ಹಸುಗಳೇ, ಥ್ಯಾಂಕ್ಸ್..

ನಿಮಗೆ ಓಟದಲ್ಲಿ ಆಸಕ್ತಿ ಹುಟ್ಟಲು ಮುಖ್ಯ ಕಾರಣ ಏನು ಅಂತ ‘ಕನ್ನಡಪ್ರಭ’ದ ಕ್ರೀಡಾ ವರದಿಗಾರ ಸೋಮಶೇಖರ ಪಡುಕೆರೆ ಏಷ್ಯಾಡ್ ನಲ್ಲಿ ದೇಶಕ್ಕೆ ಎರಡು ಚಿನ್ನದ ಪದಕ ತಂದಿತ್ತ ಅಶ್ವಿನಿ ಶೆಟ್ಟಿ ಯನ್ನು ಕೇಳಿದರು ಆಕೆ ಏನು ಹೇಳಿದರು ಗೊತ್ತಾ?

ಚಿಕ್ಕಂದಿನಲ್ಲಿ ದನಗಳನ್ನು ಅಟ್ಟಿಕೊಂಡು ಗದ್ದೆಗೆ ಹೋದಾಗ ಅವು ಅತ್ತಿಂದಿತ್ತ ಓಡುತ್ತಿದ್ದವು. ಅವುಗಳನ್ನು ನಿಯಂತ್ರಿಸುವುದಕ್ಕಾಗಿ ಹಿಂದಿನಿಂದ ಓಡುತ್ತಿದ್ದೆ. ಆಗಲೇ ಓಟದ ಬಗ್ಗೆ ಆಸಕ್ತಿ ಹುಟ್ಟಿತು. ನನ್ನ ಯಶಸ್ಸಿನ ಪಾಲು ಹಸುಗಳಿಗೂ ಸೇರುತ್ತದೆ.

ಇವರು ಭೌಮಿಕ್

ಆಧ್ಯಾತ್ಮಿಕ ಯಾತ್ರೆಯ ವಿಜ್ಞಾನಿ-ಮಣಿ ಭೌಮಿಕ್

-ಕೆ ಪುಟ್ಟಸ್ವಾಮಿ

ಕನ್ನಡದ ಓದುಗರಿಗೆ ಇತ್ತೀಚೆಗೆ ತಾನೆ ಪರಿಚಿತವಾಗಿರುವ ಡಾ. ಮಣಿಲಾಲ್ ಭೌಮಿಕ್ ಬೆಂಗಳೂರಿಗೆ ಬರುತ್ತಿದ್ದಾರೆ. ತಮ್ಮ ಕೋಡ್ ನೇಮ್ ಗಾಡ್ ಮತ್ತು ಕಾಸ್ಮಿಕ್ ಡಿಟೆಕ್ಟಿವ್ಗಳ ಕನ್ನಡ ಅವತರಣಿಕೆಗಳನ್ನು ಬಿಡುಗಡೆ ಮಾಡಲು ಸ್ವತಃ ಕ್ಯಾಲಿಫೋನರ್ಿಯಾದಿಂದ ಬೆಂಗಳೂರಿಗೆ ಆಗಮಿಸುತ್ತಿದ್ದಾರೆ. ಅವರ ಕೃತಿಗಳಂತೆಯೇ ಮಣಿಲಾಲ್ ಭೌಮಿಕ್ ಅವರ ಜೀವನ ಯಾತ್ರೆಯೂ ಅತ್ಯಂತ ರೋಚಕ ಗಾಥೆ.

ಪಶ್ಚಿಮ ಬಂಗಾಳದ ತಮ್ಲುಕ್ ಪ್ರಾಂತ್ಯದ ಕುಗ್ರಾಮವೊಂದರಲ್ಲಿ ಜನಿಸಿದ ಮಣಿಲಾಲ್ ಹುಟ್ಟಿನೊಡನೆಯೇ ಹೋರಾಟ ಆರಂಭಿಸಿದವರು. ಬಡತನವನ್ನೆ ಉಂಡು ಮಲಗುವ ಗ್ರಾಮವದು. ತಲೆಯ ಮೇಲೊಂದು ಸೂರು, ಕೊಟ್ಟಿಗೆಯಲ್ಲೊಂದು ಹಸು ಇದ್ದವನೇ ಶ್ರೀಮಂತ. ಮಣಿಯ ತಂದೆ ಗುಣಧರ ಭೌಮಿಕ್ ಶಾಲಾ ಶಿಕ್ಷಕನಾದರೂ, ಸ್ವಾತಂತ್ರ್ಯ ಚಳವಳಿಯಲ್ಲಿ ಧುಮುಕಿ ಹೆಚ್ಚು ಕಾಲ ಭೂಗತರಾಗಿದ್ದವರು. ಅಂಥ ಸನ್ನಿವೇಶದಲ್ಲಿ ರಾತ್ರಿಯೊಡನೆ ಸಂಜೆ ಕರಗುವ ಒಂದು ದಿನ ಗುಣಧರ ಭೌಮಿಕ್ನ ಹೆಂಡತಿಗೆ ಹೆರಿಗೆಯಾಯಿತು. ಧೂಳಿನ ನೆಲಕ್ಕೆ ಬಿದ್ದ ಮೈಲಿಗೆಯ ಮಗು ರಾತ್ರಿಯೆಲ್ಲ ಅಲ್ಲಿಯೇ ಹೊರಳಾಡಿತು. ಸಂಪ್ರದಾಯದಂತೆ ಹೊಕ್ಕುಳ ಬಳ್ಳಿ ಕತ್ತರಿಸಲು ಅಂದು ಹರಿಜನ ಮಹಿಳೆ ಸಿಗಲಿಲ್ಲ. ಅವಳು ಕತ್ತರಿಸದೆ ಮಗು ಬಾಣಂತಿಯು ಅಲುಗಾಡುವಂತಿಲ್ಲ. ಕೊನೆಗೂ ಬಿದಿರಿನ ಸೀಳಿನಿಂದ ಹೊಕ್ಕುಳ ಬಳ್ಳಿಯನ್ನು ಹರಿಜನ ಮಹಿಳೆ ಕತ್ತರಿಸಿ ಮುಕ್ತಿ ದೊರಕಿಸಿದಾಗ ಚುಮು ಚುಮು ನಸುಕಿನ ಬೆಳಕು. ರಾತ್ರಿಯಿಡಿ ಅಲುಗಾಡದೇ ಕುಳಿತ ತಾಯಿ ಲಲಿತಾಳ ಗರ್ಭಕೋಶ ಜಾರಿ ಮುಂದೆ ಹತ್ತು ವರ್ಷ ಕಾಲ ಗರ್ಭವತಿಯಾಗಲೇ ಇಲ್ಲ.

ಬಾಲಕನ ಬದುಕು ಬಡತನ, ದಾರಿದ್ರ್ಯದ ಜೊತೆ ಸಾಮಾಜಿಕ ಅಸಮಾನತೆ ಮತ್ತು ಅಪಮಾನುಷ ಪರಿಸರದಲ್ಲೇ ಕಳೆಯಿತು. ಭೂಗತನಾದ ತಂದೆಯನ್ನು ಅರಸಿ ಬಂದ ಪೊಲೀಸರ ದೌರ್ಜನ್ಯ; ನಲವತ್ತರ ದಶಕದ ಭೀಕರ ಚಂಡಮಾರುತ; ಆ ಪ್ರವಾಹದಲ್ಲಿ ಕೊಚ್ಚಿ ಹೋಗದೆ ಮೂರು ದಿನಗಳ ಕಾಲ ಮನೆಯ ಮೂಡಿನಲ್ಲೇ ಕಳೆದ ದಾರುಣತೆ; ಗದ್ದೆಯ ಬಯಲಿನಲ್ಲಿ ತೇಲಾಡುವ ಹೆಣಗಳು; ಚಂಡಮಾರುತವನ್ನು ಅನುಸರಿಸಿ ಬಂದ ಭೀಕರ ಬರಗಾಲ-ಹೀಗೆ ಸಂಕಷ್ಟಗಳ ಸರಣಿಯನ್ನು ಎದುರಿಸಿ ಉಳಿದದ್ದು ಒಂದು ದೊಡ್ಡ ಪವಾಡ. ತನ್ನ ಪಾಲಿನ ರೊಟ್ಟಿಯನ್ನು ಮೊಮ್ಮಗನಿಗೆ ಕೊಟ್ಟು ಹಸಿವಿನಿಂದಲೇ ಕಣ್ಮುಚ್ಚಿದ ಅಜ್ಜಿಯ ನಿಷ್ಕಾಮ ಬದುಕು, ಹತ್ತಿರದಿಂದ ಕಂಡ ಗಾಂಧೀಜಿಯ ದೃಢ ಸಂಕಲ್ಪ, ಮತ್ತು ಸ್ವಾತಂತ್ರ್ಯಕ್ಕಾಗಿ ಬಲಿದಾನವಾದ ಮಾತಂಗಿನಿ ಎಂಬ ವಿಧವೆಯು ತೋರಿದ ಪ್ರೀತಿ ಆ ದಾರಿದ್ರ್ಯದಲ್ಲಿಯೂ ಆತನನ್ನು ಗಟ್ಟಿಗೊಳಿಸಿದವು. ಚಂದ್ರನಿಲ್ಲದ ರಾತ್ರಿಯ ಕಪ್ಪು ಆಗಸದಲ್ಲಿ ಹೊಳೆವ ನಕ್ಷತ್ರಗಳ ರಾಶಿಯನ್ನು ಕಾಣುತ್ತಾ ಅಲ್ಲಿನ ಅರಮನೆಗಳ ದ್ವಾರದಲ್ಲಿರುವ ರಾಕ್ಷಸರನ್ನು ಕೊಂದು ಕೋರೈಸುವ ಅರಮನೆಯಲ್ಲಿ ಬದುಕು ಸಾಗಿಸುವ ಕನಸುಗಳಷ್ಟೇ ಆತನ ಬದುಕಿಗೆ ಭರವಸೆಯಾಗಿದ್ದವು.

ತನ್ನ ಬಳಿ ಬರುವ ಎಲ್ಲವನ್ನೂ ಸೆಳೆಯುವ ಬ್ಲಾಕ್ ಹೋಲ್ಗಳಂತೆ ಮಾನವೀಯತೆಯನ್ನೆಲ್ಲ ನುಂಗಿ ನೊಣೆಯಬಲ್ಲ ಬಡತನ ಮತ್ತು ದಾರಿದ್ರ್ಯದಿಂದ ಬಿಡುಗಡೆ ಹೊಂದಲು ವಿದ್ಯೆಯೊಂದೇ ದಾರಿಯೆಂದು ನಂಬಿ ಅದರಂತೆ ಎಲ್ಲ ಸಂಕಷ್ಟಗಳನ್ನು ಗೆದ್ದ ಮಣಿ ಭೌಮಿಕ್ ಉನ್ನತ ಸಂಶೋಧನೆಗಾಗಿ ಅಮೆರಿಕಾಗೆ ಬಂದಿಳಿದಾಗ ಜೇಬಿನಲ್ಲಿ ಇದ್ದದ್ದು ಒಂದು ಡಾಲರ್ ಮಾತ್ರ. ಆದರೆ ತನ್ನ ಅಪ್ರತಿಮ ಪ್ರತಿಭೆಯಿಂದ ಸಂಶೋಧನೆಯಲ್ಲಿ ಪಳಗಿ ಕೊನೆಗೆ ಲಸಿರ್ ಕಣ್ಣಿನ ಚಿಕಿತ್ಸೆಯಲ್ಲಿ ಬಳಸುವ ಲೇಸರ್ ಕಿರಣಗಳನ್ನು ಕಂಡುಹಿಡಿವ ವೇಳೆಗೆ ಆತ ಅಮೆರಿಕಾದ ಭೋಗದಲ್ಲಿ ಲೀನವಾಗಿದ್ದ. ತನ್ನ ಶ್ರಮ ಮತ್ತು ವ್ಯವಹಾರ ಕುಶಲತೆಯಿಂದ ಅಪಾರ ಆಸ್ತಿ. ಹಣ ಸಂಚಯನ ಮಾಡಿದ ಭೌಮಿಕ್ ಸುಖವನ್ನು ಮೊಗೆ ಮೊಗೆದು ಕುಡಿದ. ರೊನಾಲ್ಡ್ ರೀಗನ್, ಬಿಲ್ ಕ್ಲಿಂಟನ್ನಿಂದ ಹಿಡಿದು ಅಮೆರಿಕಾದ ಎಲೈಟ್ ವರ್ಗದ ಪ್ರಸಿದ್ಧರೆಲ್ಲರನ್ನೂ ಆಹ್ವಾನಿಸಿ ಮೇಜವಾಗಿ ನಡೆಸಿದ. ಶ್ರೀಮಂತ ಬಡಾವಣೆಗಳೆಂದು ಕರೆಸಿಕೊಂಡ ಬೆಲ್ಏರ್, ಬೆವಲರ್ಿ ಹಿಲ್ಸ್, ಕ್ಯಾಲಿಫೋನರ್ಿಯಾದಲ್ಲಿ ಅರಮನೆಗಳಂಥ ಬಂಗಲೆಗಳನ್ನು ಕೊಂಡ. ಚಲನಚಿತ್ರ ತಾರೆಯರ ಸಖ್ಯ ಬೆಳೆಸಿದ. ಅಮೆರಿಕಾದ ಭೋಗಲಾಲಸೆಯಲ್ಲಿ ಮುಳುಗಿದ್ದ ಭೌಮಿಕ್ ಇದ್ದಕ್ಕಿದ್ದಂತೆ ತನ್ನ ಬೇರುಗಳನ್ನು ಅರಸಿ ಹೊರಟ. ಈ ಹೊರಳು ದಾರಿಯಲ್ಲಿ ಆತ ಆಧ್ಯಾತ್ಮ ಮತ್ತು ವಿಜ್ಞಾನವನ್ನು ಬೆಸೆಯುವ ಚಿಂತನೆಯನ್ನೇ ಆರಂಭಿಸಿದರು. ಸಾಂಸ್ಥಿಕ ಧರ್ಮದಿಂದ ವಿಭಿನ್ನವಾದ ಭಾರತೀಯ ಮತ್ತು ಇತರೆ ದೇಶಗಳ ಚಿಂತಕರು ಹುಟ್ಟಿ ಹಾಕಿದ ಆಧ್ಯಾತ್ಮವು ಕಲ್ಪಿಸಿಕೊಳ್ಳುವ ದೇವರ ಪರಿಕಲ್ಪನೆಗೂ, ವಿಜ್ಞಾನವು ಮಂಡಿಸುವ ವಿಶ್ವ ಸೃಷ್ಟಿ ಮತ್ತು ಅದರ ವಿನ್ಯಾಸಕ್ಕೂ ಸಾಮ್ಯವಿದೆಯೆಂಬುದು ಅವರ ನಂಬಿಕೆ. ಈ ನಂಬಿಕೆಯ ಬೆನ್ನು ಹತ್ತಿ ರಚಿಸಿದ ಕೃತಿಯೇ ಕೋಡ್ ನೇಮ್ ಗಾಡ್ ಪೆಂಗ್ವಿನ್ ಸಂಸ್ಥೆ ಪ್ರಕಟಿಸಿದ ಈ ಪುಸ್ತಕ ಅನೇಕ ವಾರಗಳ ಕಾಲ ಬೆಸ್ಟ್ ಸೆಲ್ಲರ್ ಪಟ್ಟಿಯಲ್ಲಿತ್ತು. ಈ ಪುಸ್ತಕವನ್ನು ಅವರು ವಿಜ್ಞಾನಿಯೊಬ್ಬನ ಆಧ್ಯಾತ್ಮಿಕ ಯಾತ್ರೆ ಎಂದು ಕರೆದುಕೊಂಡಿದ್ದಾರೆ.

ಎಳೆಯ ಮಕ್ಕಳಿಗೆ ವಿಶ್ವವನ್ನು ಪರಿಚಯಿಸುವ ದೃಷ್ಟಿಯಿಂದ ಅವರು ರಚಿಸಿದ ಕಾಸ್ಮಿಕ್ ಡಿಟೆಕ್ಟಿವ್ ಮತ್ತೊಂದು ಯಶಸ್ವೀ ಕೃತಿ. ಎಳೆಯ ಓದುಗರನ್ನು ಪತ್ತೇದಾರರನ್ನಾಗಿಸಿ, ಅವರು ವಿಶ್ವ ರಹಸ್ಯವನ್ನು ಅರಿಯಲು ಸುಳಿವು ನೀಡುತ್ತಾ, ಅಲ್ಲಲ್ಲಿ ಮಾರ್ಗದರ್ಶನ ನೀಡುತ್ತಾ ಮಣಿ ಅವರು ಅಪೂರ್ವ ಪ್ರಯೋಗವನ್ನು ನಾವಿಲ್ಲಿ ನೋಡಬಹುದು. ನಕ್ಷತ್ರ ಲೋಕ, ಗ್ಯಾಲಕ್ಸಿ, ನೆಬುಲಾ, ಸೂರ್ಯನ ಪರಿವಾರದ ಬಳಿಗೆ ಕರೆದೊಯ್ದು ಬ್ರಹ್ಮಾಂಡದ ವಿವಿಧ ಭಾಗಗಳನ್ನು, ವಿಶ್ವದ ರಹಸ್ಯವನ್ನು ಅರಿಯಲು ಸಾಧನಗಳನ್ನು ಮಣಿ ನೀಡುತ್ತಾರೆ. ಹಾಗಾಗಿ ಇದೊಂದು ಶುಷ್ಕ ವೈಜ್ಞಾನಿಕ ಕೃತಿಯಾಗದೆ ಸಾಮಾನ್ಯ ಓದುಗರೂ ಅರ್ಥ ಮಾಡಿಕೊಳ್ಳುವ ಪರಿಭಾಷೆಯಲ್ಲಿ ರಚನೆಗೊಂಡಿದೆ. ಇದರ ಮಹತ್ವವನ್ನು ಗಮನಿಸಿಯೇ 2009ರ ಅಂತಾರಾಷ್ಟ್ರೀಯ ಖಗೋಳ ವಿಜ್ಞಾನ ವರ್ಷದ ಅಧಿಕೃತ ಪುಸ್ತಕವೆಂದು ಇದನ್ನು ಘೋಷಿಸಲಾಗಿದೆ.

* * * * * * * * * * * *

ಇನ್ನೂ ಹೆಚ್ಚಿನ ಓದಿಗೆ- ಇಲ್ಲಿ ಭೇಟಿ ಕೊಡಿ

ಮಣಿ ಭೌಮಿಕ್ ಕೃತಿ ಬಿಡುಗಡೆ

 

ಇಂದು ಸಂಜೆ, ಬೆಂಗಳೂರಿನಲ್ಲಿ..

ನಾಟಕ ಬೆಂಗ್ಳೂರು 2010 ಉತ್ಸವದಲ್ಲಿ

28 ನವೆಂಬರ್ 2010
ಇಂದಿನ ನಾಟಕ

ದೃಶ್ಯ ಅಭಿನಯಿಸುವ

ಪೇಯಿಂಗ್ ಗೆಸ್ಟ್

ಮೂಲ : ಅಭಿರಾಮ್ ಬಡಕಮ್ಕರ್
ಅನುವಾದ : ಡಿ.ಎಸ್. ಚೌಗಲೆ
28-11-2010, ಭಾನುವಾರ ವಿನ್ಯಾಸ ಮತ್ತು ನಿರ್ದೇಶನ : ದಾಕ್ಷಾಯಿಣಿ ಭಟ್

More

ಇಂದು ಸಂಜೆ, ಧಾರವಾಡದಲ್ಲಿ…

ಸೂರಿ -10:ನಿಂತ ರೂಮು ನಿಧಾನವಾಗಿ ತಿರುಗುತ್ತಿದೆ ಅನಿಸಿತು…

-ಸೂರಿ

ಸೂರಿ ಕಾದಂಬರಿಕೋಟಲೆಯೆಂಬರು ಕೋಟು ನೀಡಿದ್ದನ್ನು’ ಭಾಗ 10

ತುಕ್ಕೋಜಿ ಆ ಕೋಟನ್ನು ಗಮನಕ್ಕೆ ತಾರದೇ, ಅದನ್ನು ಒಂದಿಷ್ಟು ಅತ್ತ ಸರಿಸಿ ಹೊಲಿಗೆ ಯಜ್ಞಕ್ಕೆ ತಯಾರಾದ. ಹಳೇಬೀಡು ಸುಂದರರಾಯರು ಅದನ್ನು ಮತ್ತೆ ಅವನತ್ತ ತಳ್ಳಿದರು. ತುಕ್ಕೋಜಿ ಮತ್ತೆ ಅದನ್ನು ಹೊಲಿಗೆ ಯಂತ್ರದ ತುದಿಗೆ ತಳ್ಳಿ ತಯಾರಾದ. ಹಳೇಬೀಡು ಸುಂದರರಾಯರು ತಮ್ಮ ಪ್ರಯತ್ನವನ್ನು ಬಿಡಲಿಲ್ಲ. ಕೋಟನ್ನು ತಳ್ಳುತ್ತಾ ’ಯೇನರಾ ಮಾಡಬೇಕಪಾ’ ಅಂದರು.
ತುಕ್ಕೋಜಿ ಹೊಲೆಯುವ ತನ್ನ ಕಾಯಕವನ್ನು ನಿಲ್ಲಿಸಿ ದುರುಗುಟ್ಟಿ ನೋಡತ್ತಾ, ಸ್ವಲ್ಪ ದನಿಯೇರಿಸಿ ’ಯಿದುನ್ನ ಯತ್ಲಗಿಂದ ರಿಪೇರಿ ಮಾಡಬೇಕ್ರೀ. ಬಟ್ಟೆ ಗಟ್ಟಿಮುಟ್ಟಾಗಿದ್ರೆ ಯೇನರ ಹೊಲಿಗೇ ಅಂತ ಹಾಕಕ್ಕಾಗ್ತತೆ. ಯಿದ್ರಗೇನಿದೆ ಅಂತ ತ್ಯಾಪೆ ಹಾಕ್ಲೀ ನಾನು. ಯಿದುನ್ನ ಹಾಕ್ಕೆಂಡು ಗಾಳಿಗೆ ಅಡ್ಡಾಡಬೇಡ್ರಿ. ಹಾರ್‌ಗೀರೋದೀರಿ.’
ಅವನು ಅಂದಿದ್ದು ಒಂದು ದೊಡ್ಡ ತಮಾಷೆ ಎನ್ನುವಂತೆ ವಿಲಕ್ಷಣವಾಗಿ ನಕ್ಕು ಅಂದರು ’ಅದಕ್ಕೇ ಅಂದಿದ್ದು ಒಂದು ಪ್ಯಾಚ್ ಹಾಕಿದ್ರೆ ಸರಿ ಹೋಕ್ತತೆ ಅಂತ.’
’ಆಗಲ್ಲಾ-’ ತುಕ್ಕೋಜಿ ಇನ್ನೇನು ಕಿರಿಚುವ ಅಥವಾ ಅತ್ತೇ ಬಿಡುವ ಹಂತದಲ್ಲಿದ್ದ. ’ಯಿದುನ್ನು ಮುಟ್ಟಾಕಾಗಲ್ಲ. ರಿಪೇರಿ ಮಾಡಕ್ಕಾಗಲ್ಲ. ಯೇನೂ ಮಾಡಕ್ಕಾಗಲ್ಲ. ಬೇಕೂಂದ್ರೆ ಹೊಸಾ ಕೋಟು ಹೊಲ್ಕೊಡ್ತೀನಿ.’
’ಹೊಸಾ ಕೋ-’ ಹಳೇಬೀಡು ಸುಂದರರಾಯರಿಗೆ ಮುಂದೆ ಮಾತನಾಡಲು ಉಸಿರು ಸಿಗಲಿಲ್ಲ. ಕಣ್ಣ ಮುಂದೆ ಮತ್ತೆ ಮಂಜು ಕವಿಯಿತು. ನಿಧಾನವಾಗಿ ತಾವು ನಿಂತ ರೂಮು ತುಕ್ಕೋಜಿಯ ಸಮೇತ ನಿಧಾನವಾಗಿ ತಿರುಗುತ್ತಿದೆ ಅನಿಸಿತು. ನಿಂತ ಜಾಗದಲ್ಲೇ ಕುಕ್ಕುರುಗಾಲಿನಲ್ಲಿ ಕೂತು ತಲೆ ಮೇಲೆ ಕೈ ಹೊತ್ತರು.
More

ಜಯಶ್ರೀ ಕಾಲಂ: ಏನ್ರೀ ಚಂದ್ರೇ ಗೌಡ್ರೆ…ಸೈಲೆಂಟ್ ಗೌಡ್ರು ಆಗಿ ಬಿಟ್ಟಿದ್ದಿರಿ ?

@@  ಯಾಕೋ  ಇತ್ತೀಚೆಗೆ ಸಮಯ ವಾಹಿನಿಯವರು ಸಾಕ್ಷಾ ಚಿತ್ರಗಳ ಪ್ರಸಾರದಲ್ಲಿ ಆಸಕ್ತಿ ತೋರಿಸಲು ಆರಂಭ ಮಾಡಿದ್ದಾರೆ. ಬಹಳ ಹಿಂದೆಲ್ಲಾ  ಸಿನಿಮಾ ಶುರು ಆಗುವ ಮುನ್ನ ಇಂತಹುದೇ  ಡಾಕ್ಯುಮೆ೦ಟರಿ  ವೀಕ್ಷಿಸುವ ಸೌಭಾಗ್ಯ ವೀಕ್ಷಕರಿಗೆ ನೀಡಿದ್ದಾರೆ ವಾಹಿನಿಯವರು :-)

ಹೋಗ್ಲಿ ಬಿಡ್ರಿ ತೊಂದ್ರೆ ಇಲ್ಲ, ಮನೋರಂಜನಾ ವಾಹಿನಿಗಳು ಮಾಡ್ತಾರಲ್ಲ ಯಾವುದಾದರೂ ಕಾರ್ಯಕ್ರಮ ಚನ್ನಾಗಿ ಇದೆ ಎಂದು ವೀಕ್ಷಕರ ಮನದಲ್ಲಿ ಹೋಗುವಷ್ಟರಲ್ಲಿ ಅದರ ಹಳೆಯ ಎಪಿಸೋಡ್ ಗಳನ್ನು ಪದೇಪದೇ  ರಿಪೀಟ್ ಮಾಡ್ತಾರಲ್ಲ  ಹಾಗಾಗಿದೆ ಅನ್ನಿಸುತ್ತೆ ಸಮಯ ವಾಹಿನಿ ಕಥೆ..! ಏನ್ರೀ ಚಂದ್ರೇ ಗೌಡ್ರೆ… ಸೈಲೆಂಟ್ ಗೌಡ್ರು ಆಗಿ ಬಿಟ್ಟಿದ್ದಿರಿ ? :-) .. ಉಹುಂ ಮಾತಾಡ್ ಬಾರದು ಎಂದು ಶಾರದ ಹೆದರಿಸಿದ್ದಾರ ಏನ್ ಕಥೆ

ಪೂರ್ಣ ಓದಿಗೆ : ಮೀಡಿಯಾ ಮೈಂಡ್

‘ಅಂಕಿತ ಪುಸ್ತಕ’ ಪುರಸ್ಕಾರ …

%d bloggers like this: