹಾಕುವ ಮೂಲಕ ಮೌನವಾಗಿಸಿದ್ದು ಮಾಮರ್ಿಕವಾಗಿತ್ತು. ಮದುಮಗಳು ಕಾದಂಬರಿ ಹಿನ್ನೆಲೆಯಲ್ಲಿ ಇವತ್ತಿನ ಕೋಮುಗಲಭೆಗಳು, ಭಯೋತ್ಪಾದನೆ, ಮತಾಂತರ ಮುಂತಾದ ಸಮಸ್ಯೆಗಳಿಗೆ ನಿಮ್ಮ ಪ್ರತಿಕ್ರಿಯೆ…..

More

%d bloggers like this: