ಹೊಸ ‘ಮೀಡಿಯಾ ಮಿರ್ಚಿ’ ಬಂದಿದೆ

‘The woman abort her foetus, since she is not married’ ಅನ್ನುವ ಮೆಸೇಜ್ ನನ್ನ ಮೇಲ್ ಬಾಕ್ಸ್ ಗೆ ಬಂದು ಬಿತ್ತು. ನಾನು ಒಂದು ಕ್ಷಣ ತಬ್ಬಿಬ್ಬಾದೆ, ಇದಕ್ಕೂ ನನಗೂ ಏನು ಸಂಬಂಧ ಅಂತ?. ಏನು,ಎತ್ತ ಗೊತ್ತಾಗದೆ ಗೊಂದಲದಲ್ಲಿ ಮುಳುಗಿರುವಾಗ ಹಿಂದೆಯೇ ಮತ್ತೊಂದು ಮೇಲ್ ಬಂತು. ನೀವು ಇಂಗ್ಲೀಷ್ ಜ್ಞಾನ ಪತ್ರಕರ್ತರಿಗೆ ಅಗತ್ಯ ಅಂತ ಬರೆದಿದ್ದೀರಿ ಇವತ್ತು ಸಗೋತ್ರ ವಿವಾಹದ ಬಗ್ಗೆ ಒಂದು ನ್ಯೂಸ್ ಬಂತು ಅದರಲ್ಲಿ ಈ ವಾಕ್ಯವಿದೆ ನನ್ನ ಇಂಗ್ಲೀಷ್ ಅಷ್ಟಕಷ್ಟೇ ನಾನು ಅರ್ಥ ಮಾಡಿಕೊಂಡಿರುವುದು ಸರಿಯಾ ಅಂಥ ಗೊತ್ತಾಗಬೇಕಾಗಿದೆ. ಅದಕ್ಕೆ ನಿಮಗೆ ಮೇಲ್ ಮಾಡಿದ್ದೀನಿ ಅರ್ಥ ತಿಳಿಸಿ. ಒಂದು ಕ್ಷಣ ನಿಟ್ಟುಸಿರು ಬಿಟ್ಟೆ ಮರುಕ್ಷಣವೇ ‘ತಾನು ಮದುವೆ ಆಗದೇ ಗರ್ಭ ಧರಿಸಿದ ಕಾರಣ ಆಕೆ ಗರ್ಭಪಾತ ಮಾಡಿಸಿಕೊಂಡಳು’ ಅಂತ ಬರೆದು ಮೇಲ್ ಮಾಡಿದೆ. ಈ ಮೇಲ್ ವಿನಿಮಯ ಅಷ್ಟಕ್ಕೇ ನಿಂತಿಲ್ಲ fall in line ಅಂದ್ರೆ ಏನು ? up Above the sky ಅಂದ್ರೇನು ಎಂಬ ಇಂಗ್ಲೀಷ್ ಪಾಠ ನಡೆಯುತ್ತಲೇ ಇದೆ ನಾನು ನನ್ನ ಕೆಲಸಗಳ ನಡುವೆ ಈಗ ‘ಇಂಗ್ಲೀಷ್ ಮೇಸ್ಟ್ರು’

‘ಹಲೋ, ಹಲೋ’ ಪೋನ್ ನ ಆಕಡೆ ಇದ್ದದ್ದು ಒಬ್ಬ ಪತ್ರಕರ್ತೆ, ಇಂಗ್ಲೀಷ್ ಕಲಿಯೋದಕ್ಕೆ ನಾನು ಮಾಡಿದ ಸಾಹಸ ಅಷ್ಟಿಷ್ಟಲ್ಲ. ಇಂಗ್ಲೀಷ್ ಸ್ಪೀಕಿಂಗ್ ಕೋರ್ಸ್ ಸೇರಿಕೊಂಡೆ ನೂರಾರು ರೂಪಾಯಿ ಫೀಸ್ ಕಟ್ಟಿದೆ ಮನೆ ಕೆಲಸ ಬಿಟ್ಟು ಬೆಂಳ್ಳಬೆಳಿಗ್ಗೆ ಕ್ಲಾಸ್ ಗೆ ಹೊಗ್ತಿದ್ದೆ ಆದ್ರೂ ಏನು ಪ್ರಯೋಜನ ಆಗಿಲ್ಲ. ಇಂಗ್ಲೀಷ್ ಇಲ್ಲದೆ ಆಫೀಸಿನಲ್ಲಿ ನನ್ನ ಕಾನ್ಫಿಡೆನ್ಸೇ ಸತ್ತುಹೋಗಿದೆ. ಈ ದರಿದ್ರ ಇಂಗ್ಲೀಷ್ ಬರಬೇಕು ಅಂದ್ರೆ ಏನು ಮಾಡಬೇಕು ಅಂತ. ‘ವೆರಿ ಸಿಂಪಲ್ ಮೇಡಂ, ಯಾರ ಜೊತೆಗಾದ್ರೂ ಇಂಗ್ಲೀಷ್ ಮಾತಾಡಿ, ಮಾತಾಡ್ತಾ ಇದ್ರೇ ತನ್ನಿಂದ ತಾನೇ ಬರುತ್ತೆ. ಆಡ್ತಾ ಆಡ್ತಾ ಇಂಗ್ಲೀಷ್’ ಅಂದೆ. ಈಗ ನಾನು ನನ್ನ ಎಲ್ಲಾ ಕೆಲಸಗಳ ನಡುವೆಯೂ ‘ಇಂಗ್ಲೀಷ್ ಕೌನ್ಸಲರ್’.

ಪೂರ್ಣ ಓದಿಗೆ –ಮೀಡಿಯಾ ಮೈಂಡ್

ಕಳೆದುಕೊಳ್ಳುವ ಬಗೆಗೊಂದು ಸ್ವಗತ…

-ಶ್ರೀ

ನೂರು ಕನಸು

ಎರಡು ವರ್ಷದ ಹಿಂದಿನ ಕಥೆ. ಅವತ್ತೊಂದು ದಿನ ಬನ್ನೇರುಘಟ್ಟದಲ್ಲಿರುವ ಅತ್ತಿಗೆಯ ಮನೆಯಿಂದ ವಾಪಸ್ ಹೊರಟವಳು ಗೆಳತಿಯ ಮನೆಗೆ ಹೋಗುವ ಬಸ್ಸಿನಲ್ಲಿ ಕೂತಿದ್ದೆ. ಅರ್ಧ ದಾರಿಯಲ್ಲಿ ನನ್ನ ಪಕ್ಕದಲ್ಲಿ ನಿಂತಿದ್ದ ಹೆಂಗಳೆಯೊಬ್ಬಳು ತನ್ನ ಮಗುವನ್ನು ನನ್ನ ಮಡಿಲಲ್ಲೇರಿಸಿದಳು. ಮಗುವನ್ನು ನೀಟಾಗಿ ನನ್ನ ಮಡಿಲಲ್ಲಿ ಅವಳು ಕೂರಿಸುವಾಗ ನಾನು ಪಿಳಿಪಿಳಿ ಕಣ್ಣುಬಿಡುತ್ತಿದ್ದ ಮಗುವಿನ ಮುಖ ನೋಡ್ತಾ ಇದ್ದೆ. ಅವಳು ಕೂರಿಸಿಯಾದ ಮೇಲೆ ಮಗುವನ್ನು ನಾನು ಹಿಡಿದುಕೊಂಡು ಕೂತೆ.

ಸ್ವಲ್ಪ ದೂರ ಹೋದನಂತರ ಆಕೆ ಮಗುವನ್ನು ನನ್ನ ಮಡಿಲಿನಿಂದ ತೆಗೆದುಕೊಂಡು ಬಸ್ ಇಳಿದಳು. ಅದ್ಯಾಕೋ ಅವಳು ಸ್ವಲ್ಪ ಜಾಸ್ತಿಯೇ ನನ್ನ ಮಡಿಲು ತಡಕಿದಳೇನೋ ಅಂತನಿಸಿದರೂ ಅದೇಕೋ ಆಕಡೆ ಗಮನ ಕೊಡಲಿಲ್ಲ.

ನಂತರ ಜಯನಗರದಲ್ಲಿ ಬಸ್ಸಿಂದ ಇಳಿಯುವಾಗ ಪರ್ಸ್ ಝಿಪ್ ತೆರೆದಿದ್ದು ಗಮನಕ್ಕೆ ಬಂತು. ಆಗಲೂ ನನಗೇನೂ ಅನಿಸಲಿಲ್ಲ. ಝಿಪ್ ಹಾಕಿಕೊಂಡು ಆಟೋ ಹಿಡಿದು, ವಿದ್ಯಾಪೀಠ ಸರ್ಕಲ್ಲಿಗೆ ಹೋದೆ. ಅಲ್ಲಿ ಫ್ರೆಂಡ್ ಮನೆಯ ಹತ್ತಿರ ಇಳಿದು ದುಡ್ಡಿಗೆಂದು ಪರ್ಸ್ ತಡಕಾಡಿದರೆ- ಬ್ಯಾಂಕಿಗೆ ಹಾಕಬೇಕೆಂದು ಬ್ಯಾಗಲ್ಲಿಟ್ಟುಕೊಂಡಿದ್ದ ಉಳಿತಾಯದ 9,500 ರೂಪಾಯಿ ಇದ್ದ ಕಟ್ಟು ಕಾಣೆ… ಕಳ್ಳಿ ಮೊಬೈಲ್ ಉಳಿಸಿಹೋಗಿದ್ದಳು. ಗೆಳತಿಯ ಮನೆ ಅಲ್ಲೇ ಇದ್ದ ಕಾರಣ ಆಟೋ ಚಾರ್ಜ್ ಕೊಟ್ಟು ಬಚಾವಾದೆ. (ಪೊಲೀಸ್ ಹತ್ತಿರ ದೂರು ಕೊಡಲಿಕ್ಕೆ ಹೋಗಿದ್ದೆ, ಆಕಥೆ ಇನ್ನೊಮ್ಮೆ ಹೇಳ್ತೀನಿ)
More

%d bloggers like this: