ಮತ್ಸ್ಯಗಂಧಿಯರ ನಾಡಲ್ಲಿ ನನ್ನ ಮೂಗು

ಮತ್ಸ್ಯಗಂಧಿಯರ ನಾಡಲ್ಲಿ

img_7377

ಜಿ ಎನ್ ಮೋಹನ್

ಅರಬ್ಬೀ ಸಮುದ್ರದ ಮೇಲೆ ಹಕ್ಕಿಯಂತೆ ಹಾರುತ್ತಾ ಇದ್ದಾಗ ನನಗೆ ಯಾಕೋ ಗುಂಡೂರಾವ್ ನೆನಪಾದರು. ಪತ್ರಕರ್ತರನ್ನೆಲ್ಲಾ ಅರಬ್ಬೀ ಸಮುದ್ರಕ್ಕೆ ಎಸೆಯಬೇಕು ಅಂದಿದ್ದರು. ಕಿಂಗ್ ಫಿಷರ್ ಎಂಬ ಪುಟ್ಟ ವಿಮಾನ ಕಿಂಗ್ ಫಿಷರ್ ಏರಿಸಿಕೊಂಡೇ ಹಾರುತ್ತಿದೆಯೇನೋ ಎಂಬಂತೆ ನೀರ ರಾಶಿಯ ಮೇಲೆ ಗರ ಗರ ತಿರುಗತೊಡಗಿತು. ಅಲ್ಲಿಯವರೆಗೆ ಪಶ್ಚಿಮ ಘಟ್ಟಗಳ ಸೌಂದರ್ಯವನ್ನು ಲೂಟಿ ಮಾಡುತ್ತಾ, ಕ್ಯಾಮೆರಾ ಕಣ್ಣಿಗೂ ತುಂಬಿಸುತ್ತಾ ಕುಳಿತಿದ್ದ ನನ್ನನ್ನು ದಿಢೀರನೆ ಈ ಪುಟ್ಟ ಹಕ್ಕಿ ಸಮುದ್ರದ ಮೇಲಕ್ಕೆಸೆಯಿತು. ಅತ್ತ ಇತ್ತ ಎತ್ತೆತ್ತ ನೋಡಿದರೂ ನೀರು.

ಕೇರಳ ಎನ್ನುವುದು ಒಂದು ರೀತಿಯ ರೋಮಾಂಚನ. ಮೀಸೆ ಮೂಡುವಾಗ ನಿರಂಜನರ ‘ಚಿರಸ್ಮರಣೆ’ ಓದಿ ಅಪ್ಪು, ಚಿರಕುಂಡ ರನ್ನು ತಲೆಯಲ್ಲಿ ತುಂಬಿಕೊಂಡು ಬೆಳೆದಿದ್ದ, ಬೀದಿಯಲ್ಲಿ ಗಲ್ಲಿಯಲ್ಲಿ ಧಿಕ್ಕಾರದ ಘೋಷಣೆಗಳನ್ನು ಹಂಚುತ್ತಾ ಬದುಕಿನ ಒಂದಿಷ್ಟು ಭಾಗ ಸವೆಸಿದ್ದ ನನಗೆ ಕೇರಳ ಸದಾ ಸೆಳೆವ ನೆನಪು. ಬಾಲ್ಯಕಾಲ ಸಖಿ, ಪಾತುಮ್ಮನ ಹಾಡುವಿನ ಆ ವೈಕಂ ಅಜ್ಜ, ದಿಢೀರನೆ ಮುಖವನ್ನು ಬುರ್ಖಾದ ಅಡಿ ಇರಿಸಿದ ಮಾಧವಿ ಕುಟ್ಟಿ ಎಲ್ಲರೂ ನನಗೆ ಅಕ್ಷರ ಕಲಿಸಿದವರೇ.

1003574wq5ಅಕ್ಷರವನ್ನು ಎದೆಯಲ್ಲಿಟ್ಟುಕೊಂಡು ನಡೆದು ಇಡೀ ನಾಡನ್ನೇ ಅಕ್ಷರ ಲೋಕದ ಮುಂಚೂಣಿಗೆ ತಂದು ನಿಲ್ಲಿಸಿದ್ದು, ಈ ಅಕ್ಷರವೆ ಬದುಕನ್ನೂ ಬದಲು ಮಾಡುತ್ತಾ ನಡೆದ ಕಥೆಗಳನ್ನು ಪತ್ರಿಕೆಯ ಪುಟಗಳಿಂದ ಹೆಕ್ಕಿ ನಾನೂ ಎದೆಯೊಳಗೆ ಕೂರಿಸಿಕೊಂಡಿದ್ದೆ.

ಎಕ್ಕುಂಡಿ ‘ಅಲ್ಲಿ ನೋಡು ಮತ್ಸ್ಯಗಂಧಿ ಉಟ್ಟುಕೊಂಡು ಹರಕು ಚಿಂದಿ’ ಎಂದು ಓದುವಾಗಲೆಲ್ಲಾ ಏಕೋ ಕೇರಳ ನೆನಪಾಗುತ್ತಿತ್ತು. ಲಂಕೇಶ್ ಕೇರಳದ ಬಗ್ಗೆ ಸಾಕಷ್ಟು ಬರೆದರು. ಕೃಷ್ಣ ಆಲನಹಳ್ಳಿ ವೈಕಂ ಅವರನ್ನು ಹುಡುಕುತ್ತಾ ಹೋದದ್ದನ್ನು ಬರೆದಿದ್ದ. ಫಕೀರ್ ಅಂತೂ ತಿಂಗಳುಗಟ್ಟಲೆ ಅಧ್ಯಯನ ನಡೆಸಿ ಕಯ್ಯೂರನ್ನು ಕಣ್ಣ ಮುಂದೆ ಕೂರಿಸಿದ್ದರು. ಸಾಹಿತ್ಯ ಅಕಾಡೆಮಿಗಾಗಿ ಕೇರಳದ ಅಲೆದಾಟವನ್ನೇ ಆರಿಸಿಕೊಂಡಿದ್ದರು. ‘ಕೇರಳದಲ್ಲಿ ಹದಿನೈದು ದಿನಗಳು’ ಈಗಲೂ ಓದಬೇಕು ಎನಿಸುವ ಪುಸ್ತಕವೇ.

ಕರ್ನಾಟಕ ಎಂದರೆ ಕೇರಳಿಗರಿಗೆ ಕೃಷ್ಣ ಆಲನಹಳ್ಳಿ ಹಾಗೂ ಅನಂತಮೂರ್ತಿ ಮಾತ್ರ. ಗೋಡೆಯಲ್ಲಿ ಹತ್ತು ಹಲವು ವಸ್ತುಗಳನ್ನಿಟ್ಟುಕೊಂಡು ತಿರುಗಿದ ಪರಸಂಗದ ಗೆಂಡೆತಿಮ್ಮನತೆಯೇ ಕೃಷ್ಣ ಕೂಡಾ. ಒಮ್ಮೆ ಕೃಷ್ಣ ಆಲನಹಳ್ಳಿ ಮಲಯಾಳಿಗಳು ನನ್ನನ್ನು ಹೇಗೆ ನೋಡುತ್ತಾರೆ ಎಂದು ಹೋಟೆಲ್ನಲ್ಲಿ ಕೂತು ಬಣ್ನಿಸುತ್ತಿದ್ದಾಗ ಆತನ ಕಣ್ಣುಗಳಲ್ಲಿದ್ದ ಮಿಂಚನ್ನು ನಾನಿನ್ನೂ ಮರೆತಿಲ್ಲ. ಕೊಟ್ಟಾಯಂ ನ ಗಾಂಧೀ ವಿಶ್ವವಿದ್ಯಾಲಯದ ಕುಲಪತಿಯಾಗಿ ಕೇರಳಿಗರು ಆರಿಸಿಕೊಂಡದ್ದು ಅನಂತ ಮೂರ್ತಿಯವರನ್ನು. ಅನಂತಮೂರ್ತಿಯವರ ಕೃತಿಗಳೂ ಮಲಯಾಳದ ಕ್ಯಾನ್ವಾಸ್ ಸೇರಿಕೊಂಡಿದೆ.

ಪ್ರಜಾವಾಣಿ ಕಾರಣಕ್ಕಾಗಿ ಮಂಗಳೂರಿಗೆ ಬಂದವನಿಗೆ ಎದ್ದು ಬಿದ್ದರೆ ಕಾಸರಗೋಡಲ್ಲಿ ಅಲೆಯುವುದೇ ಕೆಲಸ. ಆ ನಂತರ ಈಟಿವಿ ಕೆಲಸ ನನ್ನನ್ನು ಕಣ್ನೂರಿನವರೆಗೂ  ಕರೆದುಕೊಂಡು ಹೋಯಿತು. ಮೋಹನಲಾಲ್, ಮಮ್ಮುಟ್ಟಿ ಮಂಗಳೂರಿನ ಸಿನೆಮಾ ಹಾಲ್ ನಲ್ಲಿಯೇ ಕೈಕುಲುಕಿದರು. ಅಡೂರ್ ಹಾಗೂ ಮಮ್ಮುಟ್ತಿಯನ್ನು ತೆರೆಯ ಆಚೆಗೂ ಕಂಡೆ. ಉಪ್ಪಿನಂಗಡಿ ಹಾಗೂ ವಿಟ್ಲದಲ್ಲಿ ‘ವಿಧೇಯನ್’ ಸಿನೆಮಾಗಾಗಿ ಇಬ್ಬರೂ ಇದ್ದಾಗ.

ಕಡಲು ಹಾಗೂ ಗಾಢ ಪಶ್ಚಿಮ ಘಟ್ಟವನ್ನು ಬಗಲಲ್ಲಿಟ್ಟುಕೊಂಡು ಬೆಳೆದವರಿಗೆ ಬಣ್ಣದೊಡನೆ ಆಟವಾಡುವ ಕಲೆ ಗೊತ್ತಿಲ್ಲದೆಯೇ ಬೆಳೆದು ನಿಂತಿರುತ್ತದೆ. ಕೇರಳದ ಚಾನಲ್ ಗಳು ಒಂದಕ್ಕೆ ಒಂದು ಸ್ಪರ್ಧೆ ಒಡ್ಡಿಕೊಳ್ಲಬೇಕೆ ಹೊರತು ಇನ್ನಾವ ಭಾಷೆಯೂ ಇವಕ್ಕೆ ಸವಾಲು ಎಸೆಯುವುದು ಸಾಧ್ಯವೇ ಇಲ್ಲ.

ಕೇರಳವೇ ಒಂದು ಕೆಲಿಡಿಯೋಸ್ಕೊಪ್. ಇಂತಹ ಕೇರಳಕ್ಕೆ ತೀರ್ಥಯಾತ್ರೆ ಹೊರಟವನಂತೆ ಎದ್ದು ಬಂದಿದ್ದೇನೆ. ೧೩ ನೆ ಅಂತರಾಷ್ಟ್ರೀಯ ಸಿನೆಮಾ ಉತ್ಸವ ಎಂಬ ನೆಪ ಸಿಕ್ಕಿಸಿಕೊಂಡು. ಮತ್ಸ್ಯಗಂಧಿಯರ ನಾಡಲ್ಲಿ ಮೀನಿನ ವಾಸನೆ ಹಿಡಿಯಬೇಕೋ, ಕಾಲೇಜಿನಲ್ಲಿ ಬೋಧಿಸಿದಂತೆ ಸುದ್ದಿಯ ವಾಸನೆ ಹಿಡಿಯಬೇಕೋ ಗೊತ್ತಾಗದೇ ನನ್ನ ಮೂಗು ಕಕ್ಕಾಬಿಕ್ಕಿಯಾಗಿದೆ.

ಒಂಟಿ ಚಕ್ರದ ಪಯಣ

ನಿರೀಕ್ಷಿಸಿ

ಇನ್ನು ಕೆಲವೇ ದಿನಗಳಲ್ಲಿ…

ಹೊಸ ಅಂಕಣ ಆರಂಭ

 

my-photo1

ವಿ ಎಂ ಮಂಜುನಾಥ್ ಅವರ 

onewheeler-title2

ವಿಲನ್ ಇಲ್ಲದ ಈ ಕಥೆ..

‘ಸಿರಿ’ ಬಂದ ಕಾಲಕ್ಕೆ…

-ಮೃಗನಯನಿ

 

ನಾನು ತುಂಬ ಇಷ್ಟಪಡುವ, ನಂಬುವ ಪ್ರಕೃತಿಯಾಣೆ ನಾನಿದನ್ನ ಯಾವತ್ತೂ ನಿನಗೆ ಹೇಳಬೇಕೆಂದುಕೊಂಡಿರಲಿಲ್ಲ. ನಿನಗೆ ಮಾತ್ರ ಅಲ್ಲ ಯಾರಿಗೂ.. ಉಹುಂ ನಿನಗೆ ಅರ್ಥವಾಗುವುದಿಲ್ಲ ಅಂತ ಅಲ್ಲ, ಹೇಳಬಾರದು. ಹೇಳಿದರೆ ಕೇಳಿಸಿಕೊಂಡ ನೀನೋ ಅಥವ ಇನ್ಯಾರೋ ನನ್ನ ಮಾತುಗಳಿಗೆ ಅರ್ಥ ಹುಡುಕಲು ಹೋಗುತ್ತೀರಿ, ಆ ಮಾತುಗಳು ಅರ್ಥಕ್ಕೆ ನಿಲುಕುವುದಿಲ್ಲ, ಅರ್ಥಕ್ಕೆ ನಿಲುಕದ್ದು ಶ್ರೇಷ್ಠ ಎನ್ನುವುದು ಹುಚ್ಚು ಭ್ರಮೆ. ಆದರೆ ಅರ್ಥಕ್ಕೆ ನಿಲುಕದ್ದನ್ನು, ಬುದ್ದಿಯು ಜೀರ್ಣಿಸಿಕೊಳ್ಳಲಾಗದ್ದನ್ನು ಹೇಳಿದರೆ ಹೇಳಿದವ ಹುಚ್ಚ, ಪ್ರೇಮಿ ಎಂದು ಕರೆಸಿಕೊಳುತ್ತಾನೆ ಇಲ್ಲವೇ ಕವಿ ಎಂದು ಇನ್ನೂ ಹೆಚ್ಚಾದರೆ ಭವಿ. ನಾನು ಇದ್ಯಾವುದೂ ಅಲ್ಲ. ಜೊತೆಗೆ ಇಂಥಾ ಹಣೆಪಟ್ಟಿಗಳಲ್ಲಿ ಬದುಕು ಉಸಿರುಗಟ್ಟುತ್ತದೆ. ಈಗ ನಾನು ಇನ್ನೊಂದು ಸ್ಥಿತಿಗೆ ಬಂದಿದ್ದೇನೆ ದಯವಿಟ್ಟು ಅದಕ್ಕೊಂದು ಹೆಸರಿಟ್ಟು ರಾಡಿ ಮಾಡಬೇಡ.

ಈ ಸ್ಥಿತಿಯಿಂದ ಹಿಂದಿನದನ್ನು ನೋಡಿ ಮಾತಾಡುವಾಗ ಅಲ್ಲಿ ನಾನಿಲ್ಲ ನೀನಿಲ್ಲ ಅವರಿಬ್ಬರಿದ್ದಾರೆ ಅವನು ಅವಳು. ಇದಕ್ಕೆ ಸೀಯಿಂಗ್ ಫ್ರಂ ದಿ ಅಬವ್ ಅಂತ ಕರೆಯುತ್ತೇನೆ. ಈ ಪದಗುಚ್ಚ ನನ್ನದಾ? ಯಾರದೋ ಮರೆತು ಹೋದ ಲೇಖಕನದಾ? ಅಥವ ನನ್ನ ಕನಸಿನಲ್ಲಿ ಬಂದದ್ದಾ? ಇಂಥಾ ವಿಸ್ಮ್ರುತಿಗಳಲ್ಲೇ ಬದುಕುತ್ತಿರುವುದು ನಾನು… ಖುಶಿಯಾಗಿ ಬದುಕುತ್ತಿದ್ದೇನೆ..

2

…ಸೀಯಿಂಗ್ ಫ್ರಂ ದ ಅಬವ್- ಹೌದು ಅಲ್ಲಿ ಈಗಿನ ನಾನಿಲ್ಲ ನೀನಿದೆಯೋ ಇಲ್ಲವೋ ಗೊತ್ತಿಲ್ಲ ಜೊತೆಗೆ ಅಲ್ಲಿಲ್ಲಿರುವ ನಾನಲ್ಲದ ನನ್ನನ್ನೂ ನಿನ್ನನ್ನೂ ಆಗಿನ ನನ್ನ ಭಾವಾತಿರೇಕದ ಹಂಗಿನಿಂದ ಹೊರಬಂದು ನೋಡಲು ಪ್ರಯತ್ನಿಸಿದ್ದೇನೆ. ಇದನ್ನ ವಿಮರ್ಶೆ ಎಂದು ತಿಳಿಯಬೇಡ ವಿಮರ್ಶಿಸುವಾಗ ಸಾಮಾನ್ಯವಾಗಿ ತಪ್ಪುಗಳನ್ನ ಎತ್ತಿಹಿಡಿಯುವ ತವಕವಿರುತ್ತದೆ ಆದರೆ ಸುಮ್ಮನೆ ನೋಡುವಾಗ ವಿಮರ್ಶೆಯ ಅಗತ್ಯವಾಗಲೀ, ಕಾರಣಗಳನ್ನ ಅರ್ಥಗಳನ್ನ ಹುಡುಕುವ ತವಕವಾಗಲೀ, ಲಾಜಿಕ್ ಗಳಿಗೆ ತಡಕಾಡುವ ಅಗತ್ಯತೆಯಾಗಲೀ ಇರುವುದಿಲ್ಲ! ಈ ಲಾಜಿಕ್ ಎನ್ನುವುದು ಎಂಥಾ ವಿಚಿತ್ರವಾದುದು ಗೊತ್ತಾ? ಯಾರೋ ಹೇಳಿದರು ಈ ಲೋಕದಲ್ಲಿ ಪ್ರತಿಯೊಂದಕ್ಕೂ ತನ್ನದೇ ಆದ ಲಾಜಿಕ್ ಇರುತ್ತದೆ.. ಪ್ರತಿಯೊಂದು ಕ್ರಿಯೆಗೂ ತನ್ನದೇ ಆದ ಕಾರಣ ಪರಿಣಾಮಗಳಿರುತ್ತೆ ಮತ್ತು ನೀವಿಡುವ ಪ್ರತಿಯೊಂದು ಹೆಜ್ಜೆಯೂ, ಉಸಿರಾಟವು ಎಲ್ಲವೂ ಎಲ್ಲವೂ ಆ ಪ್ಲಾನಿನಂತೆಯೇ ನಡೆಯುತ್ತದೆ, ಯಾವುದೋ ಕಾರಣಕ್ಕಾಗಿ ನಡೆಯುತ್ತದೆ. ಹೀಗೆ ಅಂದುಕೊಳ್ಳುವವರ ಜೀವನ ಪ್ರೀತಿಯನ್ನು ಕಂಡು ಖುಶಿಯಾಗುತ್ತೆ ನನಗೆ.

ಆದರೆ ವಾಸ್ತವವೇ ಬೇರೆ ಆಗುವ ಆರಂಭಗಳಿಗೆ, ಘಟಿಸುವ ಘಟನೆಗಳಿಗೆ, ಮುಗಿಸುವ ಮುಕ್ತಾಯಗಳಿಗೆ ಒಂದಕ್ಕೊಂದು ಸಂಭಂಧವೇ ಇರುವುದಿಲ್ಲ.. ಸಂಭಂದವಿಲ್ಲದವುಗಳಿಗೆ ಕಥೆ ಕಟ್ಟುವ ಸಂಬಂಧ ಹುಡುಕುವ ಕ್ರಿಯೇಟಿವಿಟಿ ಕಲಾತ್ಮಕತೆ ತಮ್ಮ ಕಥೆಗಳನ್ನು ತಾವೇ ಮುಗ್ಧವಾಗಿ ನಂಬಿ ಸಂಭ್ರಮಿಸುವ, ಆತಂಕ ಪಡುವ, ಪಶ್ಚಾತಾಪದಲ್ಲಿ ನರಳುವ, ಮಮ್ಮಲ ಮರುಗುವ ಲೋಕದಲ್ಲಿ ಎಲ್ಲಾರೂ ಹಾಯಾಗಿದ್ದೇವೆ.

ನಿನಗೆ ಗೊತ್ತಲ್ಲ ನನ್ನ ಸ್ವಭಾವ ಪತ್ರ ಬರೆಯುವುದರಲ್ಲೂ ಒಂದು ವ್ಯವಸ್ಥೆ ಇಲ್ಲ ಮುಖ್ಯವಾಗಿ ಹೇಳಬೇಕಾದ್ದನ್ನು ಮರೆತು ಇನ್ನೇನನ್ನೋ ಕೊರೆಯುತ್ತಿದ್ದೇನೆ. ನಾನು ನೋಡಿದ್ದನ್ನು ಹೇಳುತ್ತೇನೆ ಕೇಳು.. ಅವರಿಬ್ಬರಿಗೂ ಪರಿಚಯವಾಗಿ, ಬಹಳದಿನಗಳಾದ ಮೇಲೆ ಅದು ಪ್ರೀತಿಯಂತ ಇಬ್ಬರಿಗೂ ಅನ್ನಿಸಿ ಅವನು ಅವಳನ್ನು ಪ್ರೀತಿಸತೊಡಗಿ ಅವಳೂ ಅವನನ್ನು ಒಪ್ಪಿ, ಅವಳಮ್ಮನಿಗೆ ಅದು ಗೊತ್ತಾದರೂ ತನ್ನ ಮಗಳು ಇಷ್ಟಪಡುತ್ತಿರುವ ಹುಡುಗ ‘ಯೋಗ್ಯ’ ಅನ್ನಿಸಿದ್ದರಿಂದ ಅವಳೂ ಸುಮ್ಮನಿದ್ದು ಪ್ರೋತ್ಸಾಹ ಕೊಟ್ಟಿದ್ದು.. ..ಲವ್ ಸ್ಟೋರಿ ವಿದೌಟ್ ವಿಲ್ಲನ್ಸ್..

ಅವನು ಅವಳನ್ನು ನೋಡಲು ಅದ್ಯಾವುದೋ ಊರಿನಿಂದ ಬರುತ್ತಿದ್ದನಲ್ಲ, ಆವಾಗ ಇವಳಿಗೆ ಕಾಯುವ ಸಂಭ್ರಮ. ಅವನಿಗೆ ಬಂದು ಕೂಡುವ… ಇಬ್ಬರೂ ಅಷ್ಟು ಪ್ರೀತಿಸುತ್ತಿದ್ದರಲ್ಲ, ಅವನು ಅವಳಿಗೆ ಉಡುಗೊರೆಗಳ ಮಳೆ ಸುರಿಯುತ್ತಿದ್ದ ಭಾವನೆಗಳ ಮಹಾಪೂರವೇ ಹರಿಯುತ್ತಿತ್ತು.. ಇವಳಿಗೆ ಅವನೆಂದರೆ ಮರಳ ಬಿಸುಪು ಸಮುದ್ರ ಪ್ರೀತಿ ಎಲ್ಲಾ ಸರಿ… ಮೊದಲ ಸಲ ಅವರಿಬ್ಬರೂ ಪ್ರೀತಿಸತೊಡಗಿದ ಮೇಲೆ ದೆಹಲಿಯಿಂದ ಅವಳನ್ನು ಭೇಟಿಮಾಡಲೆಂದೇ ಬೆಂಗಳೂರಿಗೆ ಬಂದಿದ್ದ, ದಿನವೆಲ್ಲಾ ಇಬ್ಬರೂ ಸುತ್ತಾಡಿದರು, ಒಟ್ಟಿಗೆ ಕಾಲ ಕಳೆದರು, ಅವಳದು ಬೆಂಗಳೂರಲ್ಲ ಅಲ್ಲೇ ಪಕ್ಕದಲ್ಲಿ ಒಂದು ಹಳ್ಳಿ, ರಾತ್ರಿ ಅವಳು ಮನೆಗೆ ವಾಪಾಸಾಗಬೇಕಲ್ಲ, ಪಕ್ಕದ ಹಳ್ಳಿಗೆ, ಆ ಹಳ್ಳಿಗೆ ಅವಳ ಜೊತೆ ಹೋಗಿ ತಲುಪಲು ರಾತ್ರಿ ಎಂಟುಗಂಟೆಯಾಗುತ್ತದೆ, ಆದರೆ ತಲುಪಿದ ಮೇಲೆ ಮತ್ತೆ ಬೆಂಗಳೂರಿಗೆ ಬರಲು ಒಂದೂವರೆ ಗಂಟೆಯ ಮೇಲೇ ಬಸ್ಸಿರುವುದು ಅವನು ಅವಳನ್ನು ಬಿಟ್ಟು ಅಲ್ಲಿಂದ ವಾಪಾಸ್ಸು ತಾನಿಳಿದುಕೊಂಡ ಜಾಗಕ್ಕೆ ಬರಲು ಬಸ್ಸಿಗಾಗಿ ಕಾಯುತ್ತಾ ಕುಳಿತಿರಲು ಯಾರಿಗೆ ಸಾಧ್ಯ ಹೇಳು? ಹುಡುಗನ ಸ್ಥಿತಿಯನ್ನ ಹುಡುಗಿ ಅರ್ಥಮಾಡಿಕೊಳ್ಳಬೇಕಲ್ಲವೇ.. ಅರ್ಥ ಮಾಡಿಕೊಂಡಳು. ವಿಶೇಷವೆಂದರೆ ಅವನು ಬರುವ ಮೊದಲೇ ಹೋಗುವ ಟಿಕೇಟೂ ಸಿದ್ಧವಾಗಿರುತ್ತಿತ್ತು..

ಹೋಗದೇ ಆಗುತ್ತದೆಯೇ ಅವನಿಗೇನು ಕೆಲಸವಿಲ್ಲವೇ? ಇದ್ದಾಗಲೂ ಹೋಗಿ ಮಾಡಬೇಕಾದ ಕೆಲಸಗಳು ಯೋಚನೆಗಳು.. ಉಹು ಅವನ ತಪ್ಪಲ್ಲ ಖಂಡಿತ. Its very human, but the girl used to feel bad about this.. ಅವನು ಅವಳನ್ನು ಇಷ್ಟಪಡುತ್ತಾನೆ, ದೂರ ಇದ್ದಾಗ ಇವಳಿಗಾಗಿ ಹಂಬಲಿಸಿ ಹಂಬಲಿಸಿ ನರಳುತ್ತಾನೆ. ಆದರೆ ಆ ಹುಡುಗಿಗೆ ಈ ರೀತಿಯ ಮನುಷ್ಯ ಪ್ರೀತಿ ವಿಚಿತ್ರ ಅನ್ನಿಸತೊಡಗಿತು, ಅರ್ಥವಾಗುತ್ತಿರಲಿಲ್ಲ. Its her disability.  ಬರಬರುತ್ತಾ ಅವನು ಬಂದು ಹೋಗುವಾಗಲೆಲ್ಲಾ ಅವನು ತನಗೆ ಅಪಾಯಿಂಟ್ಮೆಂಟ್ ಕೊಡುತ್ತಿದ್ದಾನೆ ಅಂದುಕೊಂಡಳು. ವಾರ ಪೂರ್ತಿ ಅವರಿವರೊಡನೆ ಬಿಸ್ನೆಸ್ ಮೀಟಿಂಗಳನ್ನು ಅಟೆಂಡ್ ಮಾಡುತ್ತಾ ಭೇಟಿಯಾಗಬೇಕಾದವರನ್ನೆಲ್ಲಾ ಭೇಟಿಯಾಗುತ್ತಾ ವಾರದ ಕೊನೆಗೆ ಇವಳನ್ನು ಬಂದು ಭೇಟಿಯಾಗುವಾಗ ಅವನಿಗೆ ಸಿಗುತ್ತಿದ್ದ ನೆಮ್ಮದಿ, ಸಾಂತ್ವನ ಪದಗಳ ಮಿತಿಯಲ್ಲಿ ಹೇಳಲಾರದು ಅನ್ನಿಸುತ್ತಿತ್ತು ಅವನಿಗೆ.

ವಾರ ಪೂರ್ತಿ ಮತ್ತೆ ದುಡಿಯುವ ಹುಮ್ಮಸ್ಸು ಎಲ್ಲಾ ಸಿಕ್ಕಿತು ಅಂದುಕೊಳ್ಳುತ್ತಿದ್ದ, ಈ ಹುಡುಗಿ ನನಗೂ ಅಪಾಯಿಂಟ್ಮೆಂಟ್ ಕೊಟ್ಟು ಪ್ರೀತಿಸುತ್ತಿದ್ದಾನೆ ಹಿಂಸೆಯಾಗುತ್ತಿತ್ತು.. ಅಷ್ಟು ಮಾತ್ರವಲ್ಲ ಮನುಷ್ಯ ಪ್ರೀತಿಯೇ ಅಷ್ಟು ಎಂದೂ ನಿರ್ಧರಿಸಿಯೇ ಬಿಟ್ಟಳು.. ಅವಳು ಮನೆಯಲ್ಲಿ ಸಾಕಿರುವ ಬೆಕ್ಕು ನಾಯಿ ಪಾರಿವಾಳ ಮೊಲಗಳು ಯಾವತ್ತೂ ಅಪಾಯಿಂಟ್ಮೆಂಟ್ ಕೊಡಲ್ಲ ಅಂತಾನೂ ಅನ್ನಿಸುತ್ತಾ ಹೋಯಿತು.

ಪ್ರಾಣಿಗಳ ಹಾಗೆ ಪ್ರೀತಿಸುವ ಹುಡುಗ ಸಿಕ್ಕರೆ ಮಾತ್ರ ಪ್ರೀತಿಸುತ್ತೇನೆ ಅಂದುಕೊಂಡಳು. ಅವನು ಇವಳಲ್ಲಿ ಆದ ಬದಲಾವಣೆಯನ್ನು ಅರ್ಥಮಾಡಿಕೊಳ್ಳಲಾಗದೆ ವಿಹ್ವಲನಾದ! ಇವರಿಬ್ಬರಲ್ಲಿ ಯಾರದು ತಪ್ಪು ಯಾರದು ಸರಿ ಅಂತ ವಿಶ್ಶ್ಲೇಷಿಸಬೇಡ , ಮತ್ತೆ ಕಾರಣಗಳಲ್ಲಿ ಕಳೆದು ಹೋಗಬೇಡ..  just try to see it from the above..

ಕೊಪ್ಪ ಅವರ ಉಮರ್ ಖಯ್ಯಾಮ್

umara

%d bloggers like this: