ಮತ್ತೊಮ್ಮೆ ಕದಡಿದ ನೀರಾ-ರಾಡಿಯಾ ಜ(ಜಾ)ಲವ!

-ಸೂತ್ರಧಾರ ರಾಮಯ್ಯ

ಉತ್ತರಾಭಾದ್ರ: ಓಹೋಹೋ ಐದು ವರುಷಕೊಮ್ಮೆ ಕೈಮುಗಿದು ಮತ್ತೆ ಬರುವೆವೂ… WOO ಎಕ್ಸಲೆಂಟ್! ಈಗೊಂದು ಸಣ್ಣ BRAYಕ್.ನೀವು ಕೇಳ್ತಾ ಇದ್ದೀರಿ ಎಫ್ ಎಂ ೮೪೦ ಬೈಟೂ, ರಾಡಿಯಾ ಮಿರ್ಚಿ; ಸಖತ್ ಫ್ಯಾಟ್ ಮಗ. ನಾನು ಉತ್ತರಭಾದ್ರ ಈಗ ನಿಮ್ಮ ಮೆಚ್ಚಿನ ಚಿತ್ರಗೀತೆಗಳು, ನಮ್ಮ ನೆಚ್ಚಿನ ಡಾ: ಪುಡಾರಿ ಪುಂಡಲೀಕ ಅವರೊಂದಿಗೆ. “ಆದ್ರೂ ಅದೆಷ್ಟು ಓಪನ್ ಆಗಿ ಡಿಕ್ಲೇರ್ ಮಾಡ್ತೀರಾ ಸಾರ್ ಸತ್ಯ ಸಂಗತೀನಾ?

ಪು.ಪುನ್: ಸತ್ಯವೇ ನಮ್ಮ ವೇ. ಗಾಂಧಿ ಅನ್ನೋ ಪುಣ್ಯ ಕೋಟಿ (ಕೋಟಿಯ) ಮಕ್ಕಳು ನಾವು ಅಂತಾ (ಸ್ವಗತ :ಇನ್ ಕಮ್ ಟ್ಯಾಕ್ಸ್ ರೇಡ್ಗಳೇ ಹೇಳ್ತವೆ) ದೇಶದ ಜನಗಳಿಗೆ ಗೊತ್ತಿದೆ. ಇನ್ತಹ ತಹ ತಹ ಪಿತ್ತಾವರಣದಲ್ಲಿ, ಕ್ಷಮಿಸಿ..ವಾತಾವರಣದಲ್ಲಿ ಲಕ್ಷಗಳನ್ನು ಇಟ್ಟುಕೊಂಡು ರಾಜಕಾರಣ ಮಾಡೋ ಕಾಲ ಹೋಯ್ತು! ರಾಜಕಾರಣಕ್ಕೆ ಬಂದ ಹೊಸದರಲ್ಲಿ ಗಾಂಧಿ ಹೇಳಿದ ಮೂರೂ ಇಟ್ಟುಕೊಂಡು ದೊಡ್ದವರಾಗಿದ್ದೆವು. ಈಗ ಆ ಮೂರೂ ಬಿಟ್ಟವರಷ್ಟೇ ದೊಡ್ಡವರಾಗೋದು ಐ ಮೀನ್ ‘ಕೆಟ್ಟದ್ದನ್ನು ನೋಡೇ ,ಆಡೇ, ಕೇಳೆ ‘. ಆದರೂ, ಎಲ್ಲಾ ಡಿಕ್ಲೇರ್ ಮಾಡ್ತೀವಿ ಅಂದ ಮಾತ್ರಕ್ಕೆ ನಮ್ಮ ಆಸ್ತಿ ಪಾಸ್ತಿ ವಿವರನೆಲ್ಲ ನೀಡಬೇಕು ಅಂತಾರಲ್ಲ, ಆಯುಕ್ತರು? ಲೋಕದ ಡೊಂಕ ತಿದ್ದಲಿ, ನಮ್ಮ ತಕರಾರಿಲ್ಲಾ. ಆದ್ರೆ, ನಮ್ಮ ಮೂಲಕವೇ ಬಂದು ನಮ್ಮ ಮೂಲಕ್ಕೂ ಹಾಕೋದೆ ಗುದ್ದಲಿ! ಲೋಕದ ಯುಕ್ತಾ ಯುಕ್ತತೆಯಿಂದ ನಾವು ಮುಕ್ತರನ್ನೋದನ್ನು ಬಾಯಿ ಬಿಟ್ಟು ಡಿಕ್ಲೇರ್ ಮಾಡಬೇಕಾಗಿದೆ. ಎಂಥಾ ಬ್ಯಾಸರ ನೋಡ್ರಿ ಸರಾ!

ಉ.ಭಾ: ಛೆ,ಛೆ ಇಲ್ ಬಿಡ್ರೀ. ಋಷಿ ಮೂಲ, ನದಿ ಮೂಲ, ಪುಡಾರಿ ಪ್ರಾಪರ್ಟಿ ಮೂಲ ಕೇಳಬಾರದು ಬಿಡ್ರೀ. ಯಾಕಂದ್ರೆ ಅವೆಲ್ಲಾ ಒಂಥರಾ ‘ನೋನ್ ಸೋರ್ಸ್ ಆಫ್ ಇನ್ ಕಮ್’. ಜಗತ್ತಿಗೇ ಗೊತ್ತಿರೋ ಸಂಗತಿ. ಸ್ವಗತ: ಸಾರ್ವಜನಿಕ ಸೋರ್ಸ್ ಗಳಿಂದ ಸೋರಿಸ್ ಕೊಂಡಿದ್ದು ಅಂತಾ . ಪು.ಪುನ್: ಹಹ್ಹಹ್ಹ..,ಅವರು ಕೇಳಿದ್ರೂ ಎಲ್ಲವನ್ನು ನಾವೆಲ್ಲಿ ಡಿಕ್ಲೇರ್ ಮಾಡ್ತೀವ್ ಬಿಡ್ರೀ. ಇರಲಿ ಹಾಕ್ರಲ್ಲ ಮುಂದಿನ ಗೀತೇನಾ.

More

ಮನೆಯಂಗಳದಲ್ಲಿ ಕವಿತಾಗಾಯನ …

ಇಲ್ಲೂ ನೋಡಿ : invitations blog

ಕುವೆಂಪು ನೆನಪು ….

ಇಲ್ಲೂ ನೋಡಿ : invitations blog


 

ಮಂಜುನಾಥ್ ಚಾಂದ್ ಬರೆವ ‘ಇವರು ಮೂರ್ತಿ’

-ಮಂಜುನಾಥ್ ಚಾಂದ್

ಇವರು ಮೂರ್ತಿ 4

ಒಂದು ತಮಾಷಿ ಹೇಳ್ತೀನಿ ಕೇಳಿ…
ಇನ್ನೊಂದು ತಮಾಷಿ ಸಂಗತಿ ಹೇಳ್ತೀನಿ ನಿಮಗೆ; ನಂಗೆ ಟ್ರಿಗ್ನಾಮೇಟರಿ, ಅಲ್ಜಿಬ್ರಾ ಜೊತೆಗೆ ಕೆಮೆಸ್ಟ್ರೀ ಕೂಡ ಅರಗಿಸಿಕೊಳ್ಳಲು ಆಗುತ್ತಿರಲಿಲ್ಲ. ಪರೀಕ್ಷೆ ಕೂಡ ಬಂತು. ಪ್ರೊಮೋಷನ್ ಕೂಡ ಸಿಗಬೇಕಲ್ಲ? ಪರೀಕ್ಷೆ ಹಿಂದಿನ ದಿನ ಕೆಮೆಸ್ಟ್ರೀ ಪ್ರೊಫೆಸರ್ ಮನೆಗೆ ಹೋದೆ. ಆವಾಗ ನಾನು ಕಾರ್ಯಕ್ರಮಗಳನ್ನು ಮಾಡಿ ಫೇಮಸ್ ಆಗಿದ್ದೆನಲ್ಲ, ಬನ್ನಿ ಬನ್ನಿ ಕೃಷ್ಣಮೂರ್ತಿ ಎಂದು ಕರೆದು ಮಾತಾಡಿಸಿದರು ಪ್ರೋಫೆಸರ್ ಸಾಹೇಬರು.

ಈ ಟ್ರಿಗ್ನಾಮೇಟರಿ, ಅಲ್ಜಿಬ್ರಾ ಜೊತೆ ಕೆಮೆಸ್ಟ್ರೀ ಕೂಡ ಅರ್ಥವಾಗದು ನನಗೆ ಎಂದೆ. ನಾಳೆ ಎಗ್ಸಾಂ ಇದೆ, ಇವತ್ತು ಬಂದಿದ್ದೀರಲ್ಲಾ, ಏನು ಮಾಡ್ಲಿಕಾಗತ್ತೆ ಹೇಳಿ? ಅಂದರು. ಏನೂ ಇಲ್ಲ ನೀವು ಇದರಿಂದ ನನ್ನ ಪಾರು ಮಾಡಬೇಕಾದರೆ ನಾಳಿನ ಎಗ್ಸಾಂನ ಕ್ವಶ್ಚನ್ ಎಲ್ಲ ಕೊಟ್ಟುಬಿಡಿ ಅಂದೆ. ಅದಕ್ಕೆ ಅಯ್ಯೋ ಅದ್ಹಾಗೆ ಆಗತ್ತೆ? ಅಂದ್ರು. ನಾನು, ಈ ಫೋಟೋಗ್ರಫಿಗೂ ಕೆಮೆಸ್ಟ್ರೀಗೂ ಏನು ಸಂಬಂಧ? ಕಲ್ತು ಏನು ಪ್ರಯೋಜನ ಅಂತೆಲ್ಲ ವಾದ ಮಾಡಿದೆ. ‘ನೀನು ನನ್ನನ್ನಆಕ್ವರ್ಡ್ ಪೊಸಿಶನ್ನಲ್ಲಿ ಸಿಕ್ಕಿ ಹಾಕ್ಸಿತ್ತಿದ್ದಿಯಾ’ ಅಂದ್ರು. ನಿಮಗೆಂಥ ಆಕ್ವರ್ಡ್, ನನಗೆ ಆಗಿರೋದು ಆಕ್ವರ್ಡ್ ಅಂದೆ. ಅವರು ನನ್ನನ್ನು ಮನೆಯೊಳಗೆ ಕರಕೊಂಡು ಹೋಗಿ ನಾಳೆ ಪರೀಕ್ಷೆಗೆ ಬರುವ ಎಲ್ಲ ಪ್ರಶ್ನೆಗಳನ್ನು ಕೊಟ್ಟರು!!

ಆದ್ರೆ ನಂಗೆ ಉತ್ತರಗಳು ಬರಬೇಕಲ್ಲ? ನಾನು ಕೂಡ್ಲೆ ರಾತ್ರಿ ಬಿಎಸ್ಸಿ ಓದ್ತಾ ಇರೋ ನನ್ನ ಫ್ರೆಂಡ್ ಬಳಿ ಹೋಗಿ ಎಲ್ಲ ಪ್ರಶ್ನೆಗಳಿಗೆ ಆನ್ಸರ್ ಬರೆದುಕೊಂಡು ಬಂದು ಬೆಳಗಿನ ಜಾವ ಎರಡು ಗಂಟೆ ತನಕ ಆನ್ಸರ್ಗಳನ್ನು ಪದ್ಯದ ರೀತಿಯಲ್ಲಿ ಉರು ಹೊಡೆದೆ. ಇನ್ನು ನನ್ನ ಕೆಲವು ಕ್ಲೋಸ್ ಫ್ರೆಂಡ್ಸ್ ಗಳನ್ನು ಕರೆದು, ಬಡ್ಡಿ ಮಕ್ಕಳ್ರಾ ನೋಡ್ಕೊಳ್ಳಿ ಇದು ಕ್ವಶ್ಚನ್ ಪೇಪರ್ ಅಂತ ಅವರಿಗೂ ತೋರಿಸಿ ಹೆಲ್ಪ್ ಮಾಡಿದ್ದೆ. ಹೀಗೆ ಮಾಡಿ ಫಸ್ಟ್ ಈಯರ್ ಪಾಸ್ ಮಾಡ್ಕೊಂಡೆ.
More

ಮಲೆಗಳಲ್ಲಿ ಮದುಮಗಳು : ಬಸು ತರಬೇತಿಗೆ ನಿಂತರು

ಬಾ ಹುಲಿಕಲ್ ನೆತ್ತಿಗೆ-೩

-ಪ್ರೊ. ಶಿವರಾಮಯ್ಯ

ಆದರೆ ಆ ಎಲ್ಲದರ ಬಗ್ಗೆ ಪೂರ್ಣ ವಿವರ ತಿಳಿಸಿದ ಮೇಲೆ ವಿ.ವಿ. ಅಡ್ಡಿಪಡಿಸಲಿಲ್ಲ, ರಂಗ ನಿಮರ್ಾತೃ ದ್ವಾರಕಿಯವರು ರಂಗಾಯಣಕ್ಕೂ, ಕುಕ್ಕರಹಳ್ಳಿಕೆರೆ ಕಾಡಿಗೂ ನಡುವೆ ಇದ್ದ ತಂತಿ ಬೇಲಿಯನ್ನು ಕಿತ್ತು ಹಾಕಿ ಆ ಕಾಡನ್ನೇ ಒಳನುಗ್ಗಿಸಿಕೊಂಡು ನಾಲ್ಕು ಊರುಗಳ ಹಾಗೂ ಹುಲಿಕಲ್ ನೆತ್ತಿಯ ಸೆಟ್ ಹಾಕುವುದಾಗಿ ಹೇಳಿದರು. ಕೆರೆಯಂಚಿನಲ್ಲಿ ನಾಟಕ ಹೇಗಪ್ಪಾ ಎಂದು ಭಯಗೊಂಡಿದ್ದ ಕಾ.ತ.ಚಿಕ್ಕಣ್ಣನವರಿಗೆ ಆಗ ಸಮಾಧಾನವಾಯಿತು.

 

(ಚಿತ್ರ :ಶ್ರೀರಾಮ್ .ಕೆ ಎ .ಜಮದಗ್ನಿ)

ಬಸು ಪುನಃ ನವಶಕ್ತಿ ಸಂಚಲನ ಗೊಂಡವರಂತೆ ಕಲಾವಿದರ ತರಬೇತಿಗೆ ನಿಂತರು. ಕನ್ನಡ ಸೀಮೆಯ ದೂರದ ಊರುಕೇರಿಗಳಿಂದ ಬಂದ ಹೊಸ ನಟನಟಿಯರು ಲವಲವಿಕೆಯಿಂದ ರಂಗತರಬೇತಿಯಲ್ಲಿ ನಿರತರಾದರು. ಯಾರ ಕೈಯಲ್ಲಿ ನೋಡಿದರೂ ಮದುಮಗಳು ಕಾದಂಬರಿಯೇ. ನೆಲಮನೆ ಪ್ರಕಾಶನದಲ್ಲಿದ್ದ ಪುಸ್ತಕಗಳೆಲ್ಲ ಮುಗಿದು ಅದು ಮರುಮುದ್ರಣಕ್ಕೆ ಹೋಗಿದೆ ಎಂಬ ಸುದ್ದಿ ಬಂತು.

ಇತ್ತ ಕೆವೈಎನ್ ನೇತೃತ್ವದಲ್ಲಿ ಮದುಮಗಳು ರಂಗರೂಪ ಸಜ್ಜಾಗುತ್ತಿದ್ದರೆ, ಅತ್ತ ಬಸು ನಿದರ್ೆಶನದಲ್ಲಿ ಸ್ಕ್ರಿಪ್ಟ್ ಕೈಗೆ ಬರುವ ಮುನ್ನವೇ ಕೆಲವಾರು ದೃಶ್ಯಗಳ ಅಭಿನಯ ತರಬೇತಿ ನಡೆಯುತ್ತಿತ್ತು. ಉದಾಹರಣೆಗೆ ಸಿಂಬಾವಿಯ ಭರಮೈಹೆಗ್ಗಡೆ ಮನೆಯಲ್ಲಿ ಅತ್ತಿಗೆ ನಾದಿನಿಯರ ಜಗಳಾಟ, ಲಕ್ಕುಂದದಲ್ಲಿ ಕಾಡಿಯ ಕಳ್ಳ ಬಸುರಿಗೆ ಕಾರಣ ಯಾರು ಎಂಬ ನ್ಯಾಯ: ಬೆಟ್ಟಳ್ಳಿ ದೇವಯ್ಯನ ಬೀಸಕಲ್ಲು ಸವಾರಿ; ಹಳೆಮನೆ ಸ್ಮಶಾನದಲ್ಲಿ ದೊಡ್ಡಣ್ಣ ಮತ್ತು ರಂಗಮ್ಮ ಇವರ ಶವಸಂಸ್ಕಾರ ದೃಶ್ಯ; ಬೆಟ್ಟಳ್ಳಿ ಗೌಡರ ಅಂಗಳದಲ್ಲಿ ಕಂಬಕ್ಕೆ ಕಟ್ಟಿ ಕಲ್ಲಾಗಿನಿಂತ ಹೊಲೇರ ಸಣ್ಣಬೀರನಿಗೆ ಸಾಬರು ‘ಹೊನ್ನಾಳಿ ಹೊಡ್ತ’ ನೀಡುವ ದೃಶ್ಯ; ಹೀಗೆ ಬಿಡಿ ಬಿಡಿ ದೃಶ್ಯಗಳನ್ನು ಆಯ್ದುಕೊಂಡು ಪ್ರಾಕ್ಟೀಸ್ ನಡೆಸುತ್ತಿದ್ದರು.

More

ಸಿನೆಮಾ ಮಾಡಬೇಡ…

ಮಹಾಬಲ ಸೀತಾಳಭಾವಿ

ಜಗತ್ತಿನ ಕೆಲವೇ ಅದ್ಭುತ ಚಿತ್ರ ನಿರ್ದೇಶಕರಲ್ಲಿ ಒಬ್ಬರಾದ ಜಾಫರ್ ಪನಾಯಿ ಇನ್ನು 20 ವರ್ಷ ಸಿನಿಮಾ ಮಾಡುವುದಿಲ್ಲ. ಅವರಿಗೆ 6 ವರ್ಷ ಜೈಲು ಶಿಕ್ಷೆ ವಿಧಿಸಿರುವ ನ್ಯಾಯಾಲಯ 20 ವರ್ಷಗಳ ಕಾಲ ಸಿನಿಮಾ ಮಾಡದಂತೆ, ಚಿತ್ರಕಥೆ ಬರೆಯದಂತೆ, ವಿದೇಶಗಳಿಗೆ ಹೋಗದಂತೆ, ಭಾಷಣ ಮಾಡದಂತೆ ನಿರ್ಬಂಧ ಹೇರಿದೆ.

ದ ಸರ್ಕಲ್, ವೈಟ್ ಬಲೂನ್, ದ ಮಿರರ್, ಕ್ರಿಮ್ಸನ್ ಗೋಲ್ಡ್, ಆಫ್ಸೈಡ್ ಮುಂತಾದ ಗಮನಾರ್ಹ ಸಿನಿಮಾಗಳನ್ನು ಕೊಟ್ಟವರು ಪನಾಯಿ. ಇರಾನಿನ ದುರಾಡಳಿತದ ಬಗ್ಗೆ ಬಹಿರಂಗವಾಗಿ ಮಾತನಾಡಿದ್ದಕ್ಕೆ ಅವರಿಗೆ ಈ ಶಿಕ್ಷೆ. ಈಗ ಪನಾಯಿಗೆ 49 ವರ್ಷ. ಅವರ 70ನೇ ವರ್ಷದಲ್ಲಿ ಹೊರಬರಬಹುದಾದ ಅದ್ಭುತ ಚಿತ್ರಕ್ಕಾಗಿ ನಾನು ಕಾಯುತ್ತೇನೆ!

ಹೆಚ್ಚಿನ ಓದಿಗೆ- ಇಲ್ಲಿ ಭೇಟಿ ಕೊಡಿ

ಜತೆಗಿರುವನು ಚಂದಿರ …

ಚಿತ್ರಗಳು : ಧನಂಜಯ ಕುಲಕರ್ಣಿ

ಧನಂಜಯ ಕುಲಕರ್ಣಿ ಅವರ ನಿರ್ದೇಶನದಲ್ಲಿ ಮೂಡಿ ಬಂದ ಜಯಂತ ಕಾಯ್ಕಿಣಿಯವರ ‘ಜತೆಗಿರುವನು ಚಂದಿರ’ ನಾಟಕದ ಕೆಲವು ದೃಶ್ಯಗಳು…

ಇನ್ನಷ್ಟು ಫೋಟೋಗಳು : ಸೈಡ್ ವಿಂಗ್


‘ಸೂಫಿ-ಲೋಹಿಯಾ’ ಬೆಸುಗೆಯ ರಹಮತ್..

-ಬಿ ಎ ವಿವೇಕ ರೈ

ತುಂಬಾ ಒಳ್ಳೆಯ ಸುದ್ದಿ.ಬಿಳಿಮಲೆ ಸರಿಯಾಗಿ ಹೇಳಿದ್ದಾರೆ.ಕನ್ನಡ ವಿವಿ,ಹಂಪಿಯಲ್ಲಿ ಮೂರು ವರ್ಷ ಬಹಳ ಹತ್ತಿರದಿಂದ ರಹಮತ್ ರನ್ನು ಕಂಡಿದ್ದೇನೆ.ಸೂಫಿ ,ಅವಧೂತರ ಬಗ್ಗೆ ಅಪಾರ ತಿಳುವಳಿಕೆ ,ಅಧ್ಯಯನ ಇದ್ದ ರಹಮತ್ ನಿಜ ಬದುಕಿನಲ್ಲೂ ಸೂಫಿ-ಅವಧೂತ ಪರಂಪರೆಯ ಶ್ರೇಷ್ಠ ಪ್ರತಿನಿಧಿ ಆಗಿದ್ದಾರೆ .

ನಾನು ಹಂಪಿಯಲ್ಲಿ ಕುಲಪತಿ ಆಗಿದ್ದಾಗ ಅವರು ಯಾವುದೇ ಸಭೆಯಲ್ಲಿ ತಾವಾಗಿ ಮೇಲೆ ಬಿದ್ದು ಮಾತಾಡಿದವರಲ್ಲ.’ರಹಮತ್ , ಏನು ಹೇಳುತ್ತೀರಿ ?’ ಎಂದು ನಾನಾಗಿಯೇ ಒತ್ತಾಯಿಸಿ ಕೇಳಿದಾಗ, ಅಪೂರ್ವ ಒಳನೋಟಗಳ ಅಭಿಪ್ರಾಯ ಹಂಚಿಕೊಳ್ಳುತ್ತಿದ್ದರು. ಲೋಹಿಯಾ ಪೀಠದ .ಸಂಚಾಲಕರಾಗಿ ಎಂದಾಗ ,ಸಂಕೋಚದಿಂದ ಬೇಡ ಎಂದವರು ,ನನ್ನ ಒತ್ತಾಯಕ್ಕೆ ಒಪ್ಪಿಕೊಂಡು ,ಅದ್ಭುತ ಯೋಜನೆಗಳನ್ನು ಕಾರ್ಯಗತಗೊಳಿಸಿ ,ಮೂರು ವಿಶಿಷ್ಟ ಗ್ರಂಥಗಳನ್ನು ಹೊರತಂದರು.’ಸಮಾಜವಾದಿ ಹೋರಾಟಗಾರರ ಸಂದರ್ಶನ ‘(ಪೀರ್ ಭಾಷ ),’ಸೊಂಡೂರು ಭೂಹೋರಾಟ’( ಅರುಣ್ ಜೋಳದ ಕೂಡ್ಲಿಗಿ ),ಹೆಬ್ಬಳ್ಳಿ ಭೂ ಹೋರಾಟ ‘(ಸತೀಶ್ ಪಾಟೀಲ್ )-ಇವು ಮೂರು-ಅಪಾರ ಶ್ರಮ ,ಕ್ಷೇತ್ರ ಅಧ್ಯಯನ ಇರುವ ಪುಸ್ತಕಗಳು ಲೋಹಿಯಾ ನೆನಪಿಗೆ ಮಹತ್ವದ ಕೊಡುಗೆಗಳು.

‘ಸಾಂಸ್ಕೃತಿಕ ಮುಖಾಮುಖಿ’ವಿಚಾರ ಸಂಕಿರಣ ಚರ್ಚೆಗಳ ಪೂರ್ವಭಾವಿ ಸಭೆಗಳು ,ಸಿದ್ಧತೆಗಳು ನಡೆದಾಗ -ರಹಮತ್ ಅವರ ಶೈಕ್ಷಣಿಕ ಶಿಸ್ತು ಕಾಳಜಿಗಳನ್ನು ನಾನು ನೇರವಾಗಿ ಗಮನಿಸಿದ್ದೆ.

ಸಾಂಸ್ಕೃತಿಕ ಕ್ಷೇತ್ರಕಾರ್ಯ ,ಅಧ್ಯಯನ ಮತ್ತು ಪ್ರಮಾಣಬದ್ಧ ಪ್ರಕಟಣೆಗಳ ಪರ್ಯಾಯ ದಾರಿಯ ಮೂಲಕವೇ ಎಲ್ಲ ಬಗೆಯ ಅತಿರೇಕಗಳನ್ನು ,ಮೂಲಭೂತವಾದಗಳನ್ನು ನಿರಾಕರಿಸಬೇಕು ಎನ್ನುವ ‘ಸೂಫಿ-ಲೋಹಿಯಾ ‘ಬೆಸುಗೆಯ ರಹಮತ್ ಗೆ ಪ್ರೀತಿಯ ಅಭಿನಂದನೆಗಳು.

ವಿವೇಕ ರೈ

ಸುನಿತಾ ಅನಂತಸ್ವಾಮಿ ಜೊತೆಗೆ ಒಂದು ‘ಬೆಳಗು’

ಜಯಶ್ರೀ ಕಾಲಂ: ಸಿಂಪ್ಲಿ ಗ್ರೇಟ್…

@@@ ಭಾನುವಾರ ಸುವರ್ಣ ನ್ಯೂಸ್ ನಲ್ಲಿ ಮತ್ತು ಈ ಟೀವಿ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆದ ಎರಡು ಕಾರ್ಯಕ್ರಮ ನನ್ನ ಗಮನ ಸೆಳೆಯಿತು . ಶಿವರಾಜ್ ಕುಮಾರ್ ಅವರ ಜೊತೆ ನಿರೂಪಕ ಗೌರೀಶ್ ಅಕ್ಕಿ ನಡೆಸಿದ ಕಾರ್ಯಕ್ರಮ ಮತ್ತು ಅನುಪ್ರಭಾಕರ್ ಅವರ ನಿರೂಪಣೆಯ ಆಟೋಗ್ರಾಫ್ ಪ್ಲೀಸ್ ನಲ್ಲಿ ಪ್ರಜ್ವಲ್ ದೇವರಾಜ್ ಅವರ ಸಂದರ್ಶನ ಈ ಎರಡೂ ಕಾರ್ಯಕ್ರಮ ತುಂಬಾ ಮನ ಸೆಳೆಯಿತು.

ಈ ಎರಡು ಕಾರ್ಯಕ್ರಮದಲ್ಲಿ ಕಾಮನ್ ಫ್ಯಾಕ್ಟರ್ ಅಣ್ಣ ತಮ್ಮಂದಿರ ವಿಶ್ವಾಸ :-)

ಶಿವಣ್ಣನ ಸಂದರ್ಶನ ನಡೆಯುವಾಗ ಪುನೀತ್ ರಾಜ್ ಕುಮಾರ್ ಅವರ ಫೋನ್ ಬಂದಿತು. ಆಗ ಮಾತಿನ ಮಧ್ಯದಲ್ಲಿ ಶಿವಣ್ಣ ನೀನು ನನಗೆ ಸೀನಿಯರ್ ಅಪ್ಪು, ತುಂಬಾ ಚೆನ್ನಾಗಿ ಹಾಡ್ತಿಯ, ಅದ್ಭುತವಾಗಿ ಡ್ಯಾನ್ಸ್ ಮಾಡ್ತಿಯ … ಹೀಗೆ ಹಲವಾರು ವಿಶೇಷ ಅಂಶಗಳ ಬಗ್ಗೆ ಹೊಗಳಿದರು ಶಿವಣ್ಣ. ಹುಟ್ಟುತ್ತಾ ಅಣ್ಣತಮ್ಮಂದಿರು ಬೆಳಿತಾ ದಾಯಾದಿಗಳು ಅಂತಾರೆ ತಿಳಿದವರು. ಆದರೆ ತನ್ನ ತಮ್ಮ ತನಗಿಂತ ಸಾಧಕ,ಆತ ನನ್ನ ಬದುಕಿನಲ್ಲಿ ಸ್ಫೂರ್ತಿ ಎಂದು ಹೇಳುವ ಮಾತು- ಮೆಚ್ಚುಗೆ ಇದೆಯಲ್ಲ ಅದು ತುಂಬಾ ಕಡಿಮೆ ಕಂಡು ಬರುವುದು.ತನ್ನ ತಂದೆಯ ವಿನಮ್ರತೆ ತಮ್ಮನಿಗೆ ಬಂದಿದೆ ಎನ್ನುತ್ತಾ ತಾವೂ ಅಪ್ಪನ ಮಗ ಎಂದು ಪದೇಪದೇ ಅಭಿಮಾನಿಗಳಿಗೆ ತಿಳಿಸಿದರು ಶಿವಣ್ಣ ! ಅದಕ್ಕಲ್ವೆ ಅವರನ್ನು ವೀಕ್ಷಕರು ಪ್ರೀತಿಯಿಂದ ಕರೆಯೋದು ಸಿಂಪ್ಲಿ ಗ್ರೇಟ್ ಅಂತ :-)

ಪೂರ್ಣ ಓದಿಗೆ : ಮೀಡಿಯಾ ಮೈಂಡ್

Previous Older Entries

%d bloggers like this: