Archive for July 23rd, 2009
ಜೋಗಿ ಕವಿತೆ: ಅವಳನ್ನು ನೋಯಿಸಿದ ಮುಸ್ಸಂಜೆಗೆ
ಆ ಅಪರಾತ್ರಿ ನಾನು
ತೀರಿಕೊಂಡೆ.
ಒಂದು ಮಾತು, ಮತ್ತೊಂದು ಸಂದೇಶ,
ಕಣ್ಣೀರ ಹನಿ, ಬಿಕ್ಕುವ ಸದ್ದು, ಮುಗಿಯದ ದಾರಿ
ನಾಳೆ
ಖಗ್ರಾಸ ಸೂರ್ಯಗ್ರಹಣ.
ಆ ಅಪರಾತ್ರಿ
ನಾನು ನನ್ನನ್ನೇ
ಕೊಂದುಕೊಂಡೆ.
ದೂರದಲ್ಲಿ ರೇಲಿನ ಸಿಳ್ಳೆ
ಯಾರದೋ ನಿಟ್ಟುಸಿರಿನಂತೆ.
ಯಾವುದೋ ಮೆರವಣಿಗೆ
ಎಲ್ಲೋ ಮಳೆ ಬಂದಿದ್ದಕ್ಕೆ
ನನ್ನ ಹೊಟ್ಟೆಯೊಳಗೆ ಧಗೆ.
ಆ ಅಪರಾತ್ರಿ
ನಾನು ಮತ್ತೆ ಹುಟ್ಟಿದೆ.
ಕಲಿಯುತ್ತಿದ್ದೇನೆ; ಮಾತು,.
ಅಂಬೆಗಾಲು..
ಯಾರ ಕಾಲನ್ನೂ ತುಳಿಯದೇ
ಎಲ್ಲೂ ಎಡವದೇ ನಡೆಯಲು.
ಮತ್ತೆ ಎಂದೂ ಅಪರಾತ್ರಿಯಲ್ಲಿ
ಸಾಯದಿರಲು.
ಆ ಅಪರಾತ್ರಿ
ನಾನವಳನ್ನು ಮತ್ತಷ್ಟು ಪ್ರೀತಿಸಿದೆ.
ಸಮರ್ಥನೆ ಇಲ್ಲದ ಮಾತಿನ ಹಾಗೆ
ಬುಡವಿಲ್ಲದ ಮೋಡ.
ರೋಹಿಣಿಯ ಸಂಗವಿಲ್ಲದ ಚಂದ್ರ.
ನನ್ನೆದುರಿನ ಕಗ್ಗತ್ತಲು.
ಕಡ್ಡಿಗೀರಿದ ಪ್ರೀತಿ ಗುಡ್ಡ ಸುಟ್ಟೀತೇ?
ಈ ಅಪರಾತ್ರಿಗಳಲ್ಲಿ ನಾನು
ಅವಳಾಗಿದ್ದೇನೆ.
ಮುನಿವ ರಾತ್ರಿಗಳ ಪಾಲಿಗೆ ಮೌನಿ.
ಸಣ್ಣಗೆ [...]
